ລັດ​ຖະ​ມົນ​ຕີ​ວ່າ​ການ​ກະ​ຊວງ​ອຸດ​ສາ​ຫະ​ກຳ ແລະ ການ​ຄ້າ​ ຫວຽດ​ນາມ ຫວູ​ຮູຍ​ຮ່​ວາງ ພາບ:dantri.vn (vovworld)- ປີ 2015, ກະ​ຊວງອ​ຸດ​ສາ​ຫະ​ກຳ ແລະ ການ​ຄ້າ ຫວຽດ​ນາມ ຈະ​ສືບ​ຕໍ່​ປະ​ຕິ​ບັດ​ມາດ​ຕະ​ການ​ແກ້​ໄຂ​ຄວາມ​ຫຍຸ້ງ​ຍາກ​ໃຫ້​ແກ່​ວິ​ສາ​ຫະ​ກິດ, ພິ​ເສດ​ແມ່ນ​ວິ​ສາ​ຫະ​ກິດ​ຂະ​ຫນາດ​ກາງ ແລະ ນ້ອຍ. ນີ້​ແມ່​ນ​ຄຳ​ຢືນ​ຢັນ​ຂອງ​ທ່ານ ລັດ​ຖະ​ມົນ​ຕີ​ວ່າ​ການ​ກະ​ຊວງ​ອຸດ​ສາ​ຫະ​ກຳ ແລະ ການ​ຄ້າ​ຫວຽດ​ນາມ ຫວູ​ຮູຍ​ຮ່​ວາງ ໃນ​ການ​ຕອບ​ສຳ​ພາດ​ຕໍ່​ນັກ​ຂ່າວ​ວິ​ທະ​ຍຸ​ກະ​ຈາຍ​ສຽງ​ຫວຽດ​ນາມ. ຕາມ​ທ່ານ ຫວູ​ຮູຍ​ຮ່​ວາງ​ແລ້ວ, ພື້ນ​ຖານ​ເສດ​ຖະ​ກິດ​ຂອງ​ຫວຽດ​ນາມ ປະ​ຈຸ​ບັນ ມີ​ການ​ເຂົ້າ​ຮ່ວມ​ຂອງ​ການ​ຄ້າ​ຕ່າງ​ປະ​ເທດ ສະ​ນັ້ນ ​ຊຸກ​ຍູ້​ການ​ສົ່ງ​ອອກເຕີບ​ໂຕ​ດ້ວຍ​ຈຸດ​ໝາຍ​ເພີ່ມ​ຂຶ້ນ 10% ແມ່ນ​ຫນຶ່ງ​ໃນ​ບັນ​ດາ​ຫນ້າ​ທີ່​ສຳ​ຄັນ​ຊື່ງ​ຂະ​ແຫນງ​ອຸດ​ສາ​ຫະ​ກຳ ການ​ຄ້າ ຕ້ອງ​ປະ​ຕິ​ບັດ.