ជីវភាពរស់នៅប្រចាំថ្ងៃនៅភាគកណ្តាលវៀតណាមក្នុងទស្សនាវដ្តីបរទេស

អ្នកថតរូបនេះបានចែករំលែកអារម្មណ៍ជាមួយ Travel and Leisure អំពីតំបន់ភាគកណ្តាល វៀតណាមថា៖ “ នេះជាតំបន់បុរាណដែលបានបង្កប់នូវប្រវត្តិសាស្ត្រនិងវប្បធម៌។ ភ័ស្តុតាងគឺជារាជធានី បុរាណ Hue និងភាពទំនើបនៅទីក្រុង Da Nang រឺទីក្រុង Nha Trang (ខេត្ត Khanh Hoa)” ។ ទស្សនាវដ្តីន៍នេះក៏បន្ថែមទៀតថាគោលដៅទេសចរណ៍តាមឆ្នេរសមុទ្រដ៏ល្បីល្បាញនៅភាគកណ្តាលវៀតណាមគឺជាកន្លែងដ៏ទាក់ទាញបំផុតសម្រាប់អ្នកទេសចរក្រោយពីជំងឺរាតត្បាត Covid-19។

អ្នកថតរូបជនជាតិជប៉ុនបានទៅដល់កំពង់ផែ ឆ្នេរសមុទ្រនិងតំបន់ជនបទដ៏សុខសាន្តត្រាណដើម្បីផ្តិតយករូបភាពស្អាតបំផុតនៅវៀតណាម។

មកដល់ទីក្រុងបុរាណ Hoi An លោក Andrew Faulk  ទៅវត្ត Cau ហើយផ្តិតយករូបភាពទ្វារពណ៌ប្រផេះគួរឲ្យទាក់ទាញភ្នែក។ លោកក៏បានចែករំលែកថាប្រសិនបើមានឱកាសវិលត្រឡប់នៅទីនេះ លោកនឹង ចំណាយពេលច្រើននៅជាយក្រុង Hoi An  ដើម្បីដើរកាត់វាលស្រែរួមទាំង អង្គុយនិងជជែកជាមួយអ្នក ស្រុកក៏ដូចជាស្វែងយល់អំពីប្រាសាទអាថ៌កំបាំង My Son ដែលជាប្រព័ន្ធទីសក្ការៈបូជាមួយត្រូវ បាន សាងសង់ឡើងដោយរាជាណាចក្រចម្ប៉ា។

រូបភាពរបស់នារីម្នាក់កំពុងយោលអង្រឹងនៅលើរានហាលផ្ទះគឺជារូបភាពដែលត្រូវបានអ្នកថតរូបចូល ចិត្តបំផុតនៅក្នុងអាល់ប៊ុមរូបថត។ រូបភាពនេះ ត្រូវបានគេចាត់ទុកថាជាការបង្ហាញពីការស្វាគម៍ដ៏កក់ក្តៅ និងភាពរួសរាយរាក់ទាក់របស់ប្រជាជននៅតំបន់ជនបទនៃភាគកណ្តាលប្រទេសវៀតណាម។

លោក Andrew Faulk បានឲ្យដឹងថាសម្រាប់អ្នកទេសចរជាច្រើនការស្វាគមន៍និងបានជជែកជាមួយ ជនបរទេសនៅលើរានហាលផ្ទះរបស់ពួកគេគឺពិបាកណាស់។ ទោះជាយ៉ាងណាក៏ដោយនៅពេលមកដល់ តំបន់ភាគកណ្តាល លោកមានការចាប់ អារម្មណ៍យ៉ាងខ្លាំងនៅពេលដែលប្រជាជននៅទីនេះបានស្វាគមន៍ លោកយ៉ាងកក់ក្តៅ។

រូបភាពស្ត្រីម្នាក់ដែលកំពុងបែងចែកប្រភេទគ្រឿងសមុទ្រនៅពេលព្រឹកព្រលឹម ក៏ត្រូវបានអ្នកថតរូប ថតទុកបានដែរ។ ក្នុងនាមជាអ្នកថតរូបពោរពេញទៅដោយចំណង់ចំណូលចិត្តរបស់ Andrew Faulk កំពុងស្រឡឹងមើលយ៉ាងយកចិត្តទុកដាក់។លោកដើរកំសាន្តនិងស្វែងរកសម្រស់ដ៏សាមញ្ញបំផុតដើម្បីបង្កើតរូបភាពនិង បង្ហាញពីទិដ្ឋភាពទូទៅអំពីពិភពលោក។

លោកលបានចាត់ទុកថាសម្រស់នៃជីវភាពរស់នៅ អាចលេចឡើងក្រោមទម្រង់ជាច្រើន។ នោះជាឆ្នេរសមុទ្រ ដែលមានសុខសន្តិភាព  សម្រស់របស់នារីម្នាក់ ឬសូម្បីតែពេលមាននរណាម្នាក់ផ្សេងទៀតសោះកក្រោះ។ អាស្រ័យហេតុនេះហើយ អ្នកថតរូបបានបង្ហាញឡើងវិញនូវជីវភាពរស់នៅដ៏រស់រវើក របស់ប្រជាជនវៀតណាមតាមរយៈអាល់ប៊ុមរូបថត។

ក្រៅពីរូបថតដែលថតទុកនូវជីវភាពរស់នៅជាប្រចាំថ្ងៃ អ្នកថតរូបក៏មិនភ្លេចណែនាំអំពីម្ហូបអាហាររបស់ វៀតណាមឡើយ។ ក្នុងនោះ លោកបានបង្ហាញនូវក្តីស្រឡាញ់ចំពោះមុខម្ហូបមី Quang Nam ដែលជាមុខម្ហូបប្រចាំតំបន់ ដ៏ល្បីល្បាញមួយរបស់ប្រជាជននៅភាគកណ្តាលវៀតណាម៕