ចម្រុះពណ៌ដ៏ស្រស់ស្អាតនៃបុណ្យសំពះព្រះខែនៅទីក្រុងហាណូយ

ឆ្នាំនេះ បុណ្យសំពះព្រះខែត្រូវនឹងថ្ងៃទី១ ខែតុលា។ ដោយសារផលប៉ះពាល់នៃជម្ងឺរាតត្បាត Covid-19 សកម្មភាពអំណរសាទរបុណ្យសំពះព្រះខែក៏ត្រូវបានដាក់កំហិតបើប្រៀបធៀបនឹងឆ្នាំមុនៗ ប៉ុន្តែបរិយាកាសនៃបុណ្យសំពះព្រះខែនៅទីក្រុងហាណូយ នៅតែសប្បាយអ៊ូអរណាស់។

វិថី Hang Ma ទាក់ទាញមនុស្សមកទស្សនាយ៉ាងច្រើនកុះករ។

ទីនេះមានដាក់លក់ទំនិញដ៏សម្បូរបែបនិងគួរឲ្យទាញភ្នែក។

ចាប់ពីប្រដាប់លេងសម្រាប់កុមារដ៏ស្អាតចម្រុះពណ៌...

រហូតដល់គ្រឿងតុបតែងដែលមិនអាចខ្វះបានក្នុងបុណ្យសំពះព្រះខែ។

 វិថីនេះតែងតែទាក់ទាញមនុស្សគ្រប់រូបដោយសារពណ៌ចម្រុះដ៏ភ្លឺផ្លេក នៃបុណ្យសំពះព្រះខែ។

ចាប់ពីកុមារ...

...រហូតដល់មនុស្សពេញវ័យ

ហាងស្មូន To he (ត ហែ) តូចរបស់សិប្បករ Dang Van Hau បង្កើត ការចាប់អារម្មណ៍យ៉ាងខ្លាំងចំពោះមនុស្សជាច្រើន។

រាល់អនុស្សាវរីយ៍កុមារភាពនៃជំនាន់អាយុ 8x ហាក់ដូចជាវិលត្រឡប់មកវិញតាមរយៈ រូបសត្វជាទីស្រឡាញ់របស់សិប្បករស្មូន To he រូបនេះ។

 នៅតំបន់បេតិកភ័ណ្ឌព្រះបរមរាជវាំង Thang Long កម្មវិធីអំណរសាទរបុណ្យសំពះព្រះខែឆ្នាំ២០២០ត្រូវបានរៀបចំឡើងក្រោមមូលបទ “រស្មីពន្លឺព្រះច័ន្ទថ្ងៃព្រះខែ”។

ទិដ្ឋភាពនៃបុណ្យសំពះព្រះខែជាប្រពៃណីត្រូវបានបង្កើតឡើងវិញនៅ រដ្ឋធានីហាណូយ។

ក្នុងបំណងពង្រីកតម្លៃវប្បធម៌ប្រពៃណីជាតិ កម្មវិធីអំណរសាទរបុណ្យសំពះព្រះខែនៅព្រះបរមរាជវាំងនឹងជួយឲ្យទស្សនិកជននិងកុមារ មានឱកាសចូលរួមនិងស្វែងយល់អំពី បរិយាកាសនៃបុណ្យសំពះព្រះខែបុរាណកាលដែលត្រូវបានតុបតែងដោយចង្កៀងគោមប្រពៃណីចម្រុះពណ៌រួមជាមួយសកម្មភាពឧទ្ទេសនាមពីវប្បធម៌ប្រជាប្រិយរបស់បណ្ដាសិប្បករផងដែរ។

ស្ពកអាហារនិងផ្លែឈើសែនព្រះខែ ដោយមានបញ្ញាវ័ន្តក្រដាសដាក់នៅកណ្ដាល ជាការបង្ហាញពីបំណងប្រាថ្នារបស់លោកតាលោកយាយនិងឪពុកម្ដាយចង់ឲ្យកូនចៅក្នុងគ្រួសាររៀនសូត្រពូកែនិងទទួលជោគជ័យក្នុងជីវិត។

កម្មវិធី “រស្មីពន្លឺព្រះច័ន្ទថ្ងៃព្រះខែ” ឆ្នាំនេះ បានប្រារព្ធធ្វើឡើងក្នុងថ្ងៃទី២៦និងថ្ងៃទី២៧ កញ្ញា៕