ຕາມການຕີລາຄາຂອງບົດລາຍງານແລ້ວ, ໃນຂະບວນວິວັດແຫ່ງການປະຕິບັດ ເປົ້າໝາຍພັດທະນາ ສະຫັດສະວັດ ໄລຍະປີ 1990-2015, ບັນດາປະເທດອາຊີ ປະຕິບັດໄດ້ຕາມເປົ້າໝາຍການຫຼຸດຜ່ອນ 1/2 ຂອງຈຳນວນພົນລະເມືອງທີ່ທຸກຍາກທີ່ສຸດ ແລະ ປັດຈຸບັນກໍ່ຍັງຄົງຮັກສາທ່າອ່ຽງການພັດທະນາໄດ້ດີ. ທ່ານ ສາດສະດາຈານ ຫຼີແຊວອີ້ນ ຜູ້ຮັບຜິດຊອບກຸ່ມນັກຊ່ຽວຊານສ້າງຮ່າງບົດລາຍງານ, ໄດ້ຖືວ່າ: ເລື່ອງທະວີບອາຊີ ຮັກສາລະດັບອັດຕາການເກີດຄວາມທຸກຍາກໄດ້ຕ່ຳກວ່າ2% ໃນປັດຈຸບັນແມ່ນເປັນສິ່ງທີ່ມະຫັດສະຈັນ ແລະ ມີການປະກອບສ່ວນອັນໃຫ່ຍຫຼວງເຂົ້າໃນການພັດທະນາທົ່ວໂລກ. ບັນດາປະເທດທີ່ມີອັດຕາການຫຼຸດຜ່ອນຄວາມທຸກຍາກຢ່າງວ່ອງໄວໂດຍພື້ນຖານແລ້ວແມ່ນບັນດາ ປະເທດ ທີ່ມີພື້ນຖານດ້ານການເມືອງໝັ້ນຄົງ, ຄືຫວຽດນາມ, ຈີນ, ກຳປູເຈຍ.