VOVWORLD_Nguyen Duong Kim Hao ជាសិស្សសាលាមធ្យមសិក្សាបឋម
ភូមិ Nguyen Gia Thieu ក្រុងហូជីមិញ។ ទោះបី ឆ្នាំនេះទើបមានអាយុ១៤ឆ្នាំក្ដីតែ
សិស្សរូបនេះបានទទួលរង្វាន់ជាច្រើនលើវិស័យព័ត៌មានវិទ្យានៅក្នុងនិងក្រៅ
ប្រទេសហើយត្រូវបានលើកសសើរនៅមហាសន្និបាតប្រលងប្រណាំងស្នេហាជាតិ
ក្រុងហូជីមិញ។
Nguyen Duong Kim Hao កើតនៅក្នុងគ្រួសារមួយដែលមានឪពុកម្ដាយសុទ្ធតែ
ជាគ្រូបង្រៀននៅតំបន់ឆ្ងាយដាច់ស្រយាលចំណុះស្រុក Cho Gao ខេត្តTien Giang
ភាគខាងត្បូងវៀតណាម។ពេលទើបនឹចេះអានអក្សរ កុមាររូបនេះបានទៅទិញសៀវ
ភៅស្ដីអំពីព័ត៌មានវិទ្យានិងអេលិចត្រូនិកដើម្បីរៀនខ្លួនឯង។ពេលឃើញឪពុកជួស
ជុលសំភារៈអគ្គីសនីក្នុងផ្ទះម្ដងៗគឺកុមារ Hao រមែងតែងតែយកចិត្តទុកដាក់សង្កេត
ស្វែងយល់។ នាពេលរៀនចប់ថ្នាក់ទី២ Nguyen Duong Kim Hao បានប្រលងជាប់
វិញ្ញាបនបត្រកម្រិតAផ្នែកព័ត៌មានវិទ្យានិទ្ទេសល្អប្រសើរក្នុងការប្រលងមួយដែល
សាលារៀបចំឡើងសំរាប់គ្រូបង្រៀន។ដោយសារចរិតឧស្សាហ៍ព្យាយាមរៀនសូត្រ
នាពេលមានអាយុ៩ឆ្នាំកុមារ Haoបានសរសេរសំរេចដោយជោគជ័យនូវកម្មវិធី
កំព្យូទ័របូកពិន្ទុសំរាប់ជូនឪពុកក្នុងឱកាសទិវាគ្រូបង្រៀនវៀតណាម(ថ្ងៃទី២០ខែ
វិច្ឆិកា)។ បន្ទាប់មក Nguyen Duong Kim Hao បានបង្កើតឡើងឧបករណ៍បញ្ជា
អគ្គីសនីក្នុងគ្រួសារដោយតភា្ជប់ជាមួយទូរស័ព្វឬកុំព្យូទ័រនិងបង្កើតកម្មវិធីកុំព្យូទ័រ
ផ្នែកគីមីដែលជួយបងស្រីជីដូនមួយស្វែងរកសមីការគីមីប្រកបដោយភាពងាយ
ស្រួល។សិស្ស Nguyen Duong Kim Hao បានឲ្យដឹងថា
“ មានពេលខ្លះខ្ញុំប្រទះឃើញគ្រួសារខ្ញុំនិងអ្នកជិតខាងជួបការលំបាកគឺខ្ញុំរិះ
គិតស្វែងរកដំណោះស្រាយសំរាប់ជួយគេ។ ពេលរកឃើញដំណោះស្រាយហើយខ្ញុំ
ចាប់ផ្ដើមធ្វើការសិក្សាស្រាវជា្រវនិងកែច្នៃឧបករណ៍និងកម្មវិធីកំព្យូទ័រទាំងនោះ”។
នាឆ្នាំ២០១១ពេលរៀនថ្នាក់ទី៤ HAOបានទទួលរង្វាន់លេខ៣ក្នុងការប្រលង
ព័ត៌មានវិទ្យាវ័យក្មេងទូទាំងប្រទេសរៀបចំដោយអង្គការយុវជនទីក្រុងហូជីមិញ
បន្ទាប់មកគាត់ដណ្ដើមបានពានរង្វាន់លេខ១ក្នុងការប្រលងនេះនាឆ្នាំ២០១២។
 |
| គិតរហូតមកដល់សព្វថ្ងៃនេះ Nguyen Duong Kim Hao បានទទួលរង្វាន់សំរាប់ផលិតផលច្នៃប្រឌិតចំនួនជាង២០នៅក្នុងនិងក្រៅប្រទេស |
