សរទរដូវនៅទីក្រុងហាណូយត្រូវបានចាត់ទុកថាជារដូវកាលដ៏រ៉ូមែនទិកបំផុតក្នុងមួយឆ្នាំ ដោយមានស្លឹកឈើកំពុងផ្លាស់ប្តូរទៅជាព័ណ៌លឿង នៅតាមដងវិថី។
ពន្លឺព្រះអាទិត្យនាសរទរដូវ ទម្លុះម្លប់ឈើដ៏ត្រឈឹងត្រឈៃ បង្កើតបានជាទិដ្ឋភាពដ៏ស្រស់ស្អាតគួរឱ្យទាក់ចិត្ត។
សរទរដូវនៅទីក្រុងហាណូយធ្វើឱ្យរមណីយដ្ឋានដ៏ល្បីល្បាញរបស់រដ្ឋធានី មើលទៅកាន់តែស្អាតឆើតឆាយ។
សរទរដូវក៏ជាពេលវេលា ដែលដើមឆ័ត្រនៅតាមដងវិថីនៃទីក្រុងហាណូយផ្លាស់ប្តូរពណ៌ស្លឹក និងជ្រុះជាបណ្ដើរៗ។
រទេះផ្កា "ដឹកសរទរដូវហាណូយ" បានលេចឡើងនៅតាមវិថីជាច្រើននៅកណ្តាលរដ្ឋធានី ដូចជាវិថី Phan Dinh Phung វិថី Thanh Nien វិថី Hoang Dieu ។
ពន្លឺព្រះអាទិត្យនាសរទរដូវបានលាបពណ៌ឡើង ទៅលើវិថីបុរាណក្នុងខណ្ឌ Hoan Kiem។
លក្ខណៈពិសេសដោយឡែកនៃសរទរដូវហាណូយគឺម្ហូបអំបុកដ៏ឈ្ងុយឆ្ងាញ់។
លោកស្រី Nguyen Thi Chieu (មកពីខេត្ត Phu Tho) ចែករំលែកថា៖ “ខ្ញុំបានលក់អំបុកនៅទីក្រុងហាណូយ អស់រយៈពេលជាង ២០ ឆ្នាំមកហើយ។ រៀងរាល់សរទរដូវ ជនហាណូយបែជារកទិញមុខម្ហូបដ៏សាមញ្ញនេះ ព្រោះវាគឺជាលក្ខណៈពិសេសមួយនៃសរទរដូវហាណូយ”។
ភ្ញៀវទេសចរណ៍ជាច្រើនក៏បានជ្រើសរើសទីក្រុងហាណូយជាគោលដៅទេសចរណ៍នៅពេលសរទរដូវមកដល់ម្តងៗ ដើម្បីរីករាយជាមួយអាកាសធាតុជ្រៈស្រឡៈ ស្រស់ស្រាយ និងទេសភាពស្អាតដូចកំណាព្យនៅទីនេះ។
នៅពេលដែលសរទរដូវ "គោះទ្វារ" ចង្វាក់នៃជីវភាពរស់នៅដ៏មមាញឹកនិងអ៊ូអររបស់រដ្ឋធានី ហាក់ដូចជាស្ងប់ស្ងាត់និងស្រាលៗជាងមុន។ មនុស្សគ្រប់គ្នា "រស់យឺត" ដោយរីករាយជាមួយនឹងខ្យល់អាកាសនិងទេសភាពនៃរដូវកាលដ៏ស្រស់ស្អាតបំផុតប្រចាំឆ្នាំ៕
