ចាប់ផ្តើមយុទ្ធនាការសាងសង់ផ្ទះសម្បែងសម្រាប់ប្រជាជនដែលរងផលប៉ះពាល់ដោយទឹកជំនន់

ឧបនាយករដ្ឋមន្ត្រី លោក Mai Van Chinh និងក្រុមការងារមជ្ឈិមបានធ្វើការជាមួយខេត្ត Lam Dong ស្តីពីការជំនះពុះពារផលវិបាកនៃទឹកជំនន់។ រូបថត៖ VOV

នេះគឺជាសកម្មភាពមួយក្នុងក្របខ័ណ្ឌនៃកម្មវិធីសាងសង់ផ្ទះសម្បែងយ៉ាងឆាប់រហ័សសម្រាប់ប្រជាជនដែលរងផលប៉ះពាល់ដោយគ្រោះមហន្តរាយធម្មជាតិ បំផុសដោយនាយករដ្ឋមន្ត្រី លោក ហ្វាម មិញជីញ។ នៅក្នុងពិធីបើកការដ្ឋានសាងសង់ ថ្នាក់ដឹកនាំខេត្ត Lam Dong បានបញ្ជាក់ថា នឹងបញ្ចប់ការសាងសង់ផ្ទះសម្បែងថ្មីសម្រាប់គ្រួសារដែលបានដួលរលំមួយផ្នែក ឬដួលរលំទាំងស្រុងមុនថ្ងៃទី ១៥ ខែមករា ឆ្នាំ ២០២៦ និងជួសជុលផ្ទះដែលរងការខូចខាតមុនថ្ងៃទី ២០ ខែធ្នូ ឆ្នាំ ២០២៥។

ឧបនាយករដ្ឋមន្ត្រី លោក Mai Van Chinh ថ្លែងក្នុងសម័យប្រជុំ។ រូបថត៖ VOV

ក្នុងឱកាសនេះ ឧបនាយករដ្ឋមន្ត្រី លោក Mai Van Chinh និងថ្នាក់ដឹកនាំខេត្ត Lam Dong បានប្រគល់អំណោយចំនួន ១០ចំណែក ដល់គ្រួសារដែលរងផលប៉ះពាល់យ៉ាងធ្ងន់ធ្ងរដោយទឹកជំនន់នៅឃុំ D'Ran; ចុះសួរសុខទុក្ខ និងលើកទឹកចិត្តប្រជាជនឱ្យជំនះលើការលំបាក ស្ថេរភាពជីវភាពរស់នៅ និងស្តារផលិតកម្មឡើងវិញ។ ទឹកជំនន់នាពេលថ្មីៗនេះ បានបណ្តាលឱ្យផ្ទះ ២៣ ខ្នងនៅខេត្ត Lam Dong ដួលរលំនិងលិចលង់ទាំងស្រុង ហើយត្រូវការសាងសង់ថ្មី;  ផ្ទះ ២០៦ ខ្នងរងការខូចខាតនិងត្រូវការជួសជុល។ ខេត្ត Lam Dong បានឧបត្ថម្ភថវិកា ១២០ លានដុង សម្រាប់ផ្ទះដែលដួលរលំទាំងស្រុង និងថវិកា ២០-៤០ លានដុងសម្រាប់ផ្ទះដែលរងការខូចខាត៕