 នាវាផ្ទុកយន្តហោះ USS Abraham Lincoln (CVN 72)។ រូបថតដោយកងទ័ពជើងទឹកសហរដ្ឋអាមេរិក/Clint Davis/REUTERS |
មុននោះ អាមេរិកបានដាក់ពង្រាយក្រុមនាវាផ្ទុកយន្តហោះ USS Abraham Lincoln រួមជាមួយនឹងនាវាចម្បាំងបីគ្រឿងដែលបំពាក់ដោយមីស៊ីលបញ្ជា Tomahawk ទៅកាន់មជ្ឈិមបូព៌ា។ កាយវិការនេះរបស់អាមេរិកកើតឡើង ខណៈដែលខ្លួនកំពុងបង្កើនវត្តមានយោធារបស់ខ្លួនយ៉ាងខ្លាំង ដើម្បីដាក់សម្ពាធលើអ៊ីរ៉ង់។
មុននោះ ប្រធានាធិបតីសហរដ្ឋអាមេរិក លោក ដូណាល់ ត្រាំ បានឲ្យដឹងថា “កងនាវាយក្សមួយ” ត្រូវបានដាក់ពង្រាយទៅកាន់មជ្ឈិមបូព៌ា។ កម្លាំងយោធានេះមានទំហំធំជាងកម្លាំងដែលអាមេរិកបានដាក់ពង្រាយក្នុងយុទ្ធនាការប្រឆាំងនឹងប្រទេសវេណេស៊ុយអេឡា។ លោក ត្រាំ ក៏បានចង្អុលបង្ហាញថា ប្រសិនបើការចរចានុយក្លេអ៊ែររវាងសហរដ្ឋអាមេរិកនិងអ៊ីរ៉ង់មិនឈានដល់កិច្ចព្រមព្រៀងទេ សហរដ្ឋអាមេរិកអាចនឹងវាយប្រហារលើអ៊ីរ៉ង់។
