VOVWORLD_ Lai Vungជាស្រុកស្ថិតនៅប៉ែកត្បូងខេត្តDong Thapភូមិ
ភាគខាងត្បូងវៀតណាមដែលមានសក្តានុពលជាច្រើនទាំងអំពីវប្បធម៌និង
ធម្មជាតិដើម្បីអភិវឌ្ឍន៍វិស័យទេសចរណ៍។ស្រុកLai Vungល្បីដោយសារមាន
ទេសភាពធម្មជាតិស្រស់ត្រកាលរួមជាមួយបណ្ដាចំការក្រូចឃ្វិចក្រហមដែល
ទាក់ទាញភ្ញៀវទេសចរជាច្រើនកុះករមកទស្សនា។

ជាទឹកដីស្ថិតនៅចន្លោះទន្លេធំចំនួន២នៃតំបន់វាលសណ្ដណាមបូគឺទន្លេ
Tien និងទន្លេHauនោះ ស្រុកLai Vungសំបូរទៅដោយប្រភពទឹកសាបនឹងដី
ល្បាប់មានជីជាតិល្អ។ពីភាពអំណោយផលនេះប្រជាពលរដ្ឋក្នុងស្រុកបានធ្វើ
ការដាំដុះបន្លែនិងដើមឈើហូបផ្លែគ្រប់មុខពិសេសគឺដំណាំក្រូចឃ្វិចក្រហម
ល្បីឈ្មោះក្នុងទូទាំងប្រទេស។មានចំងាយប្រមាណ១០គីឡូម៉ែត្រពទិសខាង
លិចទីក្រុងSa Decខេត្តDong Thapនោះតាំងពីយូរមកហើយស្រុកLai Vung
ត្រូវបានចាត់ទុកជារាជាណាចក្រក្រូចឃ្វិចក្រហម។ពីច្រកចូលទីរួមស្រុកភ្ញៀវ
ទេសចរអាចមើលឃើញរូបផ្លែឃ្វិចក្រហមដែលជានិមិត្តរូបរបស់Lai Vung ។
ដើមឡើយ អ្នកស្រុកយកពូជក្រូវឃ្វិចធម្មតាមកដាំតែដោយសារដីធ្លីនៅ
តំបន់នេះមានជីជាតិល្អពិសេសបានជាយូរៗទៅផ្លែឃ្វិចមានរស់ជាតិពិសេស។
ផ្លែឃ្វិចនៅ Lai Vungគឺធំពណ៌ក្រហម មានទឹកច្រើនផ្អែមនិងក្រអូប។តាម
លោកស្រី Truong Thi Nen ជាអ្នកដាំក្រូចឃ្វិចនៅស្រុកLai Vungបានឲ្យដឹងថា

“ ដីសមស្របបំផុតសំរាប់ដាំដើមក្រូចឃ្វិចក្រហមគឺដីឥដ្ឋខ្លាញ់មាន់ដែល
មានច្រើននៅតាមឃុំចំនួន៣នោះគឺឃុំ Tan Thanh Tan Phuoc និង Long
Hau ហើយក៏មានខ្លះៗនៅឃុំVinh Thoi។អាស្រ័យលើធម្មជាតិអំណោយផល
បានជាការដាំដុះដើមក្រូចឃ្វិចក្រហមនៅLai Vungមានលក្ខណងាយស្រួល
បំផុតបើប្រៀបនឹងដំបន់ដទៃៗ”។

។អាស្រ័យលើធម្មជាតិអំណោយផលបានជាការដាំដុះដើមក្រូចឃ្វិចក្រហមនៅLai Vungមានលក្ខណងាយស្រួលបំផុតបើប្រៀបនឹងដំបន់ដទៃៗ

មកទស្សនាស្រុកLai Vungនៅរដូវប្រមូលផលដំណាំភ្ញៀវទេសចរនឹងបាន
រស់នៅក្នុងបរិយាកាសសប្បាយរីករាយរបស់បងប្អូនប្រជាកសិករ។ក្រុមម្ចាស់ចំការ
អាជីវករកសិករប្រញាប់ប្រញាល់នឹងការប្រមូលផលក្រូចឃ្វិចផងបែងចែកប្រភេទ
ផ្លែ និងយកទៅលក់ផង។អ្នកទេសចរអាចចូលចំការបេះឃ្វិចដោយខ្លួនឯងហើយ
បរិភោគប្រភេទផ្លែដ៏ឆ្ងាញ់មួយនេះ។ថ្មីៗនេះស្រុកLai Vungបានជ្រើសរើសផ្ទះចំការ
មួយចំនួនដែលមានទីតាំងងាយស្រួលដើម្បីសហការពង្រីកទេសចរណ៍អេកូឡូស៊ី។
អញ្ជើញមកទស្សនាតំបន់នេះភ្ញៀវទេសចរនឹងបានថតរូបជាអនុស្សសវរីយជាមួយ
មិត្តភ័ក្តិនិងក្រុមគ្រួសារនៅក្នុងចំការក្រូចឃ្វិចក្រហម ឃ្វិចផ្អែម ទទួលទានម្ហូប
អាហារឈ្ងុយឆ្ងាញ់ពិសេសនៃតំបន់ប៉ែកខាងលិចណាមបូព្រមទាំងបានស្ដាប់
កំសាន្តនឹងការច្រៀងរាំDon ca tai tuដ៏ល្បីនៅទឹកដីLai Vung ទៀតផង។

ប៉ុន្មានឆ្នាំចុងក្រោយនេះក្នុងឱកាសបុណ្យចូលឆ្នាំជាប្រពៃណីវៀតណាម
(តេត)ប្រជាជននៅក្រុងហូជីមិញនិងបណ្ដាខេត្តខាងត្បូងជាច្រើនកុះករតែង
តែមកកាន់ Lai Vung ទិញក្រូចឃ្វិចក្រហមយកទៅផ្ទះដោយគេជឿថាក្រូចឃ្វិច
ក្រហមអាចនាំមកនូភ័ព្វសំណាងល្អជូនក្រុមគ្រួសារក្នុងឆ្នាំថ្មី។តាមលោក
Nguyen Huu Hieu ជាអ្នកស្រាវជ្រាវវប្បធម៌ណាមបូ(ភូមិភាគខាងត្បូងវៀត
ណាម)បានឲ្យដឹងថា

“ ពណ៌ក្រហម និងពណ៌កុលាបជាពណ៌សំខាន់២ដែលប្រជាពលរដ្ឋចូលចិត្ត
ដាក់នៅទីសក្ការបូជាក្នុងបុណ្យតេត។ផ្លែក្រូចឃ្វិចក្រហម Lai Vungសមស្រប
នឹងបទដ្ឋាននោះហើយត្រូវបានប្រជាជននិយមចូលចិត្ត។”

មកទស្សនាស្រុកLai Vungភ្ញៀវទេសចរនឹងបានគយគន់ទេសភាព
ធម្មជាតិដ៏ស្រស់ស្អាតផងព្រមទាំងមានឱកាសស្វែងយល់ពីវប្បធម៌ដ៏សំបូរ
បែបរបស់ប្រជាជនតំបន់ទៀតផង៕

ទស្សនាចំការក្រូចឃ្វិចLai Vung ខេត្តDong Thap