VOVWORLD_ក្រុង Da Lat ឬហៅថាទីក្រុងផ្កាចំណុះខេត្តLam Dong ភាគ
កណ្ដាលវៀតណាម។ ក្រៅពីរមនីយដ្ឋានល្បីឈ្មោះនានា ផ្សាររាត្រី Da Latក៏ជាទីកន្លែង
ដែលត្រូវបានភ្ញៀវទេសចរជាច្រើនកុះករនិយមចូលចិត្តមកទស្សនាផងដែរ។ គេមក
នេះមិនត្រឹមតែដើម្បីទិញរបស់របរជាអនុស្សវីយប៉ុណ្ណោះទេថែមទាំងដើម្បីស្វែងយល់
វប្បធម៌របស់ប្រជាជនតំបន់ទៀតផង។

ធ្វើដំណើរតាមផ្លូវធំចូលទីក្រុងហើយឆ្លងស្ពានយ៉ាងរ៉ូម៉ានទិកនៃបឹង Xuan
Huong និងវិថី Nguyen Thi Minh Khai ពោរពេញទៅដោយពន្លឺព្រេចៗនៃភ្លើងតាម
ដងផ្លូវគឺភ្ញៀវទេសចរនឹងទៅដល់ផ្សាររាត្រី Da Latដែលមានបរិយាកាសយ៉ាងអ៊ូអរ
សប្បាយរីករាយ។ នៅក្នុងផ្សារនេះមិនសូវឃើញមានមនុស្សដើរម្នាក់ឯងទេ ភាគ
ច្រើនគឺបុរសនារីទាំងគូៗកាន់ដៃគ្នាឬមិត្តភក្តិដើរជាក្រុម។ គេរកទិញអាវឡែន ផ្កា
ស្រស់ បន្លែផ្លែឈើឬភ្លក្សម្ហូបឈ្ងុយឆ្ងាញ់គ្រប់មុខរបស់តំបន់ទៀតផង។ អ្នកស្រីHa
Diem My នៅខណ្ឌ Thu Duc ក្រុងហូជីមិញរួមជាមួយគ្រួសារមកសំរាកលំហែនៅ Da
Lat ចុងសប្ដាហ៍បានឲ្យដឹងថា

“ ពេលមកទស្សនាDa Latម្ដងៗ ខ្ញុំតែងតែដើរផ្សាររាត្រីដោយសារនៅទីនេះ
មាន លក្ខណៈវប្បធម៌ដោយឡែករបស់ទឹកដី Da Lat។ ខ្ញុំអាចទិញវត្ថុអនុស្សាវរីយ
ដូចជាអាវនិងកន្សែងឡែនឬក៏ទិញបន្លែផ្លែឈើស្ពៃខៀវ ការ៉ូត និងដំឡុងបារាំង
ដែលមានតំលៃថោក ស្រស់និងសំបូរបែប”។

រីឯលោក Pham Bich Duy ជាទេសចរមកពីខណ្ឌ Binh Thanh ក្រុងហូជីមិញ
បានចែករំលែកថា

“ ខ្ញុំមកទស្សនាផ្សាររាត្រី នេះ៤លើកហើយ។ កន្លែងនេះមានការទាក់ទាញយ៉ាង
ខ្លាំង។ ខ្ញុំតែងតែទិញខោអាវ មួកឡែននិងស្រោមជើង។ ក្រៅពីវត្ថុអនុស្សាវរីយ
យើងខ្ញុំនៅទីញចំណីអាហារពិសេសដូចជា ដំណាប់ និងទឹកផ្លែឈើគ្រប់មុខទៀត
ផង”។

ផ្សាររាត្រី Da Lat បើកទ្វារពីថ្ងៃចន្ទដល់ថ្ងៃអាទិត្យហើយកាន់តែទាក់ទាញអតិថិជននិងភ្ញៀវពីមួយថ្ងៃទៅមួយថ្ងៃ។

ទោះបីស្ថិតនៅតំបន់ខ្ពង់រាបក្ដីតែផ្សាររាត្រី Da Latក៏ទាក់ទាញភ្ញៀវទេសចរដោយ
សារគ្រឿងសមុទ្រគ្រប់មុខផងដែរ។ គ្រឿងសមុទ្រនៅទីនេះលក់ក្នុងតំលៃមិនសូវខ្ពស់
ហើយឆ្ងាញ់ណាស់។ តាមលោក Nguyen Duc Tinh ជាអ្នកទេសចរមកពីខេត្ត Vinh
Phuc បានឲ្រដឹងថា

“ផ្សាររាត្រី Da Lat មានលក់ស៊ុបជាច្រើនមុខយ៉ាងឆ្ងាញ់មកពីភូមិភាគខាងជើង
និងភាគកណ្ដាលដោយប្រើគ្រឿងផ្សំចំលែកនិងបន្លែស្រស់ស្អាត។ នៅតំបន់នេះ
អាកាសធាតុត្រជាក់ស្រួលហើយម្ហូបសាច់អាំងឆ្ងាញ់ណាស់។ ចំណែក ស្រានៅ Da Lat
វិញ ក៏ល្អពិសេសនិងសំបូរបែបដែរ”។

ទំនិញនៅផ្សាររាត្រី Da Lat មានគ្រប់ប្រភេទ តំលៃសមរម្យហើយការបំរើ
អតិថិជនគឺល្អ។ រដ្ឋអំណាចក្រុង Da Lat លើកទឹកចិត្តអាជីវករលក់ដូរ ធ្វើសេវា
ដោយបំរើភ្ញៀវឲ្យបានល្អ។ អ្នកស្រីLe Thi Hong Nhung ជាម្ចាស់ហាងលេខ៣៥ អា
ផ្លូវ Nguyen Thi Minh Khai ផ្សាររាត្រី Da Latបានឲ្យដឹងថា

“ អាជ្ញាធរជានិច្ចកាលលើកទឹកចិត្តប្រជាជនតំបន់លក់ទំនិញមានគុណភាព
ល្អនិងសំបូរបែប។ ខ្ញុំលក់បណ្ដាមុខទំនិញពិសេសរបស់ Da Lat ដូចជា បន្លែ ផ្លែឈើ
តែកាហ្វេនិង Atiso ដែលសុទ្ធតែបានផលិតនៅនឹងតំបន់។ ភ្ញៀវទេសចរភាគ
ច្រើន មកកាន់ផ្សារនាពេលយប់ ចំណែកអ្នកDa Lat ដើរផ្សារនេះជារៀងរាល់ថ្ងៃ”។

ផ្សាររាត្រី Da Lat បើកទ្វារពីថ្ងៃចន្ទដល់ថ្ងៃអាទិត្យហើយកាន់តែទាក់ទាញ
អតិថិជននិងភ្ញៀវពីមួយថ្ងៃទៅមួយថ្ងៃ។ ការចាប់អារម្មណ៍ខ្លាំងបំផុតរបស់ភ្ញៀវ
ទេសចរចំពោះទីក្រុង Da Latនោះគឺសោភ័ណភាពខាងវប្បធម៌ ការរួសរាយរាក់
ទាក់ភ្ញៀវរបស់ប្រជាពលរដ្ឋនៅតំបន់ខ្ពង់រាបនេះ៕

ទស្សនាផ្សាររាត្រី Da Lat