អ្នកសម្របសម្រួលផ្សះផ្សាជួបប្រជុំគ្នានៅប្រទេសអេហ្ស៊ីបដើម្បីពិភាក្សាអំពីបទឈប់បាញ់នៅហ្គាហ្សា

យោងតាមប្រព័ន្ធផ្សព្វផ្សាយអេហ្ស៊ីប លោក Hassan Rashad នាយកភ្នាក់ងារ ស៊ើបការណ៍ជាតិអេហ្ស៊ីប លោក Ibrahim Kalin នាយកភ្នាក់ងារស៊ើបការណ៍ជាតិទួរគី និងលោក Mohammed bin Abdulrahman Al-Thani នាយករដ្ឋមន្ត្រី និងរដ្ឋមន្ត្រីការបរ ទេសកាតា បានពិភាក្សាអំពីវិធានការនានា ដើម្បីឈានទៅរកដំណាក់កាលទីពីរនៃកិច្ច ព្រមព្រៀងឈប់បាញ់នៅហ្គាហ្សា ក្នុងបរិបទដែលអំពើរំលោភបំពានរបស់អ៊ីស្រាអែល កាន់តែកើនឡើងៗនៅហ្គាហ្សា។

មន្ត្រីទាំងនោះក៏បានធ្វើការពិគ្រោះយោបល់យ៉ាងទូលំទូលាយ លើការពង្រឹងកិច្ច ខិតខំប្រឹងប្រែងរួមគ្នា ដោយផ្តោតលើការសម្របសម្រួលជាមួយមជ្ឈមណ្ឌលសម្រប សម្រួលស៊ីវិល-យោធា (CMCC) ដែលជាមជ្ឈមណ្ឌលឃ្លាំមើលបទឈប់បាញ់ ដែល សហរដ្ឋអាមេរិក និងសម្ព័ន្ធមិត្តបានបង្កើតឡើងនៅភាគខាងត្បូងអ៊ីស្រាអែល សំដៅ ធានាការអនុវត្តបទឈប់បាញ់នៅហ្គាហ្សា និងទប់ស្កាត់មិនទុកឲ្យស្ថានភាពតាន តឹងកើនឡើង៕