ວັນທີ 30 ຕຸລາ, ກອງປະຊຸມລັດຖະມົນຕີການຕ່າງປະເທດຂອງກຸ່ມບັນດາພື້ນຖານເສດຖະກິດພັດທະນາ ແລະ ຫາກໍພົ້ນເດັ່ນແຖວໜ້າໂລກ (G20) ໄດ້ໄຂຂຶ້ນຢູ່ນະຄອນ Atlanta, ລັດ Georgia, ອາເມລິກາ. ທ່ານ Marco Rubio ລັດຖະມົນຕີກະຊວງການຕ່າງປະເທດ ອາເມລິກາ ໄດ້ຮຽກຮ້ອງໃຫ້ບັນດາປະເທດເພີ່ມທະວີການຮ່ວມມື ເພື່ອຊຸກຍູ້ຄວາມສະຖຽນລະພາບດ້ານພູສາດການເມືອງ ແລະ ຄວາມວັດທະນາຖາວອນດ້ານເສດຖະກິດ, ໃນສະພາບທີ່ບັນດາຄວາມບໍ່ລົງລອຍກັນລະຫວ່າງ ລັດເຊຍ ແລະ ຢູແກຼນ ສືບຕໍ່ແບ່ງແຍກບັນດາສະມາຊິກ.
ກ່າວຄຳເຫັນທີ່ພິທີໄຂ, ທ່ານລັດຖະມົນຕີກະຊວງການຕ່າງປະເທດ Marco Rubio ໃຫ້ຂໍສັງເກດວ່າ ໂລກພວມຢືນຢູ່ຈຸດເວລາບາດລ້ຽວ, ບໍ່ພຽງແຕ່ສຳລັບ ອາເມລິກາ ເທົ່ານັ້ນ ຫາກຍັງສຳລັບທົ່ວໂລກອີກດ້ວຍ. ທ່ານກໍ່ກ່າວເຕືອນເປັນພິເສດຕໍ່ບັນດາການຂາດວັກຂາດຕອນໃໝ່ສຳລັບແຫຼ່ງສະໜອງພະລັງງານ, ຕະຫຼາດອາຫານ, ລະບົບສະໜອງ, ການຄ້າ ແລະ ຄວາມເສລີໃນການເດີນເຮືອ. ທ່ານເນັ້ນໜັກວ່າ ບັນດາປະເທດ G20 ຕ້ອງຮ່ວມມືກັນເພື່ອຮັບມືກັບບັນດາສິ່ງທ້າທາຍດັ່ງກ່າວ, ເພີ່ມທະວີຄວາມຕ້ານທານຂອງພື້ນຖານເສດຖະກິດ.
