(VOVWORLD) - ឯកអគ្គរដ្ឋទូត និងភារធារីស្តីទីចំនួន ១៥ រូប រួមជាមួយប្តីនិងភរិយា និង បុគ្គលិកការទូតជាង ២០០ នាក់មកពីស្ថានទូត តំណាងអង្គការអន្តរជាតិ និងអង្គការមិនមែនរដ្ឋាភិបាលបរទេសប្រចាំ នៅប្រទេសវៀត ណាម បានចូលរួមកម្មវិធី "ដំណើរកម្សាន្តនិទាឃរដូវមិត្តភាពឆ្នាំ២០២៦" ដោយសហភាពអង្គការមិត្តភាពទីក្រុងហាណូយ សហការជាមួយមន្ទីរទេសចរណ៍ និងឃុំហឿង សឺនរៀបចំឡើងនាថ្ងៃទី ២១ ខែមីនា នៅបេតិកភ័ន្ឌពិសេសជាតិ ហឿងសឺន។
 គណៈប្រតិភូចូលរួមក្នុងកម្មវិធី "ដំណើរកម្សាន្តនិទាឃរដូវមិត្តភាពឆ្នាំ ២០២៦" (រូបថត៖ គណៈកម្មាធិការរៀបចំ) |
លោក ង្វៀន ង៉ុកគី ប្រធានសហភាពអង្គការមិត្តភាពទីក្រុងហាណូយ បានមានប្រសាសន៍ថា អាជ្ញាធរឃុំហឿងសឺន នឹងរៀបចំឯកសារមួយដើម្បីដាក់ជូនអង្គការយូណេស្កូ សម្រាប់ការទទួលស្គាល់វិមានពិសេសជាតិហឿងសឺន ជាតំបន់បេតិកភណ្ឌវប្បធម៌ និងធម្មជាតិពិភពលោកនៅឆ្នាំ ២០៣០។
ក្នុងក្របខ័ណ្ឌនៃកម្មវិធី ប្រតិភូបានជួបប្រទះនឹងលំហវប្បធម៌ និងវិញ្ញាណដ៏ពិសេសរបស់រដ្ឋធានីក្នុងរដូវបុណ្យ។ ចំណុចលេចធ្លោនៃដំណើរកម្សាន្តនេះគឺបទពិសោធន៍ជិះទូកតាមដងអូរ អៀន ឆ្លងកាត់ភ្នំដ៏ស្រស់ស្អាត ទៅកាន់វត្ត ធៀនទ្រ ដែលជាស្នាដៃស្ថាបត្យកម្មឆ្នើមមួយរបស់អគារហឿងសឺន។ នៅទីនេះ គណៈប្រតិភូបានគយគនទេសភាព ស្វែងយល់អំពីតម្លៃប្រវត្តិសាស្ត្រ វប្បធម៌ និងចូលរួមក្នុងសកម្មភាពផ្លាស់ប្តូរ ដាំដើមឈើអនុស្សាវរីយ៍ និងទទួលបានបទពិសោធន៍ផលិតផលសិប្បកម្មក្នុងភុមិសិប្បកម្មប្រពៃណី។
ក្នុងឱកាសចូលរួមព្រឹត្តិការណ៍នេះ ឯកអគ្គរដ្ឋទូតប៉ាឡេស្ទីនប្រចាំប្រទេសវៀតណាម លោក Saadi Salama បានសម្តែងការកោតសរសើរចំពោះសម្រស់ដ៏ស្ងប់ស្ងាត់ និងបរិយាកាសខាងវិញ្ញាណដ៏ពិសេសនៃអគារហឿងសឺន។ យោងតាមលោក កម្មវិធី "ដំណើរកម្សាន្តនិទាឃរដូវមិត្តភាព" បានរួមចំណែកដល់ការជួយមិត្តភក្តិអន្តរជាតិឱ្យទទួលបានការយល់ដឹងកាន់តែស៊ីជម្រៅអំពីវប្បធម៌ ប្រជាជនវៀតណាម និងជាស្ពានដ៏សំខាន់មួយដើម្បីពង្រឹងការយល់ដឹង សាមគ្គីភាព និងមិត្តភាពរវាងប្រជាជនវៀតណាមជាទូទៅ និងប្រជាជនទីក្រុងហាណូយជាពិសេស ជាមួយមិត្តភក្តិអន្តរជាតិ៕
