(VOVWORLD) - នាថ្ងៃទី ២៣ ខែវិច្ឆិកា នៅទីក្រុង Johannesburg (អាហ្វ្រិកខាងត្បូង) នាយករដ្ឋមន្ត្រីវៀតណាមលោក ហ្វាម មិញ ជីញបានអញ្ជើញចូលរួមសម័យប្រជុំលើកទីបី នៃកិច្ចប្រជុំកំពូល G២០ ដោយមានប្រធានបទ “អនាគតស្មើភាពនិងយុត្តិធម៌សម្រាប់ទាំងអស់គ្នា" ដឹកនាំដោយប្រធានាធិបតីអាហ្វ្រិកខាងត្បូងលោក Cyril Ramaphosa ប្រធាន G២០ ឆ្នាំ ២០២៥។
 នាយករដ្ឋមន្ត្រី លោក ហ្វាម មិញ ជិញ អញ្ជើញថ្លែង (រូបថត៖ VGP) |
អញ្ជើញថ្លែងនៅក្នុងសម័យពិភាក្សា នាយករដ្ឋមន្ត្រី លោក ហ្វាម មិញ ជីញ បានចែករំលែកអាទិភាពយុទ្ធសាស្ត្រចំនួនបី។ ទីមួយ កសាងភាពជាដៃគូយុទ្ធសាស្ត្ររ៉ែដែលយុត្តិធម៌ ស្មើភាព ស្ថិរភាព និងតម្លាភាព “សុខដុមរមនាអត្ថប្រយោជន៍ ចែករំលែកហានិភ័យ” ខិតខំប្រឹងប្រែងដើម្បីលើកកម្ពស់កិច្ចសហប្រតិបត្តិការ ធ្វើពិពិធកម្មខ្សែសង្វាក់ផ្គត់ផ្គង់រ៉ែប្រកបដោយចីរភាព។
ទីពីរ បង្កើតរបកគំហើញមួយក្នុងការបណ្តុះបណ្តាលធនធានមនុស្សដែលមានគុណភាពខ្ពស់ ដែលផ្សាភ្ជាប់នឹងការអភិវឌ្ឍទីផ្សារការងារទំនើប មានប្រសិទ្ធភាព និងប្រកបដោយចីរភាព។ លោកនាយករដ្ឋមន្ត្រីបានអំពាវនាវ ឱ្យ G២០ ផ្តល់អាទិភាពដល់ការឧបត្ថម្ភ និងបង្កើតលក្ខខណ្ឌអំណោយ ផលសម្រាប់ប្រទេសកំពុងអភិវឌ្ឍន៍ដើម្បីចូលរួម និងទទួលបានអត្ថប្រយោជន៍ ពីគំនិតផ្តួចផ្តើមសហប្រតិបត្តិការ; បង្កើតយុទ្ធសាស្ត្រ គោលនយោបាយ កម្មវិធី និងគម្រោងនានា ដើម្បីបណ្តុះបណ្តាលធនធានមនុស្សដែលមានគុណភាពខ្ពស់ បង្កើតការងារសម្រាប់យុវជន និងបណ្តុះបណ្តាលកម្មករជំនាញ ដើម្បីបំពេញតម្រូវការនៃការអភិវឌ្ឍយ៉ាងឆាប់រហ័ស និងប្រកបដោយចីរភាព។
ទីបី កសាងនិងអភិវឌ្ឍប្រព័ន្ធអេកូឡូស៊ីបញ្ញាសិប្បនិម្មិតសម្រាប់មនុស្ស ហើយមិនជំនួសមនុស្ស។ លោកនាយករដ្ឋមន្ត្រីបានស្នើឱ្យ G២០ ត្រួសត្រាយផ្លួវក្នុងការកសាងស្តង់ដារអភិបាលកិច្ច AI ដោយយុត្តិធម៌ តម្លាភាព រួមបញ្ចូល សុវត្ថិភាព និងមនុសាស្ត្រ ដោយយកមនុស្សជាមជ្ឈមណ្ឌល។ មតិ ចែករំលែករបស់នាយករដ្ឋមន្ត្រីទទួលបានការស្វាគមន៍ និងវាយតម្លៃខ្ពស់ពីអង្គប្រជុំ៕
