ចរន្តមនុស្សតម្រង់ជួរដើម្បីចូលរួមកម្មវិធី "វិលត្រឡប់មកពេលវេលាដ៏ពិសិដ្ឋវិញ" នៅវិមានឯករាជ្យ
22/08/2026 08:57
[VOVWORLD] - កម្មវិធី "វិលត្រឡប់មកពេលវេលាដ៏ពិសិដ្ឋវិញ" នៅវិមានឯករាជ្យ (ទីក្រុងហូជីមិញ) បានបើកនៅព្រឹកថ្ងៃទី១៩ ខែសីហា ដោយប្រើប្រាស់បច្ចេកវិទ្យាការពិតនិម្មិត ដើម្បីជួយសាធារណជន "ធ្វើដំណើរឆ្លងកាត់ពេលវេលា" វិលត្រឡប់មករសៀលថ្ងៃទី២ ខែកញ្ញា ឆ្នាំ១៩៤៥ នៅទីលានបាឌីញ (ទីក្រុងហាណូយ) និងមើលឃើញពេលវេលាដែលលោកប្រធានហូជីមិញបានអានសេចក្តីប្រកាសឯករាជ្យ និងបង្កើតឡើងសាធារណរដ្ឋប្រជាធិបតេយ្យវៀតណាម។
«វិលត្រឡប់មកពេលវេលាដ៏ពិសិដ្ឋវិញ» គឺជាកម្មវិធីមួយដឹកនាំដោយវិទ្យុសំឡេងវៀតណាម (VOV) កាសែត VTC News សម្របសម្រួលជាមួយវិទ្យាស្ថានបច្ចេកវិទ្យាព័ត៌មាន និងទំនាក់ទំនង CDIT ចំណុះវិទ្យាស្ថានប្រៃសណីយ៍និងទូរគមនាគមន៍ដើម្បីរៀបចំឡើង។ កម្មវិធីនេះសំដៅរំលឹកខួបលើកទី ៨១ នៃជោគជ័យបដិវត្តន៍ខែសីហា (ថ្ងៃទី ១៩ ខែសីហា ឆ្នាំ ១៩៤៥ - ថ្ងៃទី ១៩ ខែសីហា ឆ្នាំ ២០២៦) និងទិវាបុណ្យជាតិថ្ងៃទី ២ ខែកញ្ញា និងរំលឹកខួប ៥០ ឆ្នាំដែលទីក្រុងសៃហ្គន - យ៉ាឌិញ មានកិត្តិយសដោយបានដាក់ឈ្មោះលោកប្រធានហូជីមិញ។ កម្មវិធីនេះបានធ្វើឡើងនៅសាលឯកភាព - វិមានឯករាជ្យ សង្កាត់ ប៊ែនថាញ់ ទីក្រុងហូជីមិញ។
ចាប់ពីព្រឹកព្រលឹម យុវជនមួយក្រុមធំបានប្រមូលផ្តុំគ្នាដើម្បីរង់ចាំចូលរួម។
លោក ង៉ូ មិញហៀន អគ្គនាយករង វិទ្យុសំឡេងវៀតណាម (VOV) ជាមួយលោក ង្វៀន ម៉ាញគឿង អនុប្រធានគណៈកម្មាធិការប្រជាជនទីក្រុងហូជីមិញ មុនពេលពិធីចាប់ផ្តើម។
កុមារ ទទួលបទពិសោធន៍ដោយអន្ទះសារ និងកត់ត្រាអារម្មណ៍ពេលដែលចូលរួមក្នុងកម្មវិធី។
ពីស្តាំទៅឆ្វេង៖ អគ្គនាយករងវិទ្យុវៀតណាម (VOV) លោក ង៉ូ មិញហៀន; អនុប្រធានគណៈកម្មាធិការឃោសនាអប់រំនិងចលនាមហាជននៃគណៈកម្មាធិការបក្សទីក្រុងហូជីមិញ លោក តាំង ហ៊ូវផុង; នាយកស្ថាប័នតំណាង VOV ប្រចាំទីក្រុងហូជីមិញ លោក ង្វៀន ង៉ុកណាំ និងតារាបង្ហាញម៉ូដ ថាញ់ហាំង ក្នុងពិធីនេះ។
អនុប្រធានគណៈកម្មាធិការប្រជាជនទីក្រុងហូជីមិញ លោក ង្វៀន ម៉ាញគឿង និងវរសេនីយ៍ឯក
វីរជនកងកម្លាំងប្រដាប់អាវុធប្រជាជន លោក ង្វៀន វ៉ាន់តៅ (ទឺកាង) ក្នុងពិធី។
ប្រតិភូ និងអតីតយុទ្ធជននៅក្នុងពិធីបើក។
ភ្ញៀវកិត្តិយស និង KOL នៅក្នុងពិធី។
ការសម្តែងសិល្បៈនៅដើមកម្មវិធី។
ប្រតិភូធ្វើពិធីបើក។
វរសេនីយ៍ឯក វីរយុទ្ធជននៃកងកម្លាំងប្រដាប់អាវុធប្រជាជន ង្វៀន វ៉ាន់តៅ (ទឺ កាង) ដែលមានអាយុជិត ១០០ ឆ្នាំ ទទួលបទពិសោធន៍វិលត្រឡប់មកពេលវេលានៃការបង្កើតសាធារណរដ្ឋ
ប្រជាធិបតេយ្យវៀតណាម នៅទីលានបាឌីញ ក្នុងឆ្នាំ ១៩៤៥។
វរសេនីយ៍ឯក វីរយុទ្ធជននៃកងកម្លាំងប្រដាប់អាវុធប្រជាជន ង្វៀន វ៉ាន់តៅ (ទឺ កាង) នៅតែមានសុខភាពល្អ ហើយរីករាយជាមួយក្មួយៗកុមារ។
កុមារមានការរំភើបរីករាយពិសេសចំពោះកម្មវិធីនេះ។
អតីតយុទ្ធជនរង់ចាំចូលរួមទទួលបទពិសោធន៍។
នៅពេលថ្ងៃត្រង់ នៅតែមានមនុស្សយ៉ាងច្រើនកុះករដែលរង់ចាំចូលរួម។
Tag:
TAGVOV/VOVWORLD/ថ្ងៃទី ២ កញ្ញា/វៀតណាម/ទិវាបុណ្យជាតិ/លោកប្រធានហូជីមិញ/សេចក្ដីប្រកាសឯករាជ្យ/ទីលានបាឌិញ/ពេលវេលាដ៏ពិសិដ្ឋ
