ທ່ານ ໂງຊວັນລິກ  ແລະ ທ່ານ Nyamaa Enkhbold (ພາບ: qdnd.vn )         ພາຍຫລັງພິທີຕ້ອນຮັບ, ລັດຖະມົນຕີ 2 ທ່ານໄດ້ດຳເນີນກອງປະຊຸມເຈລະຈາ. ເພື່ອພັດທະນາການຮ່ວມມືດ້ານປ້ອງກັນຊາດລະຫວ່າງ ຫວຽດນາມ ແລະ ມົງໂກນ ທັງລວງກ້ວາງ ແລະ ລວງເລິກ ແລະ ບັນລຸປະສິດທິຜົນຢ່າງແທດຈິງ, 2 ຝ່າຍໄດ້ເຫັນດີເປັນເອກະພາບວ່າ ໃນໄລຍະຈະມາເຖິງ ຈະຕັ້ງໜ້າຜັນຂະຫຍາຍການຮ່ວມມືດ້ານປ້ອງກັນຊາດໃນຂອບເຂດຂໍ້ຕົກລົງລະຫວ່າງ 2 ລັດຖະບານ, ໃນນັ້ນມີເລື່ອງສ້າງກຸ່ມປະຕິບັດງານຮ່ວມກ່ຽວກັບການຮ່ວມມືດ້ານປ້ອງກັນຊາດ ແນໃສ່ຊຸກຍູ້ການຮ່ວມມືໃນທຸກຂົງເຂດ.         ພາຍຫລັງກອງປະຊຸມເຈລະຈາ, ລັດຖະມົນຕີ 2 ທ່ານໄດ້ເຊັນ “ຂໍ້ຕົກລົງລະຫວ່າງ 2 ລັດຖະບານ ຫວຽດນາມ - ມົງໂກນ ກ່ຽວກັບການຮ່ວມມືໃນຂົງເຂດປ້ອງກັນຊາດ”.