ໃນຈຸດເວລາທ້າຍເດືອນ ມີນາ ແລະ ເດືອນ ເມສາ, ຢູ່ບັນດາເຂດປ່າຂອງແຫຼມເກາະ ເຊີນຈ່າ, ນະຄອນ ດ່ານັ້ງ, ດອກນົນທຣີ (ຫຼື ເອີ້ນວ່າ Yellow Flamboyant, Copperpod) ແຂ່ງກັນເບັ່ງບານ, ເຫຼືອງປົກຄຸມທົ່ວຂອບຟ້າ. ການປະສານສົມທົບລະຫວ່າງສີສັນຂອງດອກໄມ້ຫຼາຍຊະນິດ ພ້ອມກັບໂຕຄ່າງ ຈ່າວາ ຕີນສີນ້ຳຕານ ໄດ້ສ້າງຄວາມດຶງດູດຕໍ່ປະຊາຊົນ, ແຂກທ່ອງທ່ຽວ. ຮອດລະດູດອກເບັ່ງບານ ຜູ້ໃດກໍ່ຫຼົງໄຫຼຕໍ່ຄວາມງາມທີ່ຫາຍາກນີ້. ຕົ້ນນົນທຣີ ພັດທະນາດີໃນຫຼາຍເງື່ອນໄຂທີ່ແຕກຕ່າງກັນ, ຄື: ເຂດແຄມທະເລ, ເຂດພູພຽງ, ເຂດພູດອຍ. ເວລາຮັບຊົມດອກໄມ້ ແລະ ໂຕຄ່າງ ງາມທີ່ສຸດແມ່ນຕອນຮຸ່ງເຊົ້າ, ຕອນຍັງມີນ້ຳຄ້າງຢູ່. ບັນດາໂຕຄ່າງປີນໄປມາຢູ່ຕາມຕົ້ນນົນທຣີດອກເຫຼືອງ ທີ່ພວມເບັ່ງບານ ຍາມໃດກໍ່ດຶງດູດແຂກທີ່ມາຢ້ຽມຢາມຢູ່ເຂດນີ້. ແຕ່ລະລະດູທີ່ດອກນົນທຣີ ເບັ່ງບານ, ກໍ່ຈະມີແຂກທ່ອງທ່ຽວ ແລະ ນັກຖ່າຍຮູບຫຼາຍຄົນມາແຫ່ງນີ້ເພື່ອຖ່າຍບັນດາພາບທີ່ສວຍງາມ. ເມື່ອມາຊົມທິວທັດທຳມະຊາດຢູ່ແຫ່ງນີ້, ທຸກຄົນບໍ່ຄວນຖີ້ມຂີ້ເຫຍື້ອຊະຊາຍ ແລະ ນຳເອົາພຽງຈຸດຄວາມງາມສະເພາະມາໃຫ້ແກ່ຕົນ.