វៀតណាមបានកែលម្អគោលនយោបាយ បង្កើនសមត្ថភាពគ្រប់គ្រងនិងអភិវឌ្ឍន៍ការនេសាទប្រកបដោយចីរភាព

ក្រុមត្រួតពិនិត្យ IUU របស់ EC ធ្វើការនៅប្រទេសវៀតណាម (រូបថត៖ VOV)

យោងតាមលោកឧបនាយករដ្ឋមន្ត្រី ត្រឹន ហុង ហា វៀតណាមមិនត្រឹមតែចាត់ទុកការអនុវត្តអនុសាសន៍នេសាទប្រឆាំង IUU ជាមធ្យោបាយមួយដើម្បីដក "កាតលឿង" ប៉ុណ្ណោះទេ ប៉ុន្តែផ្ទុយទៅវិញ បានកំណត់ថានេះជាបញ្ហានៃការអភិវឌ្ឍប្រកបដោយចីរភាព ការការពារធនធាននេសាទ និងធានាជីវភាពរស់នៅរយៈពេលវែងសម្រាប់ប្រជាជន និងជាការទទួលខុសត្រូវរបស់វៀតណាមចំពោះបញ្ហាក្នុងតំបន់ និងសកលលោក។ វៀតណាមសង្ឃឹម ថា នឹងបន្តស្តាប់មតិយោបល់ពីក្រុមត្រួតពិនិត្យ IUU តាមនោះ ជួយវៀត ណាមកែលម្អគោលនយោបាយ បង្កើនប្រសិទ្ធភាពនៃការគ្រប់គ្រងនេសាទ ប្រើប្រាស់ធនធានសមុទ្រប្រកបដោយចីរភាព និងបំពេញការទទួលខុសត្រូវជាតិរបស់ខ្លួនចំពោះបញ្ហាមហាសមុទ្រ។ វៀតណាមប្តេជ្ញាពិនិត្យ និងធ្វើវិសោធនកម្មបទប្បញ្ញត្តិពាក់ព័ន្ធនាពេលអនាគតដ៏ខ្លីខាងមុខ ដោះស្រាយយ៉ាងតឹងរ៉ឹង ការរំលោភបំពាន និងបង្ហាញជាសាធារណៈនូវលទ្ធផលនៃការស៊ើបអង្កេត IUU។

រីឯខ្លួនវិញ លោក Fernando Andresen Guimaraes នាយកនៃនាយកដ្ឋានគ្រប់គ្រងមហាសមុទ្រអន្តរជាតិនិងជលផលប្រកបដោយចីរភាព អគ្គនាយកដ្ឋានកិច្ចការសមុទ្រ និងនេសាទ (DG MARE) ប្រធានក្រុមត្រួតពិនិត្យ IUU បានឲ្យដឹងថា វៀតណាមបានខិតខំប្រឹងប្រែងយ៉ាងលេចធ្លោ និងសម្រេចបានវឌ្ឍនភាពគួរឱ្យកត់សម្គាល់ក្នុងការលុបបំបាត់ IUU។ EC តែងតែត្រៀមខ្លួនជាស្រេចដើម្បីគាំទ្រវៀតណាមឱ្យបញ្ចប់ដំណើរការនេះ និងដកកាតលឿងចេញក្នុងពេលឆាប់ៗនេះ៕