 កម្មវិធី កន្លែងណាតជួបអាណិកជន នាពេលថ្មីៗនេះ សំដៅតភ្ជាប់អាជីវកម្មក្នុងស្រុក និងពាណិជ្ជករវៀតណាមនៅបរទេស។ រូបថត៖ M.P |
លោក Nguyen Ngoc Luan នាយកប្រតិបត្តិនៃក្រុមហ៊ុនតភ្ជាប់ពាណិជ្ជកម្មសកល ជាមួយផលិតផលកាហ្វេរហ័ស Meet More Coffee បានចែករំលែកថា ដោយបានអនុលោមយ៉ាងតឹងរឹងនូវបទប្បញ្ញត្តិរបស់ប្រទេសសាមី ស្តីពីតម្លាភាពនៃប្រភពដើមទំនិញ ផលិតផលរបស់ក្រុមហ៊ុនលោកបានឈរជើងយ៉ាងរឹងមាំនៅក្នុងទីផ្សារបរទេស៖ “សម្រាប់យើងខ្ញុំ ដំបូងបង្អស់គឺត្រូវចូលរួមក្នុងដំណើរការ ISO មានឯកសារគ្រាប់គ្រាន់ និងមានទិន្នន័យជាឯកសារនៅឡូទំនិញនីមួយៗ បន្ទាប់មក អ៊ិនកូដទិន្នន័យនៅលើវិបផតថលដោយប្រើប្រាស់លេខកូដ QR ឬព័ត៌មានអំពីបច្ចេកវិទ្យា។ សហគ្រាសត្រូវមានភ្នាក់ងារគ្រប់គ្រងផ្ទៃក្នុង ប្រការនេះមានសារៈសំខាន់ណាស់ ដែលត្រូវការវិនិយោគលើក្បាលម៉ាស៊ីនអភិបាលកិច្ចប្រកបដោយគុណភាព”។
រហូតមកដល់បច្ចុប្បន្ន ផលិតផល Meet More បានយកឈ្នះអតិថិជនជាច្រើន ដោយគ្របដណ្តប់នៅតាមផ្សារទំនើបនិងហាងលក់ចាប់ហួយទាំងធំ និងតូចនៅទូទាំងប្រទេស។ មិនត្រឹមតែប៉ុណ្ណោះទេ Meet More បានឆ្លងកាត់ស្តង់ដារនាំចេញដ៏តឹងរឹងបំផុត ហើយមានវត្តមាននៅក្នុងទីផ្សារកាហ្វេចំនួន ២០ ជុំវិញពិភពលោក ដូចជាប្រទេសឥណ្ឌា ជប៉ុន កូរ៉េខាងត្បូង អាមេរិក និងអូស្ត្រាលី។
លើសពីនេះ អាជីវកម្មជាច្រើនបានវិនិយោគលើការតាមដានប្រភពដើម ក៏ដូចជាចំណាយលើការបណ្តុះបណ្តាលធនធានមនុស្សមានជំនាញខ្ពស់ ការបណ្តុះបណ្តាលបុគ្គលិកផ្នែកបច្ចេកវិទ្យា ការបង្កើតប្រព័ន្ធកត់ត្រានិងត្រួតពិនិត្យទិន្នន័យដ៏ត្រឹមត្រូវជាបន្តបន្ទាប់។ លោកស្រី Do Tu Trace នាយិការទទួលបន្ទុកកិច្ចការបរទេសនៃក្រុមហ៊ុន Blue Saigon បានឲ្យដឹងថា អាជីវកម្មបានខិតខំធានាឱ្យមានការតាមដានប្រភពដើមយ៉ាងច្បាស់លាស់ ការអនុវត្តបច្ចេកវិទ្យាព័ត៌មាន និងប្រើប្រាស់លេខកូដ QR គឺជាដំណោះស្រាយដ៏មានប្រសិទ្ធភាពក្នុងការតាមដានប្រភពដើម តាមនោះលើកកម្ពស់តម្លៃ និងជំរុញការប្រើប្រាស់ផលិតផល។ “យើងខ្ញុំបានបង្កើតក្រុមការងារមួយក្រុមដើម្បីប្រើប្រាស់កម្មវិធីទាំងអស់នៅលើទីផ្សារសម្រាប់ការតាមដានប្រភពដើម។ អង្គភាពជាច្រើនបានអមដំណើរ និងគាំទ្រយើងខ្ញុំដើម្បីអនុវត្តតាមស្តង់ដារសមស្របជាមួយអ្នកផ្គត់ផ្គង់ អ្នកផលិត និងដៃគូនាំចូល”។
