 លោក Mark Rutte អគ្គលេខាធិការអង្គការណាតូ។ រូបថត៖ REUTERS/Yves Herman |
លោក Mark Rutte បានអះអាងថា អឺរ៉ុបត្រូវតែទទួលខុសត្រូវកាន់តែច្រើនចំពោះសន្តិសុខរបស់ខ្លួន រួមទាំងការបង្កើនការចំណាយលើវិស័យការពារជាតិ ប៉ុន្តែលោកបានសង្កត់ធ្ងន់ថា រឿងនេះគួរតែធ្វើឡើងដោយការសម្របសម្រួលជាមួយសហរដ្ឋអាមេរិក មិនមែននៅខាងក្រៅក្របខ័ណ្ឌអន្តរអាត្លង់ទិកនោះទេ។ លោកបានសង្កត់ធ្ងន់ថា សហរដ្ឋអាមេរិកនឹងបន្តការចូលរួមផ្នែកយោធានៅក្នុងទ្វីបអឺរ៉ុប និងបំពេញការសន្យាចំពោះសម្ព័ន្ធភាព។
នៅពេលដែលមេដឹកនាំជាច្រើនយល់ស្របថា អឺរ៉ុបត្រូវតែចាត់វិធានការផ្នែកយោធាបន្ថែមទៀត អគ្គលេខាធិការណាតូបានព្រមានកុំឱ្យចាត់ទុកកិច្ចខិតខំប្រឹងប្រែងនេះ ជាការបំបែកចេញពីណាតូ។ លោកក៏បានកត់សម្គាល់ថា អំណាចសេដ្ឋកិច្ចនិងយោធាភាគច្រើនរបស់សម្ព័ន្ធភាពការពារជាតិនៅតែស្ថិតនៅខាងក្រៅសហភាពអឺរ៉ុប ជាចម្បងគឺនៅសហរដ្ឋអាមេរិក ដែលធ្វើឱ្យកិច្ចសហប្រតិបត្តិការអន្តរអាត្លង់ទិកមិនអាចខ្វះបានឡើយ នៅក្នុងបរិបទបច្ចុប្បន្ន៕
