អញ្ជើញមកផ្សារ Pa Co ទស្សនាចរបាប់ចម្រុះពណ៌

 ផ្សារ Pa Co របស់ជនជាតិ Mong ស្ថិតនៅក្នុងចន្លោះរវាងឃុំចំនួន៣នោះគឺឃុំ Hang Kia ឃុំ Pa Co និងឃុំ Loong Luong។

 ផ្សារនេះប្រជុំតែម្ដងគត់នៅថ្ងៃអាទិត្យជារៀងរាល់សប្ដាហ៍។

 មុខទំនិញក្រណាត់ចរបាប់សម្រាប់តុបតែងលើសម្លៀកបំពាក់ជាមុខទំនិញពេញនិយមរបស់នារីៗនៅពេលមកដល់ផ្សារនេះ។

 ចំណុចគួរឲ្យចាប់អារម្មណ៍បំផុតចំពោះភ្ញៀវទេសចរនោះគឺតំបន់ដាក់លក់ខោអាវ និងវត្ថុធាតុដើមសម្រាប់តម្បាញចរបាប់។

 ផលិតផលនៅទីនេះមានសំពត់ អាវ មួក កន្សែងដែលធ្វើជារបៀបសិប្បកម្មយ៉ាងល្អិតល្អន់និងល្អប្រណិត។

 ខ្សែក្រណាត់ចរបាប់ជាគ្រឿងបន្លាស់ដែលមិនអាចខ្វះបាននៅលើសម្លៀកបំពាក់របស់ស្ត្រីជនជាតិ Mong។

 ហាងលក់សម្លៀកបំពាក់ទាក់ទាញនារីៗមកទស្សនានិងជ្រើសទិញជាច្រើន។

សម្លៀកបំពាក់ដែលបានដាក់លក់នៅផ្សារនេះភាគច្រើនគឺត្រូវបានធ្វើឡើងដោយស្ត្រីជនជាតិ Mong ផ្ទាល់តែម្ដង។

ផ្សារ Pa Co ប្រដូចជាផ្ទាំងគំនូរចរបាប់ចម្រុះពណ៌ដ៏ត្រចះត្រចង់។

 ស្ត្រីជនជាតិ Mong ម្នាក់ឧទ្ទេសនាមអំពីសម្លៀកបំពាក់ដោយមានតម្លៃរាប់លានដុង។

ដោយសារផលប៉ះពាល់នៃជម្ងឺ Covid-19 ផ្សារ Pa Co មិនសូវមានភ្ញៀវទេសចរអន្តរជាតិមកទស្សនានោះឡើយ។

ទោះបីជាមានភ្ញៀវតិចតួចក៏ដោយ ប៉ុន្តែជនរួមជាតិនៅទីនេះបានឲ្យដឹងថា ការប្រជុំផ្សារបានក្លាយទៅទំលាប់ទៅហើយ។ ពួកគេមកដល់ទីនេះមិនត្រឹមតែដើម្បីលក់ទំនិញប៉ុណ្ណោះទេ ថែមទាំងដើម្បីសួរសុខទុក្ខហើយជួបសំណេះសំណាលគ្នាទៀតផង។

ផ្សារ Pa Co បានក្លាយទៅជាគោលដៅទេសចរណ៍គួរឲ្យទាក់ទាញចំពោះភ្ញៀវទេសចរទាំងជាតិនិងអន្តរជាតិដែលមានបំណងចង់ស្វែងយល់ពីលក្ខណៈវិសេសវិសាលនៃផ្សារប្រពៃណីមួយនៅតំបន់ព្រៃភ្នំប៉ែកពាយ័ព្យ៕