11.4--PST7--Anh 1_0.jpg (ເຂດ​ສວ​ນ​ນ້ອຍໆ​ນັ້ນ​ໄດ້​ສະ​ໜອງຜັກ​ໃຫ້​ຄາບ​ເຂົ້າ​ຂອງ​ພະ​ນັກ​ງານ, ນັກ​ຮົບ​ປ້ອມ​ຣາ​ດາ 625) ບັນ​ດາ​ໜານ​ຜັກ,​ ສວນ​ຢາ​ສະ​ໜຸນ​ໄພ​ຂອງ​ບັນ​ດານ​ພະ​ນັກ​ງາ​ນ, ນັກ​ຮົບ​ຢູ່​ເຂດ​ເກາະ ຮ່ອນ​ດົກ ເບິ່ງ​ຄື​ວ່າ​ແມ່ນພຽງ​ຮູບ​ພາບ​ທີ່​ລຽບ​ງ່າຍ​ໃນ​ຊີ​ວິດ​ປະ​ຈຳ​ວັນ. ແຕ່, ບັນ​ດາ​ເຂດ​ສວນ​ສີ​ຂຽ​ວ​ອັນ​ນ້ອຍໆນັ້ນ​ບໍ່​ພຽງ​ແຕ່​ປະ​ກອບ​ສ່ວນ​ເບິ່ງ​ແຍງ​ດູ​ແລ​ສຸ​ຂະ​ພາບ, ປົວ​ແປງ​ການ​ກິນ​ເທົ່າ​ນັ້ນ ຫາກ​ຍັງ​ຊ່ວຍ​ຍົກ​ສູງ​ຊີ​ວິດ​ທາງ​ດ້ານ​ຈິດ​ໃຈ​ຂອງ​ອ້າຍ​ທະ​ຫານ​ອີກດ​້ວຍ. ຮ​່ອນ​ດົກ ແມ່ນ​ເກາະ​ໃຫຍ່​ທີ່​ສຸດ​ໃນ​ຈຳ​ນວນ 16 ​ເກາະທີ່​ນອນຢູ່​ໃນ​ໝູ່​ເກາະ ຫາຍ​ຕັກ, ຂຶ້ນ​ກັບ​ຕາ​ແສງ ຕຽນ​ຫາຍ, ແຂວງ ອານ​ຢາງ. ເກາະ ຮ​່ອນ​ດົກ ຕັ້ງ​ຢູ່​ໃກ້​ກັບ​ເສັ້ນ​ຊາຍ​ແດນ​ທາງ​ທະ​ເລ​ລະ​ຫວ່າງ ຫວຽດ​ນາມ ແລະ ກຳ​ປູ​ເຈຍ, ເຊ​ິ່ງ​ແມ່ນ​ແຫ່ງທີ່​ມີ​ເສັ້ນ​ທາງ​ຄົມ​ມະ​ນາ​ຄົມ​ສຳ​ຄັນ​ຂອງ 2 ປະ​ເທດ. ໂດຍ​ຕັ້ງ​ທັບ​ສະ​ເພາະ​ຢູ່ຍອດໂນນ​ພູສູງ​ຂອງ​ເກາະ​ແມ່ນ​ປ້ອມ​ຣາ​ດາ 625, ກອງ​ພັນ​ໃຫຍ່ 551, ກອງ​ບັນາ​ຊາ​ການ​ທະ​ຫານ​ເຮືອ​ເຂດ 5. ນັບ​ແຕ່​​ມາ​ປະ​ຕິ​ບັດ​ງານຢູ່ເຂດ​ເກາະ ຮ່ອນ​ດົກ, ນັກ​ຮົບ ມາຍ​ວັນ​ຈຽ​ນ, ກຳ​ເນີດ ແລະ ເຕີບ​ໃຫຍ່​ຢູ່​ນະ​ຄອນ ໂຮ່​ຈີ​ມິນ, ຄ່ອຍໆ​ກາຍ​ເປັນ​ຜູ້​ເຮັດ​ສວນຢ່າງ​ຊຳ​ນິ​ຊ​ຳ​ນານ. ກໍ່​ຄື​ກັນ​ກັບ​ເພື່ອ​ນຮ່ວມ​ກົມ​ກອມ​ຂອງ​ຕົນ, ອ້າຍກໍ່​ມີ​ຄວາມ​ເຂົ້າ​ໃຈ​ລັກ​ສະ​ນະ​ພິ​ເສດ ແລະ ວິ​ທີ​ບົວ​ລະ​ບັດ​​ຜັກ​ແຕ່​ລະ​ຊະ​ນິດ. ເຖິງວ່າ​ເກາະ​ແຫ່ງນີ້ຢູ່​ຫ່າງ​ຈາກ​ເຂດ​ດິນ​ຕໍ່​ແຜ່ນ​ພຽງ​ແຕ່​ 20 ກມ ເທົ່າ​ນັ້ນ, ແຕ່​ແຫຼ່ງ​​ຜັກສົດທັງໝົດ​ກໍ່​ບໍ່​ສາ​ມາດລໍຖ້າຈາກບັນ​ດາ​ຖ້ຽວເຮືອ​​ຈາກ​ເຂດ​ດິນ​ຕໍ່​ແຜ່ນ​ໄດ້. ຈາກ​ສະ​ພາບ​ຕົວ​ຈິງນັ້ນ, ພະ​ນັກ​ງານ, ນັກ​ຮົບ​ປ້ອມ​ຣາ​ດາ 625 ໄດ້​ເຮັດ​ສວນ​ເພີ່ມ​ອີກ. ແຕ່​ລະ​ມື້, ເຂດ​ສວ​ນ​ນ້ອຍໆ​ນັ້ນ​ໄດ້​ສະ​ໜອງຜັກ​ໃຫ້​ຄາບ​ເຂົ້າ​ຂອງ​ພະ​ນັກ​ງານ, ນັກ​ຮົບ​ປ້ອມ​ຣາ​ດາ 625. “ຕາມ​ປົກ​ກະ​ຕິ, ພາຍ​ຫຼັງ 1 ຊົ່ວ​ໂມງ​ເຮັດ​ວຽກ ຈະ​ມີ 1 ຊົ່ວ​ໂມງ​ເຂົ້າ​ຮ່ວມ​ການ​ຜະ​ລິດ ແລະ ອອກ​ກຳ​ລັງ​ກາຍ. ​ຜັກຂຽວ​ສົດຍາມ​ໃດ​ກໍ່​ມີ ສະ​ນັ້ນ ​ກົມ​ກອງກໍ່​ບໍ່​ໄດ້ຂາດ​ຜັກ ແລະ ຍັງໄດ້​ຮັບ​ປະ​ກັນຫຼັກ​ອະ​ນາ​ໄມນຳ​ອີກ. ນອກ​ຈາກ​ປູກ​ຜັກ​ແລ້ວ, ກົມ​ກອງ​ກໍ່ຍັງ​ປູກ​ຕົ້ນ​ໄມ້ກິນໝາກ, ​ລ້ຽງ​ໝູ, ລ້ຽງ​ເປັດ, ລ້ຽງໄກ່ອີກດ້ວຍ”. ຖ້າ​ກ່ອນນີ້, ບັນ​ດາ​ນັກ​ຮົບ​ຕ້ອງໄປຫາບ​ນ້ຳ​ແຕ່​ລະຖັງເພື່ອ​ຫົດ​ນ້ຳ​ໃຫ້​ຜັກ, ປະ​ຈຸ​ບັນ ພຽງ​ແຕ່​ກົດ​ປຸ່ມກົງຕັກ​ໄຟ​ຟ້າ, ນ້ຳ​ກໍ່ໄດ້​ມາ​ຮອດ​ທົ່ວສວນເລີຍ. ໃນ​ລະ​ດູ​ແລ້ງ, ແຫຼ່ງ​ນ້ຳ​ຈ​ືດ​ຢູ່​ເຂດ​ເກາະ​ແມ່ນບໍ່​ມີ​ຫຼາຍ. ຕໍ່​ກັບ​ສະ​ພາບ​ການນັ້ນ, ທ່ານ​ຮ້ອຍ​ເອກ ເລ​ດຶກ​ແອັ​ງ, ຫົວ​ໜ້າ​ປ້ອມ​ຣາ​ດາ 625 ໄດ້​ຄົ້ນ​ຄວ້າ, ອອກ​ແບບ​ຫົດ​ນ້ຳ​ໃຫ້​ເໝາະ​ສົມ​ກັບ​ສະ​ພາບ​​ຕົວ​ຈິງ. “ຂ້າ​ພະ​ເຈົ້າ​ພ້ອມ​ກັບ​ບັນ​ດາ​ເພື່ອນ​ຮ່ວມ​ກົມ​ກອງ​ໄດ້​ສ້າງລະ​ບົບສີດ​ໝອກ​ນ້ຳ​ໃຫ້ຄ້າງ​ຮ້ານປູກ​ຜັກ. ຂ້າ​ພະ​ເຈົ້າ​ຄົ້ນ​ຄວ້າ​ຮູບ​ແບບ, ວິ​ທີ​ການ​ໃນ​ເວັບ​ໄຊ​ຕ່າງໆ ເພື່ອຈະໄດ້ມີ​ຮູບ​ແບບທີ່​ເໝາະ​ສົມ​ທີ່​ສຸດ​ສຳ​ລັບ​ກົມ​ກອງ ແລະ ຈາກນັ້ນ ກໍ່ຜັນ​ຂະ​ຫຍາຍ​​ສຳ​ເລັດ​ຮູບ​ແບບ​ຫົດ​ນ້ຳ​ດ​້ວຍ​ລະ​ບົບ​ສີດ​ໝອກ​ນ້ຳ. ເຖິງວ່າຈະແມ່ນ​ລະ​ດູ​ແລ້ງ ຫຼື ລະ​ດູ​ຝົນ ກໍ່​ຍັງ​ມີ​ນ້ຳ​ຢ່າງ​ພຽງ​ພໍ​ເພື່ອ​ຮັບ​ໃຊ້​ການ​ຜະ​ລິດ​ຜັກ​ໃຫ້​ແກ່​ກົມ​ກອງ”. 