ដូច្នេះគេជឿជាក់ថា ពិធីមង្គលការកាន់តែធំ ពិធីទទួលកូនប្រសារមានមនុស្សកាន់តែច្រើន គឺសុភមង្គលរបស់គូស្នេហ៍នឹងស្ថិតស្ថេរកាន់តែយូរអង្វែង។
ជនជាតិ Giay ឬហៅថា Nhang, Dang, Pu Na, Cu Chu, Xa... មានប្រជាជនប្រមាណ ២៥.០០០ នាក់ រស់នៅក្នុងស្រុកក្រុងស្ទើរតែទាំងអស់នៃខេត្ត Lai Chau ។
ដោយមានប្រវត្តិអភិវឌ្ឍន៍តាំងពីយូរលង់ណាស់មកហើយ ជនជាតិ Giay មានជីវភាពខាងវប្បធម៌ដ៏សម្បូរបែប និងចម្រុះពណ៌។
លក្ខណៈវប្បធម៌ដ៏វិសេសវិសាលមួយគឺជាពិធីទទួលកូនប្រសារក្នុងពិធីមង្គលការប្រពៃណី។
ពិធីទទួលកូនប្រសារក្នុងពិធីមង្គលការប្រពៃណីរបស់ជនជាតិ Giay នៅខេត្ត Lai Chau តែងតែប្រព្រឹត្តទៅនៅចុងឆ្នាំ។
មុនពេលប្រារព្ធពិធីទទួលកូនប្រសារ កូនក្រមុំនិងកូនកំលោះជនជាតិ Giay ត្រូវឆ្លងកាត់ពិធីមួយចំនួន តាមទំនៀមទំលាប់ប្រពៃណី ដូចជា “ស្តីដណ្តឹង” ។
ទៅទទួលកូនប្រសារ រួមមានក្រុមត្រែ Pi keo ៤នាក់ មេអណ្តើក ២នាក់ កូនកំលោះ កូនកំដរប្រុស និងក្រុមដង្ហែរគ្រឿងបណ្ណាការ ។
គ្រឿងបណ្ណាការរួមមាន រួមមាន ស្រា ស ១ធុង នំ ២ជាល និងមិនអាចខ្វះបាន មាន់ ២ក្បាលទេ។
ក្រុមត្រែនឹងផ្លុំត្រែ Pi keo ចាប់ពីផ្ទះខាងកូនកំលោះរហូតដល់ក្លោងទ្វារផ្ទះខាងកូនក្រមុំ។
បងប្អូន ញាតិមិត្ត និងអ្នកភូមិទាំងអស់ដែលលឺសម្លេងត្រែ Pi keo សុទ្ធតែហូរចេញ ហើយដើរតាមក្រោយក្រុមទទួលកូនប្រសារ។
ដឹកនាំគ្រួសារខាងប្រុសគឺជាមេអណ្ដើក២នាក់ ជាតួអង្គសំខាន់ៗក្នុងការសម្រេចថា ពិធីទទួលកូនប្រសារត្រូវបានប្រព្រឹត្តិទៅយ៉ាងយ៉ាងរលូនឬទេ។
ក្លោងទ្វារផ្ទះខាងស្រីត្រូវបានចងខ្សែក្រហម នេះគឺជាកន្លែងដែលមេអណ្ដើកធ្វើពិធីច្រៀងសុំបើកទ្វារ។
បន្ទាប់ពីពិធីចម្រៀងសុំបើកទ្វារ តំណាងគ្រួសារខាងស្រីបានយកសាខាដើមឈើ ចាក់ទឹក ពុះលើក្រុមអ្នកទៅទទួលកូនប្រសាររបស់គ្រួសារខាងប្រុស ដែលមានន័យថា លាងធូលីរឿងមិនសូវសំណាង។
តំណាងគ្រួសារខាងស្រី បានសាកល្បងមេអណ្ដើកផឹកស្រា ជាការជូនពរសំណាងល្អ និងភ្ជាប់ទំនាក់ទំនងដន្លងនឹងគ្នា។
ដោយសម្លេងច្រៀងនិងសម្លេងត្រែ Pi keo ពាសពេញទៅដោយអត្ថន័យ គ្រួសារខាងប្រុសបានបញ្ចុះបញ្ចូលគ្រួសារខាងស្រីឱ្យដកខ្សែក្រហមនិងស្វាគមន៍ឱ្យចូលផ្ទះ។
បន្ទាប់ពីតំណាងគ្រួសារខាងប្រុសបានធ្វើពិធីសុំទទួលកូនប្រសារ សាច់ញាតិរបស់គ្រួសារទាំងសងខាងបានប្រាស្រ័យជាមួយក្នា និយាយអំពីការថែរក្សាជីវភាពអនាគតដល់កូនប្រសារនិងកូនកំលោះ។
ការទទួលកូនប្រសារបានប្រព្រឹត្តិទៅយ៉ាងរលូន នៅក្នុងការជូនពររបស់គ្រួសារទាំងសងខាង។
នៅពេលទទួលបានកូនប្រសារហើយ សម្លេងស្គរ និងត្រែ Pikeo បាននាំក្រុមទទួលកូនប្រសារ ឲ្យវិលត្រឡប់ទៅផ្ទះខាងប្រុសវិញ ក្នុងបរិយាកាសសប្បាយរីករាយ។
កូនប្រសារត្រូវពាក់ក្រណាត់ក្រហមលើក្បាល តាមទំនៀមទំលាប់ប្រពៃណីរបស់ជនជាតិ Giay។
ក្តីសប្បាយរីករាយបានបែកធ្លាយក្នុងសុភមង្គលនៅពេលដែលកូនកំលោះបានដកក្រណាត់ក្រហមរបស់កូនប្រសារ ជាសញ្ញានៃជីវភាពប្រពន្ធប្តីបានចាប់ផ្តើម។
បន្ទាប់ពីពិធីទទួលកូនប្រសារ ជីវភាពរបស់ប្រពន្ធប្តីពីរនាក់បានចាប់ផ្តើម ហើយនេះជាចំណុចលេចធ្លោដើម្បីបងប្អូនជនជាតិ Giay នៅខេត្ត Lai Chau បន្តថែរក្សា អភិរក្ស និងលើកកម្ពស់អត្តសញ្ញាណវប្បធម៌ដែលផ្សារភ្ជាប់ជាមួយការអភិវឌ្ឍទេសចរណ៍ប្រកបដោយចីរភាព៕
