anh_ban_quyen_18-_viet_nam_anh_1.jpg (ທ່ານ ວູ​ເລ​ທາຍ​ຮວ່າງ, ເອກ​ອັກ​ຄະ​ລັດ​ຖະ​ທູດ ຫວຽດ​ນາມ ປະຈຳ ໂອຕາລິດ ກ່າວ​ຄຳ​ເຫັນ​ທີ່ກອງ​ປ​ະ​ຊຸມ​ສຳ​ມະ​ນາ )         ຢູ່​ນະ​ຄອນ ວຽນ, ປະ​ເທດ ໂອ​ຕາ​ລິດ ຫາກໍ່​ຈັດ​ກອງ​ປະ​ຊຸມ​ສາ​ກົນ​ກ່ຽວ​ກັບ​ສັນ​ຍາບໍ່​ເຜີຍ​ແຜ່​ອາ​ວຸດ​ນິວ​ເຄຼຍ (NPT) ດ້ວຍ​ການ​ເຂົ້າ​ຮ່ວມ​ຂອ​ງ​ຜູ້​ຕາງ​ໜ້າ​​ຫຼາຍປະ​ເທດ ໃນ​ນັ້ນ​ມີ ຫວຽດ​ນາມ, ບັນ​ດາ​ອົງ​ການ​ຈັດ​ຕັ້ງ​ສາ​ກົນ ແລະ ວົງ​ການ​ນັກ​ຊ່ຽວ​ຊານ. ເຫດ​ການ​ໄດ້​ຈັດ​ຂຶ້ນ​ເພື່ອ​ແລກ​ປ່ຽນ, ມຸ່ງ​ໄປ​ເຖິງກອງ​ປະ​ຊຸມກວດ​ກາ​ຕີ​ລາ​ຄາ NPT ຄັ້ງ​ທີ 11 ເຊິ່ງຈະ​ຈັດ​ຂຶ້ນ​ໃນ​ທ້າຍເດືອນ ເມ​ສາ 2026 ຢູ່​ນິວຢອກ, ປະ​ເທດ ອາ​ເມ​ລິ​ກາ.           ກ່າວ​ຄຳ​ເຫັນ​ທີ່ກອງ​ປ​ະ​ຊຸມ​ສຳ​ມະ​ນາ, ທ່ານ ວູ​ເລ​ທາຍ​ຮວ່າງ, ເອກ​ອັກ​ຄະ​ລັດ​ຖະ​ທູດ ຫວຽດ​ນາມ ປະຈຳ ໂອຕາລິດ ໄດ​້​ຍົກ​ສູງ​ການ​ຮັບ​ປະ​ກັນ​ຄວາມ​ດຸ່ນ​ດ່ຽງ​ລະ​ຫວ່າງ 3 ເສົ້າ​ຄ້ຳ​ຂອງ​ສົນ​ທິ​ສັນ​ຍາ, ລ​ວມ​ມີ ​ຫຼຸດ​ຜ່ອນ​ກຳ​ລັງ​ອາ​ວຸດ, ບໍ່​ເຜີຍ​ແຜ່ ແລະ ນ້ຳ​ໃຊ​້ພະ​ລັງ​ງານ​ນິວ​ເຄຼຍເພື່ອ​ຈຸດ​ປະ​ສົງ​ສັນ​ຕິ​ພາບ; ທ່ານ​ເນັ້​ນ​ໜັກ​ເຖິງ​ຫຼັກ​ການ​ເຫັນ​ດີ​ເຫັນ​ພ້ອມ​ແມ່ນ​ພື້ນ​ຖານສຳຄັນເພື່ອ​ຮັບ​ປະ​ກັນ​ລັ​ກ​ສະ​ນະຖືກຕ້ອງຕາມບົດບາດໜ້າທີ່ ແລະ ມີ​ປະ​ສິດ​ທິ​ຜົນ​ຂອງກອງ​ປະ​ຊຸມ.           ພິ​ເສດ, ໃນ​ຖາ​ນະ​ເປັນ​ປະ​ທານ​ຂອງກອງ​ປະ​ຊຸມກວດກາຕີລາຄາ NPT ຄັ້ງ​ທີ 11, ທ່ານ​ເອກ​ອັກ​ຄະ​ລັດ​ຖ​ະ​ທູດ ວູ​ເລ​ທາຍ​ຮວ່າງ ຢືນ​ຢັນ​ວ່າ ຫວຽດ​ນາມ ພ້ອມ​ແລ້ວ​ທີ່​ຈະ​ສົມ​ທົບ​ກັບ​ບັນ​ດາ​ປະ​ເທດ​ສະ​ມາ​ຊິກ, ຊຸກ​ຍູ້​ວິ​ວັດ​ການ​ໃຫ້​ຄຳ​ປຶກ​ສາ​ຢ່າງ​ຮອບ​ດ້ານ, ໂປ່ງ​ໃສ ແລະ ກວມ​ລວມ, ມຸ່ງ​ໄປ​ເຖິງ​ໝາກ​ຜົນ​ຕັ້ງ​ໜ້າ, ປະ​ກ​ອບ​ສ່ວນ​ສືບ​ຕໍ່​ປັບ​ປຸງ​ບົດ​ບາດ​ຂອງ NPT ທີ່ມ​ີ​ຕໍ່​ສັນ​ຕິ​ພາບ, ຄວາມ​ໝັ້ນ​ຄົງ​ສາ​ກົນ.