vov5_9.4_21-_cong_bo_anh_2.jpg (ທ່ານ ເກິນ​ດິ່ງ​ຕ່າຍ, ຮອງ​ຫົວ​ໜ້າ​ຫ້ອງວ່າ​ການ​ປະ​ທານ​ປະ​ເທດ ຫວຽດ​ນາມ )         ທີ່​ການ​ປະ​ຊຸມ​ຂ່າວ, ທ່ານ ເກິນ​ດິ່ງ​ຕ່າຍ, ຮອງ​ຫົວ​ໜ້າ​ຫ້ອງວ່າ​ການ​ປະ​ທານ​ປະ​ເທດ ຫວຽດ​ນາມ ຢືນ​ຢັນ​ວ່າ ການ​ອະ​ໄພ​ຍະ​ໂທດ​ແມ່ນ​ແຜນ​ນະ​ໂຍ​ບາຍ​ໃຫຍ່, ສະ​ເໝີ​ຕົ້ນ​ສະ​ເໝີ​ປາຍ​ຂອງ​ພັກ ແລະ ລັດ, ສະ​ແດງ​ໃຫ້​ເຫັນ​ຢ່າງ​ຈະ​ແຈ້ງ​​​ເຖິງນະ​ໂຍ​ບາຍອະ​ໄພ​ຍະ​ໂທດ, ພ້ອມ​ກັນ​ນັ້ນກໍ່ຢືນ​ຢັນ​ຢ່າງ​ຈະ​ແຈ​້ງເຖິງ​ບັນ​ດາ​ຄຳ​ໝັ້ນ​ສັນ​ຍາ​ຂອງ ຫວຽດ​ນາມ ໃນ​ການ​ຮັບ​ປະ​ກັນ​ສິດ​ທິ​ມະ​ນຸດ, ສິດ​ທິ​ພົນ​ລະ​ເມືອງ​ຢ່າງ​ຍຸ​ຕິ​ທຳ, ສະ​ເໝີ​ພາບ.         ວັນ​ທີ 07ເມ​ສາ 2026, ທ່ານ ໂຕ​ເລິມ, ເລ​ຂາ​ທິ​ການ​ໃຫຍ່​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ກອມ​ມູ​ນິດ ຫວຽດ​ນາມ, ປະ​ທານ​ປະ​ເທດ ຫວຽດ​ນາມ ໄດ້​ເຊັນ​ຂໍ້​ຕົກ​ລົງ​ເລກ​ທີ 457 ກ່ຽວ​ກັບ​ການ​ອະ​ໄພ​ຍະ​ໂທດ. ຕາມ​ຂໍ້​ຕ​ົກ​ລົງ​ນີ້, ຫວຽດ​ນາມ ​ໄດ້ປະ​ຕິ​ບັດ​ການ​ອະ​ໄພ​ຍະ​ໂທດ​ກ່ອນ​ກຳ​ນົດ​ເວ​ລາ​ໃຫ້​ແກ່​ຜ​ູ້​ຖືກ​ຕັດ​ສິນ​ຈຳ​ຄຸກ​ທີ່​ມີ​ກຳ​ນົດ​ເວ​ລາ, ຈຳ​ຄຸກ​ຕະ​ຫຼອດ​ຊີ​ວິດ.         ທີ່ກ​ານ​ປະ​ຊຸມ​ຂ່າວ, ເມື່ອ​ຕອບ​ຄ​ຳ​ຖາມ​ຂອງ​ນັກ​ຂ່າວ​ກ່ຽວ​ຂ້ອງ​ເຖິງ​ໝາກ​ຜົນ​ການ​ຜັນ​ຂະ​ຫຍາຍ​ຂໍ້​ຕົກ​ລົງ​ຂອງ​ທ່ານ​ນາ​ຍົກ​ລັ​ດ​ຖະ​ມົນ​ຕີ​ກ່ຽວ​ກັບ​ບ້ວງ​ສິນ​ເຊື່ອ​ສຳ​ລັບ​ຜູ້​ທີ່​​ສິ້ນ​ສຸດ​ການ​ປະ​ຕິ​ບັດ​ຈຳ​ຄ​ຸກ. ທ່ານ ເລ​ວັນ​ຕວຽນ, ຮອງ​ລັດ​ຖະ​ມົນ​ຕີ​ກະ​ຊວງ​ຕຳ​ຫຼວດ ຫວຽດ​ນາມ ໃຫ້​ຮູ​້​ວ່າ ແຕ່​ເດືອນ ສິງ​ຫາ 2023 ມາ​ຮອດ​ປະ​ຈຸ​ບັນ, ມີ​ຜູ້​ໄດ້​ຮັບ​ອະ​ໄພ​ຍະ​ໂທດ, ຜູ້​ສິ້ນ​ສຸດ​ການປະ​ຕິ​ບັດ​​ຈຳ​ຄ​ຸກ​ເກືອບ 15.000 ຄົນ ໄດ້​ຮັບ​ການ​ກູ້​ຢຶມ​ທຶນ​ດ້ວຍ​ຈຳ​ນວນ​ເກືອບ 1.300 ຕື້​ດົ່ງ (ເກືອບ 50 ລ້ານ USD) ເພື່ອ​ລົງ​ທຶນ​ດຳ​ເນີນ​ທຸ​ລະ​ກິດ, ຮັບ​ປະ​ກັນ​ຊີ​ວິດ​ໃຫ້ເປັນ​ປົກ​ກະ​ຕິ.