11.4-pst7-anh_4.jpg (ສວນ​ຢາ​ພື້ນ​ເມືອງ​ຂອງ​ສຸກ​ສາ​ລາ 625) ຖ້າ​ບັນ​ດາໜານ​ຜັກ​ສີ​ຂຽວ​ໄດ້​ປະ​ກອບ​ສ່ວນ​ເຮັດ​ໃຫ້​ຄາບ​ເຂົ້າ​ອຸ​ດົມ​ສົມ​ບູນ​ຂຶ້​ນ​ຕື່ມນັ້ນ, ສວນ​ຢາ​ພື້ນ​ເມືອງ​ພັດ​ສາ​ມາດ​ຮັກ​ສາ ​ສຸ​ຂະ​ພາບ​ໃຫ້​ແກ່​ພະ​ນັກ​ງານ, ນັກ​ຮົບ ແລະ ປະ​ຊາ​ຊົນ​ຢູ່​ເຂດ​ເກາະ​ຢ່າງ​ມິດງຽບ. ໂດຍ​ໄດ້​ປະ​ຕິ​ບັດ​ງານ​ຢູ່​ເຂດ​ເກາະ​ເປັນ​ເວ​ລາ​ເກືອບ 20 ປີ, ທ່ານ​ພັນ​ຕີ,  ແພດ​ຊັ້ນ​ກາງ ຫງວຽນ​ວັນ​ມ້ວນ ໄດ້​ກາຍ​ເປັນ​ບ່ອນ​ອີງ​ທີ່​ລື້ງ​ເຄີຍ​ຂອງ​ທະ​ຫານ ແລະ ພໍ່​ແມ່​ປະ​ຊາ​ຊົນ​ເມື່ອ​ເຈັບ​ເປັນ. ພ້ອມ​ກັບ​ຢາຫຼວງ, ອ້າຍ​ຍັງ​ນຳ​ໃຊ້​ບັນ​ດາ​ຢາ​ພື້ນ​ເມືອງ​ໂດຍ​ຕົນ​ເອງ​ປູກ​ບົວລະບັດໃນແຕ່ລະ​ວັນ​ນັ້ນ ເພື່ອ​ໜູນ​ຊ່ວຍ​ການ​ປິ່ນ​ປົວ. ທ່ານ​ພັນ​ຕີ, ແພດ​ຊັ້ນ​ກາງ ຫງວຽນ​ວັນ​ມ້ວນ ໃຫ​້​ຮູ້​ວ່າ: “ສວນ​ຢາ​ພື້ນ​ເມືອງ​ຂອງ​ສຸກ​ສາ​ລາ 625 ໄດ້​ແບ່ງ​ເປັນ 8 ໝວດ​ເພື່​ອ​ປິ່ນ​ປົວ, ລວມ​ມີ: ໝວດ​ຢາ​ປິ່ນ​ປົວ​ງູ​ຕອດ, ພະ​ຍາດ​ຜິວ​ໜັງ, ພະຍາດລະ​ບົບ​ຫາຍ​ໃຈ, ລະ​ບົບ​ຍ່ອຍ​ອາ​ຫານ ແລະ ພະ​ຍາດອື່ນອີກ​ຈຳ​ນວນ​ໜຶ່ງ. ສວນ​ຢາ​ພື້ນ​ເມືອງ​ໄດ້​ປູກ​ຕົ້ນ​ຢາ​55 – 60 ຕົ້ນ​ເພື່ອ​ຮັບ​ໃຊ້​ໃຫ້​ແກ່​ກົມ​ກອງ ແລະ ປະ​ຊາ​ຊົນ”. ແຕ່​ລະ​ມື້, ບັນ​ດາ​ໜານ​ຜັກ​ສີ​ຂຽວ ແລະ ສວນ​ຢາ​ພື້ນ​ເມືອງ​ຍັງ​ເຕີບ​ໂຫຍ່ຢ່າງສະໝ່ຳສະເໝີ. ໜານ​ຜັກ, ຢາ​ພື້ນ​ເມືອງ​ແຕ່​ລະ​ໜານນັ້ນ ບໍ່​ພຽງ​ແຕ່ແມ່ນ​ຜົນ​ງານ​ຂອງ​ການ​ອອກ​ແຮງ​ງານ​ເທົ່າ​ນັ້ນ ຫາກ​ຍັງ​ສະ​ແດງ​ໃຫ້​ເຫັນ​ຈິດ​ໃຈ​ປະ​ດິດ​ຄິດ​ສ້າງ​ຂອງ​ທະ​ຫານ, ຮູ້​ວິ​ທີ​ນ້ຳ​ໃຊ້​ແຫຼ່ງ​ກຳ​ລັງ​ເພື່ອ​ຍົກ​ສູງ​ຊີ​ວິດ​ການ​ເປັນ​ຢູ່​ ແລະ ສົ່ງເສີມ​ສຸຂະພາບໃຫ້​ແກ່​ປະ​ຊາ​ຊົນ​ຢູ່​ເຂດ​ເກາະ​ທີ່ຫ່າງ​ໄກອີກດ້ວຍ.