លោកអគ្គលេខាបក្ស តូ ឡឹម អញ្ជើញមកដល់ទីក្រុងហាណូយ បញ្ចប់ដោយជោគជ័យដំណើរទស្សនកិច្ចការងារនៅសហរដ្ឋអាមេរិក

រូបថតបង្ហាញ៖ លោកអគ្គលេខាបក្ស តូ ឡឹម អញ្ជើញជួបជាមួយប្រធានាធិបតីអាមេរិកលោក ដូណាល់ ត្រាំ (រូបថត៖ ថុង ញ៉ាត់/TTXVN)

ដំណើរទស្សនកិច្ចការងារនេះគឺជាសកម្មភាពការទូតពហុភាគី អន្តរជាតិដ៏សំខាន់លើកដំបូងរបស់បក្ស និងរដ្ឋវៀតណាមនៅកម្រិតខ្ពស់ បន្ទាប់ពីជោគជ័យនៃមហាសន្និបាតបក្សទូទាំងប្រទេសលើកទី ១៤  របស់វៀត ណាម។ លោកអគ្គលេខាបក្សតូ ឡឹម បានជួបពិភាក្សាជាមួយថ្នាក់ដឹកនាំជាន់ខ្ពស់នៃប្រទេសផ្សេងៗ ក្នុងនោះមានថ្នាក់ដឹកនាំមកពីប្រទេសនៅមជ្ឈិមបូព៌ា និងតំបន់ផ្សេងទៀតដែលចូលរួមកិច្ចប្រជុំ។ ទាក់ទងនឹងប្រទេសម្ចាស់ផ្ទះ លោកអគ្គលេខាបក្សតូ ឡឹម បានអញ្ជើញជួបពិភាក្សាជាមួយប្រធានាធិបតីអាមេរិក លោក ដូណាល់ ត្រាំ បានទទួលឯកអគ្គរដ្ឋទូតតំណាងពាណិជ្ជកម្មអាមេរិក ជេមីសុន ហ្គ្រៀរ និងបានជួបសន្ទនាតាមទូរស័ព្ទជាមួយសមាជិកព្រឹទ្ធសភាអាមេរិក ក៏ដូចជាបានជួបជាមួយសហគមន៍ជនវៀតណាមនៅសហរដ្ឋអាមេរិក។

វៀតណាមចូលរួមក្នុងក្រុមប្រឹក្សាសន្តិភាពអំពីហ្គាហ្សា សំដៅចូលរួមចំណែកក្នុងការបញ្ចប់ជម្លោះនៅតំបន់ហ្គាហ្សា ការពារជនស៊ីវិល ធានាការទាក់ទងផ្ទាល់ជាមួយសកម្មភាពមនុស្សធម៌ប្រកបដោយសុវត្ថិភាព និងគ្មានឧបសគ្គ កសាងហេដ្ឋារចនាសម្ព័ន្ធសំខាន់ៗ ឡើងវិញ និងជំរុញដំណើរការនយោបាយដ៏គួរឱ្យទុកចិត្តឆ្ពោះទៅរកសន្តិភាពយូរអង្វែង និងប្រកបដោយចីរភាពនៅមជ្ឈិមបូព៌ា។

ការចូលរួមរបស់វៀតណាមក្នុងសកម្មភាព កិច្ចការបរទេសពហុភាគីអន្តរជាតិដ៏សំខាន់លើកដំបូងរបស់បក្ស និងរដ្ឋនៅកម្រិតខ្ពស់បន្ទាប់ពី មហាសន្និបាតបក្សលើកទី ១៤ បង្ហាញពីភាពម្ចាស់ការ និងជាក់ស្តែងជាង ដោយយកចិត្តទុកដាក់ដល់ការរក្សាសន្តិភាព កសាងបរិយាកាសអន្តរជាតិដែលមានស្ថិរភាពសម្រាប់ការអភិវឌ្ឍ និងការចូលរួមយ៉ាងសកម្មក្នុងកិច្ចខិតខំប្រឹងប្រែងរួមគ្នារបស់សហគមន៍អន្តរជាតិ; រួមចំណែកដល់ការលើកកម្ពស់ទំនាក់ទំនងការបរទេសដោយស្មារតីនៃទំនុកចិត្ត ខ្លួនទីពឹងខ្លួន  និងកម្លាំងខ្លួនឯង ដែលរួមចំណែកយ៉ាងមានប្រសិទ្ធភាពដល់គោលដៅយុទ្ធសាស្ត្ររបស់ប្រទេស និងបំពេញការទទួលខុសត្រូវកាន់តែធំជាងសម្រាប់សន្តិភាព និងការអភិវឌ្ឍរបស់ពិភពលោកនៅក្នុងយុគសម័យថ្មី៕