VOVWORLD_បងប្អូនជនរួមជាតិនៅស្រុកHon Dat ខេត្តKien Giang
ភាកខាងត្បូងវៀតណាមមានបច្ចេកទេសធ្វើកុលាលភាជន៍តាំងពីយូរមកហើយ។
ដីឥដ្ឋនៅតំបន់ Hon Datគឺម៉តនិងស្វិតណាស់បានជានៅពេលស្មូនគ្រឿងភាជន៍
និងដុតក្នុងឡ ផលិតផលមិនសូវខូចព្រមទាំងមានគុណភាពល្អ។ នៅស្រុក Hon
Datមានភូមិ Dau Doiដែលប្រជាជននៅទីនោះមានរបរធ្វើកុលាលភាជន៍ជា
ប្រពៃណី។
ស្ថិតនៅមជ្ឈមណ្ឌលស្រុក Hon Datភូមិរបរប្រពៃណី Dau Doi ជំនាញធ្វើ
កុលាលភាជន៍ហើយរួមចំណែកអភិរក្សតំលៃវប្បធម៌ប្រពៃណី។ តាមលោក Tran
Van Tue ជាពលរដ្ឋមួយរូបនៅភូមិនេះឲ្យដឹងថា ក្នុងអំឡុងឆ្នាំ១៩៨០ ផលិតផល
កុលាលភាជន៍របស់ភូមិលក់ដាច់ណាស់ ហើយគ្រួសារណាក៏មានឡដុតភាជន៍
ចំនួន២-៣ដែរ។នាឆ្នាំ២០០៦គ្រួសារលោក Tran Van Tue បានបណ្ដាក់ទុនទិញ
ម៉ាស៊ីនកិនដីដែលមានតំលៃ២០លានដុងដើម្បីកាត់បន្ថយចំណាយប្រាក់ជួល
កិនដី។ លោកឲ្យដឹងថាមុននេះមិនទាន់មានម៉ាស៊ីនគឺត្រូវប្រើជើងធាក់ដីហើយ
ចំណាយពេលពី២ដល់៣ថ្ងៃ។ តែឥឡូវមានម៉ាស៊ីនហើយគ្រាន់តែចំណាយពេល
២ម៉ោងប៉ុណ្ណោះគឺកិនបានដីមួយទូកឯណោះ។លោក Tran Van Tueបានឲ្យដឹងថា
“ អតិថិជនមកទិញច្រើនណាស់។ គ្រួសារខ្ញុំធ្វើរបរនេះអស់៣ជំនាន់ហើយ។
ប្រជាពលរដ្ឋនៅតាមខេត្ត៦នៅប៉ែកខាងលិចភាគខាងត្បូងសុទ្ធតែប្រើគ្រឿង
ភាជន៍នៅភូមិខ្ញុំបានជាយើងរកស៊ីមានបាន។ ចង្រ្កានដីដុតនេះមួយគ្រឿង
លក់បាន៥ពាន៥រយដុង។ ក្នុងរយៈពេលកន្លះខែខ្ញុំផលិតបានចង្រ្កាន១០០០
គ្រឿងហើយលក់ឲ្យអតិថិជនតែម្ដង”។
 |
| ភូមិរបរប្រពៃណី Dau Doi ជំនាញធ្វើកុលាលភាជន៍ហើយរួមចំណែកអភិរក្សតំលៃវប្បធម៌ប្រពៃណី |
ប្រការពិសេសនៅ ភូមិDau Doiគីនារីចូលរួមយ៉ាងខ្លាំងនៅក្នុងការផលិត
កុលាលភាជន៍ រីឯបុរស ទទួលធ្វើការងារធ្ងន់ដូចជាការទៅយកដី បង្ហាប់ដី ហាល
ដីនិងរៀបផលិតផល និងសំអាតឡ។ ផលិតផលសំខាន់នៅនៅ ភូមិDau Doiនា
បច្ចុប្បន្នគឺចង្រ្កានដីដុត។ នៅទីនេះមានអាងត្រាំដីឥដ្ឋ ម៉ាស៊ីនកិនដី ឡដុត
និងទីធ្លាហាលដីនិងផលិតផល។ វត្ថុសំរាប់ដុតច្រើនតែប្រើអង្កាម។ តាមអ្នក
ស្រី Tran Thi Sang ជាអ្នកលក់អង្កាមបានឲ្យដឹងថា
“ មុននេះគេដុតគ្រឿងភាជន៍នឹងឧស និងចម្បើង។ រយៈពេល២០ឆ្នាំ
កន្លងមកគឺដុតនឹងអង្កាមវិញ។ខ្ញុំទិញអង្កាមនៅរោងចក្រ។ គិតជាមធ្យម
គ្រួសារមួយប្រើអង្កាមចំនួនពី៥០០ដល់៦០០ស្បោងក្នុងមួយថ្ងៃ។ ការដុតនឹង
អង្កាមនេះវាធ្វើឲ្យផលិតផលមានគុណភាពល្អជាងការដុតនឹងឧស”។
ក្រៅពីការផលិតគ្រឿងភាជន៍នៅភូមិDau Doi នៅស្រុកHon Dat មាន
ភូមិមួយចំនួនទៀតដូចជាភូមិHon Queo និងភូមិTri Tonក៏ប្រកបរបរនេះ
ដែរ។ ប្រការនេះបានសរឲ្យឃើញនូវតម្រូវការប្រើគ្រឿងភាជន៍របស់ប្រជាជន
នៅ វាលសណ្ដទន្លេ Cuu Long ព្រមទាំងឆ្លុះបញ្ចាំងនូវការអភិរក្សនិងពង្រីក
របរសិប្បកម្មប្រពៃណីរបស់ប្រជាពលរដ្ឋនៅតំបន់នេះទៀតផង៕
