ទិដ្ឋភាពនៃពិធី (រូបថតៈ dantocmiennui)

ខណៈពេលដែលទំពាំងល្វីងក្នុងព្រៃចាប់ផ្តើមទូលដី ដើមផ្កាជើងគោបានរីកស្គុះស្គាយបង្អួតសម្រស់តាមជ្រលងភ្នំនោះ បងប្អូនជនជាតិ La Ha នៅភូមិ Na Tay ឃុំ Pi Toong ស្រុក Muong La ខេត្ត Son La តែងតែរៀបចំពិធីបុណ្យ “Pang a” ដើម្បីបួងសួងសូមឲ្យរដូវអំណោយផល និងសេចក្តីសុខសំណាងនឹងមកដល់ជាមួយអ្នកភូមិគ្រប់រូប។ តាមរយៈពិធីបុណ្យនេះ អ្នកភូមិក៏ចង់ថ្លែងការអរព្រះគុណដល់ទេវតានិងគ្រូពេទ្យដែលមានគុណការពារសុខភាពរបស់អ្នកភូមិ។ គ្រូសែនជាអ្នកទទួលរៀបចំពិធីបុណ្យ។ តាមទស្សនៈទានរបស់អ្នកភូមិ គ្រូសែនគឺជាខ្សែតភ្ជាប់រវាងពពួកទេវតាជាមួយមនុស្សលោក ហើយអ្នកដែលបានគ្រូសែនជួយសែនព្រេនឲ្យសះស្បើយពីជំងឺនឹងត្រូវបានទទួលស្គាល់ជាកូនធម៌ដែរ។ ក្រៅពីនោះ នៅមានអង្គការ ស្ថាប័ននិងបងប្អូនក្នុងភូមិរួមទាំងតំបន់ជុំវិញមកចូលរួមផងដែរ។ គូ្រសែន Lo Van Phang នៅភូមិ Na Tay ឃុំ Pi Tong ស្រុក Muong La ខេត្ត Son La បានឲ្យដឹងថា៖ “ពិធីបុណ្យ Pang a មានតាំងពីយូរយារណាស់មកហើយ ប៉ុន្តែមិនបានរៀបចំឡើងជាប្រចាំទេ ពោលគឺឆ្នាំណារដូវអំណោយផល ការរកស៊ីមានបានទើបបើកពិធីបុណ្យនេះ។ រៀបចំ Pang a គឺដើម្បីបួងសួង សុំសេចក្តីសុខ ចម្រូងចម្រើនជូនអ្នកភូមិ។ ហើយខ្ញុំរៀបចំ Pang a ក្នុងបំណងមួយទៀតគឺចង់ជួបជុំកូនចៅសាច់ញាត្តិ”។

គ្រូសែនកំពុងសែនព្រេន បួងសួងសូមសេចក្តីសុខចម្រូងចម្រើនជូនដល់អ្នកភូមិគ្រប់រូប

ដើម្បីត្រៀមរៀបចំពិធីបុណ្យ Pang a ម្ចាស់ពិធីបុណ្យនឹងកាប់ជ្រូកពីរក្បាល ១ក្បាលសម្រាប់ សែននិងមួយទៀតថ្វាយសែនព្រេនជីដូនជីតា។ កូនធម៌ដែលបានគ្រូសែនអញ្ជើញមកនឹង យកតាមជាមួយខ្លួន ដូចជា មាន់ ទារ អង្កដំណើប ស្រា១ដប់និងផ្លែឈើ ដើម្បីសម្តែងនូវការដឹងគុណដល់ទេវតាដែលប្រទានពរជូនអ្នកភូមិនាប៉ុន្មានឆ្នាំកន្លងទៅ។ ពិធីបុណ្យតែងតែបានរៀបចំនៅល្វែងកណ្តាលនៃផ្ទះរបស់គ្រូសែន។ត្រៀមរួចរាល់ហើយ គ្រូសែននឹងចាប់ផ្តើមការសែនព្រេនដោយអធិដ្ឋានទេវតាព្រទានពរឲ្យអ្នកភូមិគ្រប់រូបបានរស់នៅក្នុងភាពសុខសាន្តត្រាន រដូវអំណោយផល។

ពេលសែនរួច គ្រូសែននឹងរួមជាមួយអ្នកភូមិ ទទួលទានម្ហូបអាហារ ច្រៀងរាំជុំវិញដើម Neu តាមចង្វាក់បទចម្រៀងប្រជាប្រិយ ក្បាច់រាំដូចជា រាំកន្សែង រាំបក្សី ដែលបង្ហាញឡើងវិញនូវជីវភាពពលកម្មរបស់ប្រជាជន។ ពីពិធីបុណ្យនេះ យុវជន យុវនារីក្នុងភូមិបានស្វែងយល់ចិត្តគ្នាហើយមានគូរស្រកខ្លះបានសាងសុភមង្គលគ្រួសារផងដែរ។ លោក Quang Van Chung នៅភូមិ Na Tay ឃុំ Pi Toong ស្រុក Muong La ខេត្ត Son La បានឲ្យដឹងថា៖“សម្រាប់ពិធីបុណ្យ Pang a នេះ ប្រសិនបើមិនទាន់បានសែនពពួកទេវតាគឺអ្នកភូមិមិនទាន់បានច្រៀងរាំសប្បាយទេ។ ពីពិធីបុណ្យនេះ កូនចៅ អ្នកភូមិទាំងអស់គ្នាបានជួបជុំ រួមគ្នាកសាងជីវភាពថ្មី ហើយក៏មានយុវជន យុវនារីក្លាយទៅជាប្តីប្រពន្ធតាមរយៈពិធីបុណ្យ Pang a នេះផងដែរ”។

សហគមន៍ជនជាតិ La Ha នៅខេត្ត Son La ជានិច្ចកាលរក្សានិងអភិរក្សពិធីបុណ្យ Pang a ពីជំនាន់មួយទៅជំនាន់មួយ និងចាត់ទុកនេះជាការទទួលសុខត្រូវរបស់ខ្លួន។ ពិធីបុណ្យនេះក៍ជាឱកាសដើម្បីអ្នកភូមិជួបជុំគ្នា ផ្លាស់ប្តូរបទពិសោធន៍ និងរឹតបន្តឹងចំណងសាមគ្គីភាព រួមគ្នាកសាងភូមិស្រុកសុខសាន្តត្រាននិងសម្បូរធូរធារ៕

ពិធីបុណ្យ Pang a របស់ជនជាតិ La Ha