នាពេលថ្មីៗនេះ មជ្ឃឹមសម្ព័ន្ធយុវជនកុម្មុយនិស្តហូជីមិញបានសហការជាមួយសម្ព័ន្ធយុវជនខេត្ត Bac Ninh រៀបចំពីធីបង្ហាញគំរូ “ខនដូកាត់បន្ថយសំរាមប្លាស្ទិក” ។ ទោះបីជាគំរូនេះទើបនឹងបានដាក់ឲ្យដំណើរការក្នុងរយៈពេលជិត មួយខែក៏ដោយ ប៉ុន្តែ គំរូនេះបានផ្លាស់ប្តូរការយល់ដឹងរបស់ប្រជាជនជាបណ្ដើរៗ ហើយរួមចំណែកយ៉ាងធំធេងក្នុងកិច្ចការពារបរិស្ថាន។
 សកម្មភាពនៃចលនានិយាយថាទេចំពោះសំរាមប្លាស្ទិក |
មុននេះ ក្រុមគ្រួសាររបស់លោកស្រី Nguyen Thi Mo នៅខុដូ Cat Tuong តំបន់ Hoa Dinh សង្កាត់ Vo Cuong ខេត្ត Bac Ninh មានទម្លាប់ប្រើថង់ប្លាស្ទិកជាច្រើនដើម្បីផ្ទុកអីវ៉ាន់នៅពេលទៅផ្សារ។ លោកស្រីតែងតែ ទុកអាហារនីមួយក្នុងថង់ដាច់ដោយឡែក។ មានថ្ងៃខ្លះទៅផ្សារ លោកស្រីបានប្រើប្រាស់ថង់ធំតូចរាប់សិប។ ក្រៅពីនេះដោយសារលោកស្រីមិនដឹងពីគុណប្រយោជន៍នៃការបែងចែកសំរាមតាមប្រភព នៅពេលកែច្នៃម្ហូប លោកតែងតែដាក់បន្លែ កាកសំណល់ ដប ប្លាស្ទិច ក្នុងធុងសំរាមរួមជាមួយថង់ ប្លាស្ទិកកខ្វក់។ ហេតដូច្នេះហើយ ជារៀងរាល់ថ្ងៃ ក្រុមគ្រួសាររបស់លោកស្រីបានបោះសំរាមជាច្រើននៅបរិស្ថាន ដែលរួមមានថង់ ប្លាស្ទិកជាច្រើន។ ទោះជាយ៉ាងណាក៏ដោយបន្ទាប់ពីត្រូវបានយុវជនក្នុងសង្កាត់ផ្សព្វផ្សាយអំពីផលប៉ះពាល់ និងគ្រោះអាសន្នបំពុលបរិស្ថានពីសម្រាម ប្លាស្ទិកនោះ លោកស្រីបានផ្លាស់ប្តូរទម្លាប់ប្រចាំថ្ងៃ។ លោកស្រី Mo បានឲ្យដឹងថា៖ ក្រោយរយៈពេល ១ សប្ដាហ៍បានប្រើប្រាស់ថង់ក្រណាត់មក លោកស្រីមានទម្លាប់ប្រើប្រាស់ថង់ដែលធ្វើពីក្រណាត់ហើយ។ រហូតមកដល់ពេលនេះគ្រួសាររបស់លោកស្រីលែងប្រើប្រាស់ថង់ប្លាស្ទិកទៀតហើយ។ លោកស្រីបានចែករំលែកថា៖
“កាលពីមុនខ្ញុំតែងតែដាក់សំរាមជាមួយគ្នា។ បន្ទាប់ពីត្រូវបានផ្សព្វផ្សាយនិងណែនាំមក ខ្ញុំបានធ្វើការបែងចែកសំរាមនៅផ្ទះ។ ខ្ញុំឃើញ ថាកម្មវិធីនេះពិតជាមានគុណសម្បត្តិជាច្រើនណាស់។ ហេតុដូច្នេះហើយ គ្រួសារនីមួយចាំបាច់ត្រូវអនុវត្តន៍ដូច្នេះផងដែរ”។
