(VOVWORLD) - រដ្ឋមន្ត្រីការបរទេសអ៊ីរ៉ង់ លោក Abbas Araghchi បានឲ្យដឹងថា ជុំទីបីនៃកិច្ចចរចានុយក្លេអ៊ែរដោយប្រយោលរវាងអ៊ីរ៉ង់ និងសហរដ្ឋអាមេរិក ដែលបានធ្វើឡើងនៅថ្ងៃទី ២៦ ខែកុម្ភៈ នៅទីក្រុងហ្សឺណែវ ប្រទេសស្វីស គឺជា "ជុំមួយក្នុងចំណោមជុំត្រឹមត្រូវបំផុត តាំងពីមុន មក”។
យោងតាមរដ្ឋមន្ត្រីការបរទេសអ៊ីរ៉ង់ ភាគីទាំងពីរបានពិភាក្សាអំពីកម្មវិធីនុយក្លេអ៊ែររបស់ទីក្រុងតេអេរ៉ង់ ក៏ដូចជាទណ្ឌកម្មរបស់សហរដ្ឋអាមេរិកប្រឆាំងនឹងអ៊ីរ៉ង់។ បញ្ហាមួយចំនួនត្រូវបានព្រមព្រៀងគ្នា ខណៈពេលដែលភាពខុសប្លែកគ្នានៅតែមាន ប៉ុន្តែភាគីទាំងពីរបានបង្ហាញពី "ភាពត្រឹមត្រូវច្បាស់លាស់" ក្នុងការស្វែងរកដំណោះស្រាយ។
រដ្ឋមន្ត្រីការបរទេសអ៊ីរ៉ង់បាននិយាយថា ការពិភាក្សានឹងបន្តនៅកម្រិតបច្ចេកទេសនៅថ្ងៃទី ៣ ខែមីនា នៅទីស្នាក់ការកណ្តាលរបស់ទីភ្នាក់ងារថាមពលអាតូមិកអន្តរជាតិ (IAEA) នៅទីក្រុងវីយែន ប្រទេសអូទ្រីស ដោយមានគោលដៅបង្កើតក្របខ័ណ្ឌ និងរចនាសម្ព័ន្ធសម្រាប់បញ្ហាបច្ចេកទេសសំខាន់ៗមួយចំនួន។
នៅក្នុងការវិវឌ្ឍផ្សេងទៀត កាសែត The Washington Times បានរាយការណ៍ថា អ្នកតាក់តែងច្បាប់ប្រជាធិបតេយ្យនៅក្នុងសភាសហរដ្ឋអាមេរិកកំពុងមានគម្រោងបង្ខំឱ្យមានការបោះឆ្នោតលើសេចក្តីសម្រេចចិត្ត ស្តីពីអំណាចសង្គ្រាម ដែលនឹងតម្រូវឱ្យលោកប្រធានាធិបតីបង្ហាញខ្លួននៅចំពោះមុខសភា ដើម្បីបង្ហាញពីយុត្តិកម្មរបស់លោកសម្រាប់ការប្រើប្រាស់កម្លាំងយោធាប្រឆាំងនឹងអ៊ីរ៉ង់៕
