ຄະ​ນະ​ຜູ້​ແທນຫວຽດນາມເຂົ້າຮ່ວມງານບຸນມໍລະດົກວັດທະນະທຳອາຊີ ຢູ່ອາເມລິກາ (vovworld)- ຄະ​ນະ​ຜູ້​ຕາງ​ໜ້າ​ຫວຽດ​ນາມ​ປະ​ຈຳ​ອົງ​ການ​ສ.ປ.ຊ ແລະ ບັນ​ດາ​ສຳ​ນັກ​ງານ​ຕາງ​ໜ້າ​ຂອງ​ຫວຽດ​ນາມ​ຢູ່​ອາ​ເມ​ລິ​ກາໄດ້​ເຂົ້າ​ຮ່ວມງານ​ບຸນ​ມໍ​ລະ​ດົກ​ວັດ​ທະ​ນະ​ທຳ​ອາ​ຊີ​ຊຶ່ງ​ຈັດ​ຂຶ້ນ​ຢູ່ນິວຢອກ​ປະ​ເທດ​ອາ​ເມ​ລິ​ກາ​ໃນ​ວັນ​ທີ 9/5. ຄະ​ນະ​ຫວຽດ​ນາມ​ໄດ້​ແນະ​ນຳ​ໃຫ້​ແຂກ​ເຂົ້າມາ​ທັດສະ​ນະ​ສຶກ​ສາ​ຮັບ​ຊາບ​ກ່ຽວ​ກັບ​ມະ​ນຸດ, ທັດ​ສະ​ນີ​ຍະ​ພາບ​ຂອງ​ຫວຽດ​ນາມ, ຄວາມ​ງາມ​ຂອງ​ເສື້ອຍາວ​ທີ່​ເປັນ​ປະ​ເພ​ນີ​ຂອງ​ແມ່​ຍິງ​ຫວຽດ​ນາມ, ພ້ອມ​ກັບເຄື່ອງ​ສິ​ລະ​ປະ​ຫັດ​ຖະ​ກຳ​ຂອງ​ຫວຽດ​ນາມ​ອີກ​ດ້ວຍ.