លោកឧត្តមនាវីរង Pradeep Chauhan បានឲ្យដឹងថា សកម្មភាពខុសច្បាប់នាពេលថ្មីៗនេះរបស់ចិននៅសមុទ្រខាងកើត គឺជាមធ្យោបាយមួយដើម្បីជំរុញយុទ្ធសាស្ត្រ Four Sha ដោយប៉ុនបង់នូវវិធីសាស្រ្តថ្មីៗ ដើម្បីប្រែអង្គធាតុនានានៅសមុទ្រខាងកើត ក្លាយជាអធិបតេយ្យភាពរបស់ពួកគេ។
“ទង្វើរបស់ចិនបានរំលោភយ៉ាងច្បាស់ក្រឡែតលើអនុសញ្ញាអង្គការសហប្រជាជាតិ ស្តីពីច្បាប់សមុទ្រ (UNCLOS) ឆ្នាំ១៩៨២ និងតំបន់សមុទ្ររបស់ប្រទេសជិតខាងនៅសមុទ្រខាងកើត មិនត្រឹមតែជាមួយ វៀតណាម ហ្វីលីពីនប៉ុណ្ណោះទេ ថែមទាំង ម៉ាឡេស៊ីនិងឥណ្ឌូនេស៊ីទៀតផង។ ។ ការវិវឌ្ឍន៍នាពេលបច្ចុប្បន្ននេះ គឺជាជំហានដែលមានការគិតគូរជាមុនរបស់ចិន ដើម្បីបង្កផលប៉ះពាល់ដល់តំបន់និងបង្កឲ្យមានការបែកបាក់ស្មារតីនៃកិច្ចសហប្រតិបត្តិការក្នុងបញ្ហាសមុទ្រខាងកើត ក្នុងចំណោមប្រទេសក្នុងតំបន់។ ឥរិយាបថនិងទង្វើរបស់ចិនបាននិងកំពុងធ្វើឱ្យរិចរិលសន្តិសុខស្ថេរភាពនិងការជឿទុកចិត្តនៅក្នុងតំបន់”។ នេះបើយោងតាមការវាតតម្លៃរបស់លោកឧត្តមនាវីរង Pradeep Chauhan។
លោកឧត្តមនាវីរង Pradeep Chauhan បានចាត់ទុកថា សហគមន៍អន្តរជាតិត្រូវតែរាំងស្កាត់នូវយុទ្ធសាស្រ្ត ពហុស្រទាប់និងពហុទិសរបស់ចិន ហើយមិនអនុញ្ញាតឱ្យមហាអំណាចមួយនេះចង់ធ្វើអ្វីក៏ធ្វើតាមអំពើចិត្តនោះឡើយ៕
