(VOVWORLD) - នាទី ២៦ ខែកុម្ភៈ នៅទីក្រុងហាណូយ ក្រសួងការពារប្រទេសបានរៀបចំសន្និសីទមួយដើម្បីត្រៀមរៀបចំសម្រាប់ពិព័រណ៍ការពារជាតិអន្តរជាតិវៀតណាមលើកទី ៣ ឆ្នាំ ២០២៦ដែលដឹកនាំដោយឧត្តមសេនីយ៍ឯក ង្វៀន ទ្រឿង ថាំង អនុរដ្ឋមន្ត្រីក្រសួងការពារប្រទេស។
 គណៈប្រតិភូទស្សនាពិព័រណ៍ការពារជាតិអន្តរជាតិវៀតណាមឆ្នាំ ២០២៤ (រូបថត៖ ឌឹកអាញ/VOV5) |
ពិព័រណ៍ការពារជាតិអន្តរជាតិវៀតណាមលើកទី ៣ ឆ្នាំ ២០២៦ ដែលមានប្រធានបទ "សន្តិភាព មិត្តភាព កិច្ចសហប្រតិបត្តិការដើម្បីការអភិវឌ្ឍ" បានកំណត់ថា នឹងបានរៀបចំតាមទ្រង់ទ្រាយធំមួយ ដែលបង្ហាញអាវុធ និងឧបករណ៍បច្ចេកទេសជាច្រើនប្រភេទ រួមផ្សំជាមួយនឹងសកម្មភាពផ្សេងៗដូចជា ការតាំងពិព័រណ៍ផលិតផល សិក្ខាសាលា និងការពិភាក្សា សមយុទ្ធ ការបង្ហាញនៅនឹងកន្លែង និងព្រឹត្តិការណ៍បណ្តាញអាជីវកម្ម។
ដោយសង្កត់ធ្ងន់ថា ពិព័រណ៍ការពារជាតិអន្តរជាតិវៀតណាមមិនត្រឹមតែជាព្រឹត្តិការណ៍ការទូតការពារជាតិទ្រង់ទ្រាយធំប៉ុណ្ណោះទេ ប៉ុន្តែក៏ជាព្រឹត្តិការណ៍ដ៏សំខាន់មួយដែលបញ្ជាក់ពីកិត្យានុភាព សមត្ថភាពអង្គការ និងឋានៈនៃការធ្វើសមាហរណកម្មរបស់កងទ័ពប្រជាជនវៀតណាមនៅក្នុងបរិយាកាស សហប្រតិបត្តិការការពារជាតិពហុភាគី ឧត្តមសេនីយ៍ឯក ង្វៀន ទ្រឿងថំាង បានថ្លែងថា ការងាររៀបចំត្រូវតែអនុវត្តតាំងពីដំបូង ទូលំទូលាយ យ៉ាងល្អិតល្អន់ និងហ្មត់ចត់លើគ្រប់ទិដ្ឋភាពទាំងអស់។ ជាពិសេស ការធានាសុវត្ថិភាពដាច់ខាតសម្រាប់បុគ្គលិក យានយន្ត ឧបករណ៍ និងសកម្មភាពនានាពេញមួយពិព័រណ៍ត្រូវតែផ្តល់អាទិភាពជាចម្បងដែរ៕
