(VOVWORLD) - នារសៀលថ្ងៃទី ៤ ខែមីនា នៅវិមានប្រធានរដ្ឋ ប្រធានរដ្ឋវៀតណាមលោក លឿង គឿង បានទទួលជួបលោក Ganzorig Damdin ប្រធានតុលាការកំពូលម៉ុងហ្គោលី ដែលកំពុងអញ្ជើញបំពេញទស្សនកិច្ចការងារនៅវៀតណាម ចាប់ពីថ្ងៃទី៣ ដល់ថ្ងៃទី៧ ខែមីនា។
 ទិដ្ឋភាពនៅជំនួបនេះ។ (រូបថត៖ VOV) |
លោកប្រធានរដ្ឋ លឿង គឿង បានវាយតម្លៃខ្ពស់ចំពោះលទ្ធផលនៃជំនួបពិភាក្សាការងារវាងប្រធានតុលាការប្រជាជនកំពូលនៃប្រទេសទាំងពីរ ដែលបានធ្វើឡើងនាព្រឹកថ្ងៃដដែល ក្នុងនោះភាគីទាំងពីរបានឯកភាពលើខ្លឹមសារមួយចំនួនក្នុងការបន្តអនុវត្តន៍អនុស្សរណៈនៃការយោគយល់គ្នា ក៏ដូចជាផែនការសហប្រតិបត្តិការក្នុងរយៈពេលខាងមុខ។ លោកប្រធានរដ្ឋគាំទ្រចំពោះស្ថាប័នតុលាការនៃប្រទេសទាំងពីរក្នុងការពង្រឹងកិច្ចសហប្រតិបត្តិការឲ្យកាន់តែជាក់ស្តែង និងមានប្រសិទ្ធភាព ដើម្បីរួមចំណែកដល់ការអភិវឌ្ឍទំនាក់ទំនងសហប្រតិបត្តិការរវាងប្រទេសទាំងពីរ។ លោកប្រធានរដ្ឋវៀតណាម ក៏បានទទួលស្គាល់កិច្ចខិតខំប្រឹងប្រែងរបស់តុលាការកំពូលនៃប្រទេសទាំងពីរក្នុងការជំរុញកិច្ចសហប្រតិបត្តិការលើវិស័យយុត្តិធម៌ រួមទាំងការអនុវត្តប្រកបដោយប្រសិទ្ធភាពអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការយុត្តិធម៌ដែលបានចុះហត្ថលេខាក្នុងខែមិថុនា ឆ្នាំ២០២៥ ផងដែរ។
 ប្រធានរដ្ឋវៀតណាមលោក លឿង គឿង និងលោក Ganzorig Damdin ប្រធានតុលាការកំពូលម៉ុងហ្គោលី។ (រូបថត៖ VOV) |
រីឯខ្លួនវិញ លោក Ganzorig Damdin ប្រធានតុលាការកំពូលម៉ុងហ្គោលី បានសម្តែងការជឿជាក់ថា ទំនាក់ទំនងភាពជាដៃគូគ្រប់ជ្រុងជ្រោយរវាងប្រទេសទាំងពីរនឹងបន្តអភិវឌ្ឍន៍យ៉ាងខ្លាំងក្លា ក្នុងនោះកិច្ចសហប្រតិបត្តិការផ្នែកយុត្តិធម៌ នឹងក្លាយជាសសរស្តម្ភដ៏សំខាន់មួយ៕