ចំណែកឯគ្រួសាររបស់លោកស្រី Giap Thi Phuong នៅខុនដូ Cat Tuong ទីក្រុង Bac Ninh ក៏បានគាំទ្រយ៉ាងសកម្មចំពោះចលនា ខុនដូកាត់បន្ថយសំរាមប្លាស្ទិក ដែលបំផុសឡើងដោយសម្ព័ន្ធយុវជនខេត្តដែរ។ លោកស្រីបានឲ្យដឹងថា៖ ចាប់ពីពេលត្រូវបានឃោសនាមក និងចូលរួមវគ្គហ្វឺកហ្វឹនមក លោកស្រីបានប្រើប្រាស់កន្រ្តកជំនួសឲ្យថង់ប្លាស្ទិកដើម្បីទៅផ្សារវិញ។ លោកស្រីបានឲ្យដឹងថា៖
“ខ្ញុំបានអនុវត្តការបែងចែកសំរាមនៅផ្ទះ ដើម្បីធ្វើជាគំរូសម្រាប់កូនចៅធ្វើត្រាប់តាម។ ហេតុដូច្នេះហើយ កូនចៅរបស់ខ្ញុំទើបមានការយល់ដឹងក្នុងការថែរក្សាបរិស្ថាននៅកន្លែងសាធារណៈ”
ចែករំលែកអំពីគំនិតផ្ដួចផ្ដើមជ្រើសរើសខុនដូ Cat Tuong ដើម្បីធ្វើការសាកល្បងគំរូនេះ លោក Ta Xuan Dung លេខាសម្ព័ន្ធយុវជនសង្កាត់ Vo Cuong ទីក្រុង Bac Ninh បានឲ្យដឹងថា៖ តាមរយៈការសិក្សាស្រាវជ្រាវមក យុវជនក្នុងសង្តត់បានឃើញថា ខុនដូ Cat Tuong មានប្រជាជនរាប់ពាន់គ្រួសារកំពុងរស់នៅ ដែលបោះចោលសម្រាមរាប់តោណក្នុងមួយថ្ងៃ។ បន្ទាប់ពីធ្វើការជាមួយគណៈគ្រប់គ្រងខុនដូមក សម្ព័ន្ធយុវជនបានបញ្ជូនសមាជិក និងយុវជនបានធ្វើការឃោសនាអំពីផលប៉ះពាល់ក្នុងការប្រើប្រាស់ថង់ប្លាស្ទិក និងសម្រាម ប្លាស្ទិក ដល់ប្រជាជននៅខុនដូ នេះ។ លោកបានឲ្យដឹងថា៖
“ក្រោយពេលធ្វើការឃោសនាមក ក្រុមគ្រួសារនីមួយៗបានស្រុះចិត្តគំនិតគ្នា និងគាំទ្រ ដោយសារនេះគឺជាសកម្មភាពដែលមានអត្ថន័យចំពោះសហគមន៍។ ក្រោយរយៈពេលអនុវត្តន៍មក ខ្ញុំបានសង្កើតឃើញថា ចលនានេះទទួលបានប្រសិទ្ធភាពខ្ពស់ ដោយសារប្រជាជនមានការយល់ដឹងយ៉ាងច្បាស់លាស់អំពីបញ្ហានេះផងដែរ។ នាពេលអនាគត សម្ព័ន្ធយុវជនសង្កាត់នឹងរៀបចំផែនការបន្តអនុវត្តន៍គំរូនេះនៅកន្លែងទីប្រជុំជុំផ្សេងៗទៀតផងដែរ”។
លើសពីនេះទៅទៀត នាពេលខាងមុខ សម្ព័ន្ធយុវជននឹងជំរុញខ្លាំងចលនា “ ថ្ងៃសៅរ៍ស្ម័គ្រចិត្ត” និង“ ថ្ងៃអាទិត្យបៃតង” ដើម្បីកាត់បន្ថយសំរាម និង សំរាម ប្លាស្ទិកនៅតាមដងវិថីនានានៃខេត្ត ក៏ដូចជាកសាងខេត្ត Bac Giang កាន់តែបៃតង និងស្រស់ស្អាត ឲ្យសក្តិសមជាទីក្រុងគួរឲ្យចង់រស់នៅផងដែរ៕
