ວັນທີ 20 ມິຖຸນາ ຜ່ານມາ, ບັນດາສະມາຊິກລັດຖະສະພາພັກນິຍົມຮັກສາເດີມຢູ່ສະພາຕ່ຳອັງກິດ ໄດ້ດຳເນີນການປ່ອນບັດເລືອກເອົາບັນຊີລາຍຊື່ຜູ້ອອກສະໝັກຮັບເລືອກຕັ້ງສຸດທ້າຍໃຫ້ແກ່ຕຳແໜ່ງການນຳພັກ ແລະ ນາຍົກລັດຖະມົນຕີ ແທນໃຫ້ທ່ານນາງ Theresa May. ໝາກຜົນແມ່ນມີຜູ້ອອກສະໝັກເລືອກຕັ້ງ 2 ທ່ານລວມມີທ່ານອະດີດລັດຖະມົນຕີການຕ່າງປະເທດ Boris Johnson ແລະ ທ່ານລັດຖະມົນຕີການຕ່າງປະເທດ Jeremy Hunt ຍາດໄດ້ຈຳນວນບັດສະໜັບສະໜູນຫຼາຍສຸດເພື່ອກ້າວເຂົ້າສູ່ຮອບປ່ອນບັດຕັດສິນ.