ທ່າ​ນ​ເລ​ຂາ​ທິ​ການ​ໃຫຍ່ ສ​ປ​ຊ Bankimoon (vovworld)-​​ພາ​ຍ​ຫລັງ​ບັນ​ດາ​ເຫດ​ບຸກ​ໂຈມ​ຕີ​ຢ່າງ​ລຽ​ນ​ຕິດ​ຢູ່ ຝັ​ລ່ງ, ຕຸຍ​ນີ​ຊີ ແລະ ຄູ​ເວດ ໃນ​ວັນ​ທີ 26/6, ທ່າ​ນ​ເລ​ຂາ​ທິ​ການ​ໃຫຍ່ ສ​ປ​ຊ Bankimoon ແລະ ການ​ນຳ​ຫລາຍ​ປະ​ເທດ​ຊັ້ນ​ນຳ​ໂລກ ໄດ້​ກ່າວ​ປະ​ນາມ​ຢ່າງ​ແຮງ​ການ​ກະ​ທຳ​ນີ້. ຕາມ​ທ່ານ Bankimoon ແລ້​ວ, ບັນ​ດາ​ຕົວ​ການ​ກ່ຽວ​ຂ້ອງ​ເຖິງ​ບັນ​ດາ​ເຫດ​ບຸກ​ໂຈມ​ຕີ​ຕ້ອງ​ນຳ​ເອົາ​ມາ​ພິ​ພາກ​ສາ​ຢ່າງ​ທັນ​ທີ. ຜູ້​ຕາງ​ຫນ້າ​ກ່ຽວ​ກັບ​ນະ​ໂຍ​ບາຍ​ການ​ຕ່າງ​ປະ​ເທດ​ຂອງ EU ທ່ານ Federica Mogherini ໄດ້​ຮຽກ​ຮ້ອງ​ຮັກ​ສາ​ຄ​ວາມ​ສາ​ມັກ​ຄີ​ລະ​ຫວ່າງ ເອີ​ລົບ ແລະ ໂລກ​ອາ​ຣັບ ພ້ອມ​ທັງ​ຕ້ອງ​ມີ​ການ​ໂຕ້​ຕອບ​ເພື່ອ​ໃຫ້​ຜູ​້​ຮ້າຍບໍ່​ສາ​ມາດ​ສວຍ​ໃຊ້​ບັນ​ຫາ​ສາ​ສະ​ຫນາ​ເພື່ອ​ແບ່ງ​ແຍກ. ​ທຳ​ນຽບ​ຂາວ​ປະ​ກາດ​ວ່າ ຈະ​ສາ​ມັກ​ຄີ​ກັບ 3 ປະ​ເທດ​ດັ່ງ​ກ່າວ ພ້ອມ​ທັງ​ສະ​ເຫນີ ສະ​ຫນອງ​ທຸກ​ການ​ຫນູນ​ຊ່ວຍ​ທີ່​ຈ​ຳ​ເປັນ​ໃຫ້​ສາມ​ປະ​ເທດນີ້.