(VOVworld)-នៅថ្ងៃពុធជារៀងរាល់សប្តាហ៍ ថ្នាក់រៀនមួយក្នុងសាលាជាន់ខ្ពស់ ឧស្សាហកម្មហាណូយ បានលាន់លឺរំពងការបញ្ចេញសំលេងរៀនភាសាអង់ គ្លេសនិងសម្លេងរបស់គ្រូ Paul George Harling។លោកគ្រូ Paul ជាអតីតយុទ្ធជន អាមេរិកដែលធ្លាប់ចូលរួមសង្គ្រាមនៅវៀតណាម។ ដោយបានឃើញផ្ទាល់ភ្នែក នូវសង្គ្រាមដ៏កាចសាហាវដែលខ្លួនធ្លាប់ចូលរួមនោះ បានជាលោកប្តេជ្ញាចិត្តវិល ត្រឡប់មកវៀតណាមនិងរៀបចំវគ្គបង្រៀនភាសាអង់គ្លេសឥតគិតថ្លៃសម្រាប់ ជនវៀតណាមគ្រប់រូប។ សិក្ខាកាមនៅថ្នាក់រៀនរបស់លោកគ្រូ Paul គ្រប់វ័យអាយុ         ថ្នាក់រៀនភាសាអង់គ្លេសរបស់លោក Paul George Harling ចាប់ផ្តើមដំណើរ ការនាខែធ្នូឆ្នាំ២០១៤។ ថ្នាក់រៀននេះទាក់ទាញការចូលរួមរបស់សិក្ខាកាមជា ច្រើននាក់​ ពីប្អូនកុមារទៅដល់សិស្សានុសិស្ស សូម្បីតែជនវ័យកណ្តាលក៏ចូលឈ្មោះ រៀនផងដែរ។ នៅទីនេះ លោកគ្រូបានហ្វឹកហាត់ជំនាញនិយាយនិងបញ្ចេញសម្លេង  ជាភាសាអង់គ្លេស។ លោក Pham Thanh Son ជាសិក្ខាកាមមួយរូបក្នុងថ្នាក់រៀនភាសា អង់គ្លេសរបស់លោកគ្រូ Paul បានចែករំលែកថា៖         “ខ្ញុំមានអាយុ៦០ឆ្នាំហើយ។​ខ្ញុំឃើញថាថ្នាក់រៀននេះមានអត្ថប្រយោជន៍ណាស់ ។ លោកគ្រូខិតខំព្យាយាមកែសម្លេងឲ្យសិស្សម្នាក់ៗ។ លោកគ្រូ​បានប្រើកាយវិការ ដើម្បី អ្នករៀនស្រួលចាំនិងស្រួលរៀនផងដែរ។ ”។         ជាអតីតទាហានមួយរូប លោក Paul Harding តែងដិតជាប់ក្នុងអារម្មណ៍នូវ ពេលវេលាចូលរួមសង្គ្រាមនៅសមរភូមិ Lam Dong ។​លោកជានិច្ចកាលមានបំណង វិលត្រឡប់មកវៀតណាមធ្វើអ្វីមួយជូនចំពោះប្រជាជនវៀតណាម។ រំលឹកឡើងវិញ  នូវសេចក្តីសម្រេចចិត្តវិលត្រឡប់មកវៀតណាមពីរឆ្នាំមុននោះ លោក Paul ចែករំ លែកថា៖         “ខ្ញុំបានអានសៀវភៅទិនានុលេខន៍ Dang Thuy Tram ដោយចៃដន្យ។​ សៀវ ភៅមួយក្បាលនោះបានធ្វើឲ្យខ្ញុំប្តេជ្ញាចិត្តវិលត្រឡប់មកវៀតណាម។​ខ្ញុំមិនដែលមាន  សេចក្តីសុខដូចបច្ចុប្បន្នឡើយ។ បានបង្រៀនជាការងារអស្ចារ្យបំផុតសម្រាប់រូបខ្ញុំ។ ទោះបីជានោះជាការងារគ្មានគិតប្រាក់ក៏ដោយ ប៉ុន្តែ ខ្ញុំទទួលបានភាពរីករាយក្នុងបេះ  ដូងរបស់ខ្លួន ”។         មេរៀនរបស់លោកគ្រូ Paul ភាគច្រើននិយាយអំពីជីវភាពរស់នៅ ប៉ុន្តែនៅ មានមេរៀនច្រើនទៀតគឺពាក់ព័ន្ធនឹងប្រត្តិសាស្ត្ររបស់វៀតណាម ជាពិសេសគឺ ដំណាក់កាលប្រឆាំងអាណានិគមនិយមបារាំង។ ដើម្បីត្រៀមរៀបចំឲ្យម៉ោងបង្រៀន លោកបានប្រើឯកសារដែលខ្លួនបានអាន  ហើយរួមផ្សំនឹងការស្រាវជ្រាវព័ត៌មាននៅ បណ្ណា ល័យទៀតផង។ លោក Paul Harding ក៏តែងតែស្រាវជ្រាវនូវសៀវភៅសរសេរ អំពី វីរៈជនវៀតណាម​ ដូចជា លោកប្រធានហូជីមិញ លោក Nguyen Van Troi ឬ កញ្ញា Dang Thuy Tram ជាដើម។​លោកចែករំលែកថា៖         “ខ្ញុំមានសំណាងបានអានសៀវភៅជីវប្រវត្តិរបស់លោក Nguyen Van Troi ដោយប្រពន្ធគាត់សរសេរ។ ហើយខ្ញុំបានចងក្រងឯកសារដ៏មានតម្លៃនោះក្នុងមេរៀន របស់ខ្លួន។ ខ្ញុំតែងតែនិយាយប្រាប់សិស្សរបស់ខ្លួនថា ពេលប្អូនជួបប្រទះនឹងការ លំបាកសាកល្បង យើងគប្បីគិតដល់លោក Nguyen Van Troi។ ខ្ញុំក៏បានរៀបចំ សប្តាហ៍ រំលឹកខួបកំណើតរបស់វេជ្ជបណ្ឌិត Dang Thuy Tram ក្នុងបំណងក្រើនរំលឹក ប្អូនៗ អំពីការពលីរបស់វីរៈយុទ្ធជនជំនាន់មុខ។ ខ្ញុំក៏ក្រើនរំលឹកឲ្យប្អូនៗត្រូវខិតខំព្យា យាម កុំខ្លាចនឿយណាយចំពោះក្តីលំបាកនិងឧបសគ្គដែលប្អូនៗជួបប្រទះនាពេល អនាគត”។         ចាប់តាំងពីថ្នាក់រៀននេះបានបើកមក មានអ្នកស្ម័គ្រចិត្តមកពីគ្រប់ទិសទីដូចជា កាណាដា អាល្លឺម៉ង់និងអូស្ត្រាលីបានមកវៀតណាមដើម្បីជួយលោក Paul ក្នុងកិច្ច​ការ បង្រៀន។         ក្រៅពីអ្នកស្មគ្រចិត្តបរទេស និស្សិតវៀតណាមច្រើនរូបក៏បានជួយលោកគ្រូ Paul ក្នុងការណៃនាំសិស្សផងដែរ។ លោក Nguyen Thanh Phong និស្សិតនៅថ្នាក់ រៀនដំបូង របស់លោក Paul បានចែករំលែកថា៖         “ខ្ញុំមានអារម្មណ៍ថា លោកគ្រូមានវិធីសាស្ត្រផ្តល់ចំណេះដឹងគួរឲ្យជក់ចិត្ត ណាស់។ លោកផ្ញើចំណងចំណូលចិត្តរបស់ខ្លួនតាមរយៈមេរៀន ដែលជាការពិត ទៅ  លោកចង់ឲ្យជនវៀតណាមជាច្រើននាក់ចេះនិយាយភាសាអង់គ្លេស។​ក្រោយរយៈពេល  មួយឆ្នាំបានរៀនជាមួយលោកគ្រូមក គឺភាសាអង់គ្លេសរបស់ខ្ញុំមានការរីកចំរើនយ៉ាង ខ្លាំង”។         ទោះបីជាមានអាយុ៧០ឆ្នាំហើយក៏ដោយ ប៉ុន្តែលោក Paul មិនខ្លាចការនឿយ ហត់ក៏ដូចជាបញ្ហាសុខភាពនោះឡើយ លោកនៅរក្សាម៉ោងបង្រៀនជារៀងរាល់ សប្តាហ៍ ។ សេចក្តីសម្រេចចិត្តវិលត្រឡប់មកវៀតណាមរបស់លោកគ្រូ Paul ទទួល បានការ គាំទ្ររបស់ក្រុមគ្រួសារលោក។ ជាពិសេស លោកគ្រូមានបំណងបើកទូ លាយរូប សណ្ឋានបង្រៀនរបស់ខ្លួននៅវៀតណាមនិងរៀបចំបានច្រើនថែមទៀត ចលនា ស្ម័គ្រចិត្តលើទូទាំងប្រទេសវៀតណាម៕