 |
| វិសេសវិសាលទម្លាប់អាពាហ៍-ពិពាហ៍របស់ជនជាតិ San Chi |
Vovworld-មុនពេលឈានទៅរៀបចំអាពាហ៍-ពិពាហ៍ ជនជាតិ San Chi អនុវត្តដ៏អធឹកអធមពិធីការដូចជា ចូលស្ដីដណ្ដឹង ទាយវាសនា ពិធីបង្កាប់ការ អ្នកចៅមហានិងពិធីទទួលកូនក្រមុំ ក្នុងនោះពិធីបង្កាប់ការជាពិធីវិសេសវិសាលមួយ។ ពិធីនេះបានរៀបចំនានិទាឃៈរដូវ។ ជនជាតិ San Chi បានជ្រើសរើសថ្ងៃទី១ឬថ្ងៃកើតតាមច័ន្ទគតិដើម្បីធ្វើពិធី។ ពិធីបង្កាប់ការបានរៀបចំដោយសាមញ្ញ គោលដៅគឺដើម្បីគ្រួសារកូនកំលោះនិងគ្រួសារកូនក្រមុំពិភាគ្សាសំរេចចិត្តគ្រឿងជំនួនសំរាប់ពិធីអាពាហ៍-ពិពាហ៍។ ក្នុងថ្ងៃបង្កាប់ការគ្រួសារកូនកំលោះបានបញ្ជូនមេអណ្ដើកនិងកំលោះ៤នាក់ជួយលើកជំនូនមកជូនគ្រួសារកូនក្រមុំដើម្បីសូមបង្កាប់ការ។ ផ្នែកវិសេសវិសាលក្នុងពិធីបង្កាប់ការគឺការប្រឡងច្រៀងឆ្លើយឆ្លងរវាងគ្រួសារកូនកំលោះនិងគ្រួសារកូនក្រមុំ។ គ្រួសារកូនកំលោះត្រូវច្រៀងឈ្នះទើបបានចូលផ្ទះកូនក្រមុំ ប្រសិនបើចាញ់គឺត្រូវពិន័យផឹកស្រា ប្រសិនបើផឹកមិនបានគឺត្រូវចាក់លើក្បាល។អ្នកស្រី Ly Thi Nam នៅភូមិ Kien Lao ស្រុក Luc Ngan បានឲ្យដឹងថា បន្ទាប់ពីពិធីបង្កាប់ការគឺដំណាក់កាលគ្រួសារទាំងពីរជួបគ្នានិងគូស្រករស្វែងយល់បន្ថែមអំពីគ្នា។ រយៈពេលនេះអាចអូសបន្លាយពី១ដល់៣ឆ្នាំ។
“ដូចជាខ្ញុំ បង្កាប់ការរួចរាល់គ្រប់៣ឆ្នាំទើបបានរៀបចំអាពាហ៍-ពិពាហ៍។ ក្នុងរយៈពេល៣ឆ្នាំនោះប្តីទៅរៀន ខ្ញុំបានស្នាក់នៅផ្ទះខ្លួន។ ដល់អាយុ២០ឆ្នាំទើបនឹងបានរៀបចំអាពាហ៍-ពិពាហ៍។ ការងារនេះបង្ហាញថា ខ្លួនត្រូវបានគេជ្រើសរើសហើយ គ្មានគ្រួសារណាបានចូលស្ដីទៀតឡើយនិងផ្នែកមួយទៀតគឺដើម្បីយើងធំដឹងក្តី។”
ខុសពីជនជាតិផ្សេងៗ ជនជាតិ San Chi នៅ Luc Ngan គេមិនទារជំនួនដោយខោអាវសំរាប់កូនក្រមុំឡើយ បរិមាណខោអាវទាំងនោះដោយកូនក្រមុំដេរដោយខ្លួនឯង។ មុននឹងពិធីអាពាហ៍-ពិពាហ៍មួយខែគ្រួសារកូនក្រមុំអញ្ចើញសាច់ញាតិមកជប់លៀងជំរាបលាមុនពេលទៅគ្រួសារកូនកំលោះ។
ក្នុងថ្ងៃអាពាហ៍-ពិពាហ៍មួយថ្ងៃ គ្រួសារកូនកំលោះនាំគ្រឿងសំណែនមកគ្រួសារកូនក្រមុំដើម្បីគ្រួសាកូនក្រមុំធ្វើម្ហូបអាហារអញ្ចើញសាច់ញាតិមិត្តភក្តិ។ បន្ទាប់ពីប្រគល់ជំនូនគ្រប់គ្រាន់ហើយត្រូវត្រឡប់ផ្ទះភ្លាម។ លោក Ly Van Mac មេភូមិ Ho ឃុំ Kien Lao បានឲ្យដឹងថា នារសៀលថ្ងៃដដែល គ្រួសារកូនកំលោះបញ្ជូនសាច់ញាត្តិមកគ្រួសារកូនក្រមុំដើម្បីទទួលកូនក្រមុំ។
“គ្រួសារកូនកំលោះទៅទទួលកូនក្រមុំរួមមានមេអណ្ដើកម្នាក់និងកុមារី២នាក់។ គ្រឿងសំណែនរួមមានភួយមុងមានមាន់និងយកតាមសត្វក្របី។ គ្រួសារកូនកំលោះយកមកគ្រួសារកូនក្រមុំសាច់ជ្រូក១៤០គីឡូក្រាម អង្កដំណើប១អំរែក អង្កក្សាយ១អំរែកដើម្បីគ្រួសារកូនក្រមុំដាំម្ហូបអាហារ មានម្លូស្លាស្រាប្រមាណ៦០ដល់៨០ដប។”
ព្រឹកថ្ងៃក្រោយក្រុមគ្រួសារកូនកំលោះដោយមេអណ្ដើកនិង២នាក់ទៀតមកទទួលកូនក្រមុំ។ លោក Ly Van Mac បានឲ្យដឹងថា ពេលមកដល់គ្រួសារកូនកំលោះ កូនក្រមុំរួមជាមួយមិត្តភក្តិមិនចូលផ្ទះកូនកំលោះភ្លាមឡើយ គេឈរនៅខាងក្រៅ។
“គ្រួសារកូនកំលោះនឹងបញ្ជូនមនុស្សម្នាក់យកម្លូស្លាអញ្ចើញគ្រួសារកូនក្រមុំប៉ុន្តែត្រូវរកឃើញកូនក្រមុំគឺមិត្តភក្តិរបស់កូនក្រមុំទើបទទួលហូប ពេលនោះ ទើបបានសំរេចភារកិច្ចអញ្ចើញគ្រួសារកូនក្រមុំចូលផ្ទះ។”
ទិវាអាពាហ៍-ពិពាហ៍របស់គ្រួសារជនជាតិ San Chi ក៏ជាទិវាសប្បាយរបស់ភូមិទាំងមូល។ នៅពេលយប់កំលោះក្រមុំប្រមូលផ្ដុំច្រៀងឆ្លើយឆ្លងអំណរឲ្យប្តីប្រពន្ធ។សំនៀងបានអូសបន្លាយពេញយប់បង្ហាញភាពស្មោះសរបស់ជនគ្រប់រូបលៃទុកសំរាប់ប្តីប្រពន្ធវ័យក្មេងឈានទៅជីវភាពរស់នៅថ្មី៕