 លោក លោក Nguyen Ngoc Luan អាណិកជនវៀតណាមនៅប្រទេសអូស្ត្រាលី នាយកប្រតិបត្តិនៃ Meet More Coffee។ រូបថត៖ Ngoc Xuan |
ការតាមដានប្រភពដើមបាននិងកំពុងជាតម្រូវការចាំបាច់នៅពេលដែលវៀតណាមផ្គត់ផ្គង់ទំនិញទៅកាន់ទីផ្សារជាច្រើននៅលើពិភពលោក។ ជាឧទាហរណ៍ កសិផលរបស់វៀតណាម ទីផ្សារធំៗដែលនាំចូលផលិតផលទាំងនេះ ដូចជាប្រទេសចិន ជប៉ុន កូរ៉េខាងត្បូង អាមេរិក សហភាពអឺរ៉ុប (EU) សុទ្ធតែមានបទប្បញ្ញត្តិដែលមានលក្ខណៈចាប់បង្ខំចំពោះសហគ្រាស ស្តីពីការតាមដានប្រផពដើមទំនិញ។ ជាក់ស្តែង ការកសាងប្រព័ន្ធបទប្បញ្ញត្តិរបស់បណ្តាប្រទេស មាននិន្នាការកើនឡើង ជាមួយនឹងមាតិកាកាន់តែតឹងរ៉ឹង ដែលសហគ្រាសត្រូវតែបំពេញ ប្រសិនបើពួកគេចង់លក់ទំនិញទៅកាន់ប្រទេសទាំងនោះ។ លោក Luong Minh Huan នាយកវិទ្យាស្ថានអភិវឌ្ឍន៍សហគ្រាសបានចាត់ទុកថា៖ “ការតាមដានប្រភពដើមគឺជាមធ្យោបាយមួយដើម្បីបង្ហាញពីតម្លាភាព និងការសន្យារបស់សហគ្រាស ចំពោះគុណភាពនិងប្រភពដើមនៃផលិតផល។ ការតាមដានប្រភពដើមបានបង្ហាញថា ផលិតផលនិងទំនិញបានបំពេញតាមស្តង់ដារគុណភាព សុវត្ថិភាព និងបរិស្ថាន ដែលត្រូវបានកំណត់ដោយអង្គការអន្តរជាតិ។ ប្រការនេះ បង្កើតការជឿទុកចិត្តពីដៃគូអាជីវកម្ម និងអ្នកប្រើប្រាស់ ជំរុញទំនាក់ទំនងពាណិជ្ជកម្មនិងបង្កើតឧត្តមភាពប្រកួតប្រជែង លើទីផ្សារអន្តរជាតិ”។
បច្ចុប្បន្ននេះ វៀតណាមបានធ្វើសមាហរណកម្មយ៉ាងស៊ីជម្រៅទៅក្នុងសេដ្ឋកិច្ចពិភពលោក ដោយចូលរួមក្នុងកិច្ចព្រមព្រៀងពាណិជ្ជកម្មសេរីជំនាន់ថ្មី (FTA) ជាច្រើន។ ដើម្បីប្រកួតប្រជែងប្រកបដោយប្រសិទ្ធភាព បញ្ជាក់ពីគុណភាពទំនិញវៀតណាមនៅលើទីផ្សារបរទេស និងទទួលបានទំនុកចិត្តពីអ្នកប្រើប្រាស់ពិភពលោក ក្រៅពីការគាំទ្ររបស់រដ្ឋាភិបាល ក៏ទាមទារឲ្យមានការខិតខំប្រឹងប្រែងរបស់សហគ្រាស ក្នុងការផ្លាស់ប្តូរខ្លួនឯង យល់ដឹង និងអនុវត្តន៍យ៉ាងពេញលេញ នូវស្តង់ដារ និងតម្រូវការរបស់ទីផ្សារ។ ដោយអនុលោមការតាមដានប្រភពដើមទំនិញនិងការអនុវត្តបច្ចេកវិទ្យា បានជួយឱ្យផលិតផលនិងម៉ាកយីហោវៀតណាមមានវត្តមានកាន់តែច្រើននៅក្នុងទីផ្សារពិភពលោក៕
