 ឯកអគ្គរដ្ឋទូត Reda Al Taify អតីតឯកអគ្គរដ្ឋទូតអេហ្ស៊ីបប្រចាំនៅវៀតណាម (រូបថត៖ VOV-Cairo) |
នេះជាការអះអាងរបស់លោក Reda El Taify អ្នកការទូតជើងចាស់ និងជាអតីតឯកអគ្គរដ្ឋទូតអេហ្ស៊ីបប្រចាំវៀតណាម (២០១០-២០១៤) នៅក្នុងបទសម្ភាសន៍ជាមួយអ្នកយកព័ត៌មាននៃវិទ្យុសំឡេងវៀតណាមដែលមានមូលដ្ឋាននៅអេហ្ស៊ីប ក្នុងឱកាសនៃមហាសន្និបាតជាតិលើកទី ១៤ របស់បក្សកុម្មុយនិស្តវៀតណាម។
យោងតាមលោក Reda El Taify សមិទ្ធផលទាំងនេះត្រូវបានបង្ហាញយ៉ាងច្បាស់នៅលើសសរស្តម្ភសំខាន់ៗចំនួនបីគឺ សេដ្ឋកិច្ច-សង្គម សន្តិសុខ-ការពារជាតិ និងទំនាក់ទំនងការបរទេស ដែលបង្កើតជាមូលដ្ឋានរឹងមាំសម្រាប់ការអភិវឌ្ឍយ៉ាងឆាប់រហ័ស និងប្រកបដោយចីរភាពរបស់វៀតណាមក្នុងរយៈពេលខាងមុខ។ លោក Reda El Taify បានបញ្ជាក់ថា៖ “ដំណើរការផ្កាស់ប្តូរថ្មីនៅវៀតណាមបានសរសេរឡើង រឿងរ៉ាវជោគជ័យដ៏រស់រវើកមួយ ជាពិសេសនៅក្នុងលក្ខខណ្ឌសេដ្ឋកិច្ចសង្គម ជារឿងរ៉ាវដែលយើងជាជនជាតិ អេហ្ស៊ីបពិតជាត្រូវសិក្សារៀនសូត្រ។ ដំណើរការផ្លាស់ប្តូរថ្មី បានបង្កើតការផ្លាស់ប្តូរគុណភាពដែលមិនធ្លាប់មានពីមុនមកនៅវៀតណាម ដែលជួយកំណត់វៀតណាមនៅលើផែនទីនយោបាយ និងសេដ្ឋកិច្ចពិភពលោក។ ជាធម្មតា ដំណើរការនេះក៏បាននាំមកនូវការផ្លាស់ប្តូរគុណភាពនៅក្នុងជីវភាពរបស់ប្រជាជនវៀតណាមផងដែរ ពោលគឺការលើកកម្ពស់ប្រាក់ចំណូល និងគុណភាពរស់នៅរបស់ប្រជាជនលើគ្រប់ទិដ្ឋភាពទាំងអស់”។
លោក Reda El Taify បានបញ្ជាក់ថា ដំណើរការផ្លាស់ប្តូរថ្មី ដើរតួនាទីយ៉ាងសំខាន់ក្នុងការអភិវឌ្ឍ កំណើន និងស្ថិរភាពរបស់ប្រទេសវៀតណាម; និងបានសម្តែងទំនុកចិត្តថា ដំណើរការផ្លាស់ប្តូរថ្មីនឹងបន្តត្រូវបានលើកកម្ពស់ក្រោមការដឹកនាំរបស់បក្សកុម្មុយនិស្តវៀតណាម ដោយសម្រេចបាននូវភាពជោគជ័យបន្ថែមទៀត និងនាំមកនូវស្ថិរភាព កំណើន និងវិបុលភាពជូនប្រជាជនវៀតណាម៕ (VOV នៅអេហ្ស៊ីប)