ផលិតផលច្នៃប្រឌិតជាច្រើនរបស់ Nguyen Duong Kim Hao មានលក្ខណអនុវត្ត
ជាក់ស្ដែងខ្ពស់ហើយត្រូវបានសហគ្រាសមួយចំនួនចាប់អារម្មណ៍និងកក់ទិញ។ក្នុង
នោះផលិតផលលេចធ្លោបំផុតគឺ Laser Bot ជាម៉ាស៊ីនឆ្លាក់ឈើដោយកាំរស្មីឡា
ហ្សែរដែលទទួលបានរង្វាន់ពិសេសក្នុងការប្រលងការសាកល្បងច្នៃប្រឌិតវ័យក្មេង
ឆ្នាំ២០១៤។ នាបច្ចុប្បន្ន Haoកំពុងសិក្សាស្រាវជ្រាវកែប្រែផលិតផលថ្មីមានឈ្មោះ
Energy Mesh ជាម៉ាស៊ីនតាមដានថាមពលអគ្គីសនីត្រូវចំណាយនៃ ឧបករណ៍មួយ
ចំនួនដើម្បីយកទៅចូលរួមការប្រលង Young Markers Challenge រៀបចំដោយក្រុម
ហ៊ុន Intel Viet Nam។Nguyen Duong Kim Hao បានចែករំលែកថា
“ ការជក់ចិត្តគឺជាកំលាំងចលករជួយខ្ញុំឆ្លងផុតពីការលំបាក។ ព្រោះការកែច្នៃ
ផលិតផលអេលិចត្រូនិកវាស្មុកស្មាញណាស់បើមានកំហុសបន្តិចបន្តួចក៏ត្រូវធ្វើ
សៀគ្វីឡើងវិញដែរ។រូបមន្តសំរាប់រៀនសូត្រល្អមួយទៀតគឺរៀនផងធ្វើការផង។
ផលិតផលបង្កើតឡើងគឺសំដៅផ្ដល់នូវអត្ថប្រយោជន៍ជូនមនុស្សគ្រប់រូបព្រមទាំង
ជួយរូបខ្ញុំរៀនសូត្របានចំណោះវិជ្ជាថ្មីៗផង”។
គិតរហូតមកដល់សព្វថ្ងៃនេះ Nguyen Duong Kim Hao បានទទួលរង្វាន់សំរាប់
ផលិតផលច្នៃប្រឌិតចំនួនជាង២០នៅក្នុងនិងក្រៅប្រទេស។ រីឯនៅសាលារៀន
Nguyen Duong Kim Hao ជាសិស្សពូកែលើគ្រប់វិញ្ញាសារក្នុងរយៈពេល៨ឆ្នាំជាប់ៗ
គ្នា។ តាមលោកគ្រូ Nguyen Duc Anh Khoa នាយករងសាលាមធ្យមសិក្សាបឋមភូមិ
Nguyen Gia Thieu បានឲ្យដឹងថា
“ ពេល Kim Hao មានផលិតផលច្នៃប្រឌិតថ្មីនិងរង្វាន់ថ្មីម្ដងៗគឺសាលាតែងតែ
រៀបចំការជួបជុំសិស្សដើម្បី Haoឧទ្ទេសនាមអំពីផលិតផលទាំងនោះជាមួយមិត្ត
ទាំងឡាយ។ នាពេលខាងមុខនេះសាលាគ្រោងនឹងបង្កើតក្លិបវិទ្យាសាស្រ្ត។ ពេល
នោះ Haoបានចេញពីសាលាហើយតែយើងខ្ញុំសុំឲ្យគាត់វិលមកជួយសាលា”។
ដោយសារស្នាដៃឆ្នើមរបស់ខ្លួន Nguyen Duong Kim Hao ត្រូវបានជ្រើសតាំងជា
ពលរដ្ឋវ័យក្មេងដំណាងនៃក្រុងហូជីមិញនិងគំរូវ័យក្មេងវៀតណាមឆ្នាំ២០១៣។
ឥឡូវនេះ Haoកំពុងខិតខំរៀនសូត្រដើម្បីក្លាយទៅជាអ្នកសរសេរកម្មវិធីកុំព្យូទ័រ
អន្តរជាតិ៕
