ទោះជាយ៉ាងណាក៏ដោយ រហូតមកដល់ពេលនេះ ភាគីទាំងពីរមិនទាន់សម្រេចបានវឌ្ឍនភាពដើម្បីបន្តការចរចានៅឡើយទេ។ ឯកសារនេះបានរងភាពជាប់គាំង បន្ទាប់ភាគីទាំងពីរចោទប្រកាន់គ្នាទៅវិញទៅមកអស់រយៈពេលជាច្រើនសប្តាហ៍ អំពីការរំលោភលើការសន្យា។

ទោះបីជាអនុស្សរណៈអ៊ីស្លាម៉ាបាដបានអស់សុពលភាពនៅថ្ងៃទី ១៧ ខែសីហាក៏ដោយ ប៉ុន្តែអត្ថន័យនៃកិច្ចព្រមព្រៀងនេះ នៅតែត្រូវបានភាគីទាំងពីរមើលឃើញខុសៗគ្នា។ រដ្ឋមន្ត្រីការបរទេសអ៊ីរ៉ង់ លោក Abbas Araghchi នៅថ្ងៃទី ១៤ ខែសីហា បានបញ្ជាក់ថា ខ្លឹមសារនៃអនុស្សរណៈអ៊ីស្លាម៉ាបាដគឺជា "ការបញ្ចប់សង្គ្រាម មិនមែនជាកិច្ចព្រមព្រៀងឈប់បាញ់នោះទេ"។ លើសពីនេះ ដោយសារតែសហរដ្ឋអាមេរិកបានរំលោភលើអនុស្សរណៈអ៊ីស្លាម៉ាបាដ និងបន្តការវាយប្រហារ ដូច្នេះ "មិនមានបទឈប់បាញ់រយៈពេល ៦០ ថ្ងៃ ណាមួយដែលត្រូវការពន្យារពេលនោះទេ"។

ចំណែកឯភាគីអាមេរិកវិញ លោកប្រធានាធិបតី ដូណាល់ ត្រាំ និងរដ្ឋបាលរបស់លោក បន្តបង្កើនសេចក្តីប្រកាសដ៏តឹងរ៉ឹងទាក់ទងនឹងច្រកសមុទ្រហ័រមូស និងវិធានការដាក់សម្ពាធសេដ្ឋកិច្ចប្រឆាំងនឹងអ៊ីរ៉ង់។ នៅថ្ងៃទី ១៤ ខែសីហា លោក ត្រាំ បានឲ្យដឹងថា ទីក្រុងវ៉ាស៊ីនតោនមានផែនការប្រកាសជាផ្លូវការថា ច្រកសមុទ្រហ័រមូស ជាទឹកដីសហរដ្ឋអាមេរិក។

យោងតាមមជ្ឈដ្ឋានអ្នកវិភាគ ការដែលអនុស្សរណៈអ៊ីស្លាម៉ាបាដអស់សុពលភាព មិនមានន័យថា ការចរចាត្រូវបានបិទនោះទេ ប៉ុន្តែអនាគតនៃទំនាក់ទំនងអាមេរិក-អ៊ីរ៉ង់នឹងអាស្រ័យលើលទ្ធភាពថា តើភាគីទាំងពីរអាចបង្រួមភាពខុសគ្នា និងរកឃើញក្របខ័ណ្ឌសម្រាប់កិច្ចព្រមព្រៀងថ្មីមួយដែរឬអត់៕