ໂຄ​ສົກກະ​ຊວງ​ການ​ຕ່າງ​ປະ​ເທດ​ຫວຽດ​ນາມ​ ເລ​ຫາຍ​ບິງ (vovworld)- ໃນ​ການ​ປະ​ຊຸມ​ຂ່າວ​ສາ​ມັນ​ຂອງ​ກະ​ຊວງ​ການ​ຕ່າງ​ປະ​ເທດ​ຫວຽດ​ນາມ​ເມື່ອ​ວັນ​ທີ 25/6, ໂຄ​ສົກ ກະ​ຊວງ​ການ​ຕ່າງ​ປະ​ເທດ​ຫວຽດ​ນາມ​ ເລ​ຫາຍ​ບິງ​ໄດ້​ໃຫ້​ຮູ້​ກ່ຽວ​ກັບ​ປະ​ຕິ​ກິ​ລີ​ຍາ​ຂອງ​ຫວຽດ​ນາມ​ຕໍ່​ໜ້າ​ຄຳ​ປາ​ໄສ​ຂອງ ​ໂຄ​ສົກກະ​ຊວງ​ການ​ຕ່າງ​ປະ​ເທດ​ຈີນ ລູ​ຄາງ ເມື່ອມໍ່ໆ​ມານີ້ ຊຶ່ງ​ໄດ້​ຖື​ວ່າ : ການກ່ໍ່​ສ້າງ​ເກາະ​ຕ່າງໆ​ຢູ່​ທະ​ເລ​ຕາ​ເວັນ​ອອກ​ແມ່ນ​ຢູ່​ໃນ​ບໍ​ລິ​ເວນ​ທີ່​ມີ​ອະ​ທິ​ປະ​ໄຕ​ຂອງ​ຈີນ, ຖືກ​ຕ້ອງ, ເໝາະ​ສົມ. ກ່ຽວ​ກັບ​ບັນ​ຫານີ້ ​ໂຄ​ສົກກະ​ຊວງ​ການ​ຕ່າງ​ປະ​ເທດ​ຫວຽດ​ນາມ​ ເລ​ຫາຍ​ບິງ ຢືນ​ຢັນ​ວ່າ :     “ບັນ​ດາ​ການ​ເຄື່ອນ​ໄຫວກໍ່​ສ້າງ​ເປີດ​ກ້​ວາງ​ເກາະ​ດອນ​ທີ່​ມີ​ຂອບ​ຂະ​ໜາດ​ໃຫຍ່​ຂອງ​ຈີນ​ຢູ່​ໝູ່​ເກາະ​ເຈືອງ​ຊາ​ແມ່ນ​ຜິດກົດ​ໝາຍ; ບໍ່​ສາ​ມາດ​ປ່ຽນ​ແປງ​ຄວາມ​ຈິງ​ທີ່​ວ່າ ຫວຽດ​ນາມ​ມີ​ພື້ນ​ຖານ​ດ້ານ​ກົດ​ໝາຍ​ ແລະ ພະ​ຍານຫຼັກ​ຖານ​ປະ​ຫວັດ​ສາດຢ່າງ​ຄົບ​ຖ້ວນເພື່ອຢັ້ງ​ຢຶນ​ອະ​ທິ​ປະ​ໄຕ​ຂອງ​ຕົນ​ທີ່​ມີ​ຕໍ່​ໝູ່​ເກາະ​ເຈືອງ​ຊາ. ຫວຽດ​ນາມ​ຮຽກ​ຮ້ອງ​ຈີນ​ຈົ່ງ​ຢຸດ​ຕິ​ບັນ​ດາ​ການ​ເຄື່ອນ​ໄຫວນີ້​ໃນ​ທັນ​ທີ່, ເຄົາ​ລົບ​ອະ​ທິ​ປະ​ໄຕ​ຂອງ​ຫວຽດ​ນາມ​ສຳ​ລັບ​ໝູ່​ເກາະ​ເຈືອງ​ຊາ, ຮ່​ວາງ​ຊາ, ປະ​ຕິ​ບັດ​ກົດ​ໝາຍ​ສາ​ກົນ​ຢ່າງ​ເຂັ້ມ​ງວດ, ບໍ່​ຄວນ​ມີ​ການ​ກະ​ທຳ​ເຮັດ​ໃຫ້​ສະ​ພາບ​ການ​ສັບ​ສົນ​ຂຶ້ນ ແລະ ເຮັດ​ໃຫ້​ປ່ຽນ​ແປງ​ສະ​ພາບ​ເດີມ​ຢູ່​ທະ​ເລ​ຕາ​ເວັນ​ອອກ”