 |
| ចម្រៀង Then hoi របស់ជនរួមជាតិ Tay នៅខេត្ត Quang Ninh (langvietonlines.com) |
Vovworld- ទោះបីជាមានអាយុ៨២វស្សាទៅហើយក្តី ប៉ុន្តែលោកយាយ Nong
Thi Sin នៅចូលរួមសម្ដែងចម្រៀង then ក្នុងរាត្រីច្រៀងផ្ដោះផ្ដងដដែល។ លោកយាយ
បានឲ្យដឹងថា កំលោះក្រមុំជនជាតិ Tay ពេលធំដឹងក្តីសុទ្ធតែបានស្រឡាញ់ ស្វែង
យល់ដោយសេរីនិងសម្រេចរៀបការដោយខ្លួនឯង។ គេអាចក្លាយជាគូស្រករនឹងគ្នាតាមរយៈចម្រៀង Then hoi ពេលជួបមុខគ្នា។
“ឧទាហរណ៍ដូចជាខ្លួនទៅដើរលេងនៅសហគមន៍ឬនៅតាមផ្លូវឬផ្សារ កន្លែង
ណាចង់ជួបមុខសំណេះសំណាលគឺច្រៀង Then hoi។ ច្រៀងយូរឬតិចគឺអាស្រ័យ
ខ្លួន។ ពេញចិត្តពេញថ្លើមគ្នាគឺមិនបាច់និយាយច្រើនឡើយ។”
ពាក្យពេជក្នុងចម្រៀង Then hoi ជាធម្មតាគឺប្រដូចឆ្លើយឆ្លង។ ហេតុនេះហើយ
ចម្រៀង Then របស់ជនរួមជាតិ Tay មានតំលៃមនុស្សសាស្ត្រដ៏ជ្រាលជ្រៅដោយមាន
ពាក្យពេជវិសេសវិសាល ពោពេញទៅដោយរូបភាព។ លោក Ngo Tien Sinh នៅក្រុម
ព័ត៌មានចល័តនៃស្រុក Binh Lieu បានឲ្យដឹងថា៖
“ចម្រៀង Then គឺជាកំណាព្យកាបឃ្លោងរបស់ជនជាតិ Tay។ រាល់ពាក្យពេជគឺ
មានឥត្ថន័យជ្រាលជ្រៅ។ មានឃ្លាជាច្រើនដែលជនជាតិ Tay ដំបន់គឺមិនអាចយល់
បានឡើយ។ ហេតុនេះហើយអ្នកច្រៀងចម្រៀង Then និយមចូលចិត្តប្រការនេះ
ណាស់។ ក្នុងចម្រៀង Then ឆ្លើយឆ្លងមិនតាមក្រិត្យក្រមណាមួយឡើយពីព្រោះថា
បងសួរអ្វីខ្ញុំឆ្លើយឬខ្ញុំអាចច្រៀងប្រៀបធៀបចម្លើយជ្រាលជ្រៅជាងអំពីពាក្យពេជ្រ
នោះ។”
ចម្រៀងឆ្លើយឆ្លងមិនអាចខ្វះបានខណៈជនជាតិ Tay មានភ្ញៀវមកលេងផ្ទះ
ពិសារស្រា ទិវាអំណរម្ចាស់ផ្ទះផ្ទះថ្មី ឬក្នុងទិវាសប្បាយឡើយ។ បណ្ដាការច្រៀង
ឆ្លើយឆ្លងសាកសួរសុខទុក្ខដើម្បីជនគ្រប់រូបយល់អំពីគ្នា សាកសួរសុខទុក្ខជំនួសឲ្យ
ការសំណេះសំណាលធម្មតា។ លោក Ngo Tien Sinh បានឲ្យដឹងថា៖
“ប្រសិនបើគេមានមិត្តមានដៃគូទាប់ទាំងគេមិនមែនជាគូស្រករក្តីប៉ុន្តែគេអាច
សម្ដែងម្ខាងជាបុរស ម្ខាងជានារី។ បុរស២នាក់ក៏អាចច្រៀងបានដែរ។ ជាធម្មតាគឺ
៤ឃ្លា។ ឧទាហរណ៍បងសួរអូន៤ឃ្លាគឺអូនឆ្លើយបង៤ឃ្លាដែលខ្លឹមសារគឺត្រូវដូចគ្នា។
ខ្ញុំសួរអ្វីគឺបងឆ្លើយនោះ ប្រសិនបើចាញ់គឺត្រូវផឹកស្រា។ ក្នុងថ្ងៃលោកតាលោកយាយ
ជូនពរគ្រួសារ ជូនពរជន្នមាយុសុទ្ធតែមានចម្រៀង Then ជូនពរដែរ។”
Then hoi ក៏ជាការរួមសប្បាយសំខាន់ក្នុងអាពារហ៍ពិពារហ៍របស់ជនរួមជាតិ Tay
នៅ Binh Lieu ដែរ។ លោក To Dinh Hieu នៅស្រុក Binh Lieu បានឲ្យដឹងថា៖
“ក្នុងថ្ងៃសប្បាយនិងពិសេសគឺក្នុងអាពារហ៍ពិពារហ៍នៅខាងគ្រួសារកូនកំលោះ
និងគ្រួសារកូនក្រមុំសុទ្ធតែមានក្រុមមួយច្រៀងចម្រៀង Then ពិរោះ។ ឧទាហរណ៍
គ្រួសារកំលោះមកដល់ទ្វាគ្រួសារកូនក្រមុំ មុនពេលចូល ត្រូវច្រៀងដើម្បីសូមបើក
ទ្វា សូមក្រាលកន្ទេលដើម្បីអង្គុយជាដើម។”
ចម្រៀង Then hoi របស់ជនរួមជាតិ Tay នៅស្រុក Binh Lieu ខេត្ត Quang Ninh
បានផ្ទុកនូវតំលៃវប្បធម៍ដ៏ជ្រាលជ្រៅក្នុងជីវភាពរស់នៅរបស់ជនរួមជាតិនៅទីនេះ។
បណ្ដាពាក្យពេជ្រពោរពេញទៅដោយភាពច្នៃប្រឌិតកំពុងបានប្រជាជនសម្ដែងជា
ប្រចាំថ្ងៃបាននិងកំពុងរួមចំណែករក្សារាល់តំលៃអំពីស្មារតីរបស់ប្រជាជន ទន្ទឹមនឹង
នោះរួមចំណែកបង្កើតឡើងភាពសម្បូរបែបពហុបែបសំរាប់ចង្វាក់ Then របស់ជនរួម
ជាតិ Tay នៅវៀតណាមនិយាយរួម៕
