៧០ ឆ្នាំនៃជ័យជំនះ Dien Bien Phu៖ ប្រភពនៃការលើកទឹកចិត្ត និងការបំផុសគំនិតសម្រាប់ប្រជាជាតិរងការជិះជាន់

រូបថតអេក្រង់នៃកាសែត Ambito Internacional រាយការណ៍អំពីខួបលើកទី ៧០ នៃជ័យជំនះ Dien Bien Phu

នោះគឺជាមតិទូទៅរបស់សារព័ត៌មានអាហ្សង់ទីនក្នុងប៉ុន្មានថ្ងៃនេះ ក្នុងឱកាសខួបលើកទី ៧០ នៃជ័យជម្នះ Dien Bien Phu (១៩៥៤-២០២៤)។ កាសែត Ambito Internacional របស់អាហ្សង់ទីនក្នុងអត្ថបទចុះផ្សាយនាថ្ងៃទី ២៤ មេសា បានអះអាងថា ជ័យជំនះ Dien Bien Phu មិនត្រឹមតែបង្កប់អត្ថន័យដ៏ធំធេងសម្រាប់ប្រជាជនវៀតណាមប៉ុណ្ណោះទេ ថែមទាំងជាប្រភពលើកទឹកចិត្ត និងបំផុសគំនិតដ៏ខ្លាំងក្លាសម្រាប់ប្រទេសអាណានិគមផ្សេងទៀតលើទូទាំងពិភពលោកក្នុងដំណើរការឆ្ពោះទៅ ប្រយុទ្ធប្រឆាំងពួកឈ្លានពានដណ្តើមឯករាជ្យ។ កាសែតនេះក៏បានរំលេចនូវស្មារតីប្រយុទ្ធដ៏អង់អាចក្លាហានរបស់កងទ័ព និងប្រជាជនវៀតណាម ក្រោមការដឹកនាំរបស់បក្សកុម្មុយនិស្តវៀតណាម ដោយលោកប្រធានហូជីមិញជាប្រមុខដឹកនាំ។

ទន្ទឹមនឹងនោះ គេហទំព័រ Reporte Asia និង ABC Mundial របស់អាហ្សង់ទីនក៏បានផ្សាយបទសម្ភាសន៍សារព័ត៌មាន របស់ឯកអគ្គរដ្ឋទូត វៀតណាមប្រចាំនៅអាហ្សង់ទីន លោកស្រី Ngo Minh Nguyet ដែលបង្ហាញពីការគាំទ្រដ៏មានតម្លៃរបស់ប្រទេសសង្គមនិយម ការគាំទ្ររបស់ប្រជាជនរងការជិះជាន់នៅអាស៊ី អាហ្វ្រិក និងអាមេរិកឡាទីន ព្រមទាំងចលនាតស៊ូរបស់ប្រជាជនជឿនលឿនលើពិភពលោក ក្នុងការតស៊ូប្រឆាំងនឹង បារាំងរបស់ប្រជាជនវៀតណាម។ លោកស្រីឯកអគ្គរដ្ឋទូត Ngo Minh Nguyet បានសង្កត់ធ្ងន់ថា ខួបលើកទី ៧០ នៃទិវាជ័យជំនះ Dien Bien Phu គឺជាឱកាសសម្រាប់ប្រជាជនវៀតណាមកាន់តែមានមោទនភាពចំពោះបក្សកុម្មុយនិស្តដ៏រុងរឿង មោទនភាពអំពីលោកប្រធានហូជីមិញ ដែលបានដឹកនាំបដិវត្តន៍វៀតណាមទៅកាន់វិបុលភាព៕