VOVWORLD_ក្រុមអ្នកនិយមចូលចិត្តកំណាព្យគ្រប់ជំនាន់នៅប្រទេសវៀត
ណាមនាបច្ចុប្បន្ននៅតែចងចាំជានិច្ចនូវសំនៀងសូត្រកំណាព្យរបស់លោកស្រី Tran
Thi Tuyet ក្នុងនាទី” សំលេងកំណាព្យ”របស់វិទ្យុសំលេងវៀតណាមកាលពីទសវត្ស
ទី៦០និង៧០នៃសតវត្សទី២០។ សំនៀងសូត្រកំណាព្យរបស់សិល្បការិនីរូបនេះ
បានធ្វើឲ្យមិត្តអ្នកស្ដាប់រំភើបចិត្តយ៉ាងខ្លាំងរួមចំណែកលើកទឹកចិត្តមហាជនបង្កើន
សាមគី្គស្នេហាជាតិ។សំនៀងសូត្រកំណាព្យនេះបានក្លាយទៅជា”ពាណិជ្ជសញ្ញា”
ក្នុងប្រវតិ្តសាស្រ្តអភិវឌ្ឍន៍នៃវិទ្យុសំលេងវៀតណាមព្រមទាំងនាំមកកិតិ្តនាម
សិល្បការិនីប្រជាជនជូនលោកស្រី Tran Thi Tuyetក្នុងការប្រសិទ្ធិនាមលើកទី៨
របស់រដ្ឋ នាពេលទើបកន្លងទៅនេះ។
ឆ្នាំនេះលោកស្រី Tran Thi Tuyet មានអាយុជាង៨០ឆ្នាំ សុខភាពមិនសូវស្រួលតែ
មានពេលខ្លះលោកស្រីក៏សូត្រកំណាព្យដោយសំនៀងពិរោះដែរ។ ក្រៅពីនោះ
លោកស្រីនៅតែងកំណាព្យអំពីការនឹករលឹកស្រុកកំណើត អំពីលោកប្រធានហូជី
មិញនិងអំពីវិទ្យុសំលេងវៀតណាមជាស្ថាប័នដែលលោកស្រីបានធ្វើការអស់រយៈ
ពេលរាប់សិបឆ្នាំទៀតផង។ វិទ្យុសំលេងវៀតណាមបានផ្សាយសំនៀងសូត្រ
កំណាព្យរបស់សិល្បការិនី Tran Thi Tuyet ដល់មិត្តអ្នកស្ដាប់រាប់លាននាក់ក្នុងទូទាំង
ប្រទេសនិងអណិកជនវៀតណាមនៅឯបរទេស។ មិនត្រឹមតែមិត្តអ្នកស្ដាប់ប៉ុណ្ណោះ
ថែមទាំងកវីដទៃទៀតក៏ជក់ចិត្តនឹងសំនៀងសូត្រកំណាព្យដ៏មានទឹកដមរបស់លោក
ស្រីដែរ។តាមលោក Nguyen Nhu Thien ជាស្វាមីសិល្បការិនី Tran Thi Tuyet បាន
រៀបរាប់ថា
“ មានពេលខ្លះ លោក Xuan Dieu និងលោកCu Huy Canដែលជាកវី២រូបដ៏ល្បី
ឈ្មោះនៅវៀតណាមបានមកសាកសួរសុខទុក្ខគ្រួសារខ្ញុំ។ គេលើកទឹកចិត្តយើងខ្ញុំ
យ៉ាងខ្លាំង។ ប្រពន្ធខ្ញុំគាត់មានការខ្នះខ្នែងដោយត្រៀមខ្លួនជានិច្ចទៅកាន់សមរភូមិ
មុខដើម្បីសំដែងសិល្បៈបំរើកងទ័ព។ខ្ញុំគិតថាគាត់មានការរួមចំណែកទៅក្នុងការ
តស៊ូប្រឆាំងអាមេរីកសង្គ្រោះជាតិនិងរួមវិភាគទានទៅក្នុងការងាររួមនៃវិទ្យុសំលេង
វៀតណាម”។
 |
| សំនៀងសូត្រកំណាព្យរបស់លោកស្រីបានធ្វើឲ្យអ្នកស្ដាប់មានការចាប់អារម្មណ៍ជ្រាលជ្រៅចំពោះកំណាព្យហើយកាន់តែជក់ចិត្តនឹងសិល្បៈប្រភេទនេះថែមទៀត |
សារព័ត៌មានបានផ្សព្វផ្សាយជាច្រើនអំពីសិល្បការិនី Tran Thi Tuyet។ សំនៀង
សូត្រកំណាព្យរបស់លោកស្រីបានធ្វើឲ្យអ្នកស្ដាប់មានការចាប់អារម្មណ៍ជ្រាលជ្រៅ
ចំពោះកំណាព្យហើយកាន់តែជក់ចិត្តនឹងសិល្បៈប្រភេទនេះថែមទៀត។ តាម
តន្ត្រីករ Tran Mui សមាជិកសមាគមតន្ត្រីករ វៀតណាមបានឲ្យដឹងថា
“សំនៀងសូត្រកំណាព្យរបស់សិល្បការិនី Tran Thị Tuyet គឺពិរោះបរិសុទ្ធនិង
ពោរពេញទៅដោយមនោសញ្ចេតនា។ គាត់ជាសិល្បការិនីដ៏ឆ្នើមមួយរូបដែលខ្ញុំ
កោតសសើរយ៉ាងខ្លាំង។ មនុស្សជាច្រើន ពិសេសគឺនៅភូមិភាគខាងត្បូងពេល
នោះកងទ័ពយើងគ្រប់គ្នាសុទ្ធតែស្គាល់ដល់លោកស្រីតាមរយៈកម្មវិធីផ្សាយនៃ
វិទ្យុសំលេងវៀតណាម។សំនៀងសូត្រកំណាព្យរបស់សិល្បការិនី Tran Thi Tuyet
បានផ្ដល់បន្ថែមកំលាំងខាងស្មារតីដល់បងប្អូនយុទ្ធជនគ្រប់រូប ”។
ក្នុងអាជីពរបស់ខ្លួន សិល្បការិនីប្រជាជន Tran Thi Tuyet បានសូត្របទ
កំណាព្យដ៏ល្បីឈ្មោះតែងដោយលោកប្រធានហូជីមិញ អ្នកកវី To Huu Che Lan
Vien អ្នកកវី Nguyen Binh និង Vucao ជាដើម។ ជាពិសេសមុននេះរាប់សិបឆ្នាំ
លោកស្រីជាសិល្បការិនីមានកិត្តិយសដែលបានសូត្រកំណាព្យជូនពរឆ្នាំថ្មី
របស់លោកប្រធានហូជីមិញនាពេលឆ្នាំចាស់រំលងឆ្នាំថ្មីឈានចូលមកដល់ដ៏ពិសិដ្ឋ។
ចំពោះមជ្ឈដ្ឋានអ្នកនិយមចូលចិត្តកំណាព្យវៀតណាមទោះបីមានអ្នកខ្លះ
មិនទាន់ឃើញមុខសិល្បការិនីប្រជាជន Tran Thi Tuyet ក្ដីតែគេជានិច្ចកាលលៃ
ទុកជូនលោកស្រីនូវមនោសញ្ចេតនាស្រលាញ់រាប់អានជាពិសេស៕
