ການຮ່ວມມື ຫວຽດນາມ - ຕວັກກີ ສ້າງກຳລັງໜູນໃໝ່ໃຫ້ແກ່ການພັດທະນາຂອງແຕ່ລະປະເທດ
16/04/2026 15:33
[VOVWORLD] - ໃນຂອບເຂດການໄປປະຕິບັດງານເຂົ້າຮ່ວມກອງປະຊຸມສະມັດຊາໃຫຍ່ IPU ຄັ້ງທີ 152, ຢູ່ ຕວັກກີ, ຕອນບ່າຍວັນທີ 16 ເມສາ (ຕາມເວລາທ້ອງຖິ່ນ), ທ່ານ ເຈິ່ນແທັງເໝີ້ນ, ປະທານສະພາແຫ່ງຊາດ ຫວຽດນາມ ໄດ້ເຂົ້າຮ່ວມການໂອ້ລົມສົນທະນານະໂຍບາຍຊຸກຍູ້ການຮ່ວມມື ຫວຽດນາມ - ຕວັກກີ.
24_16-4_AM CHIEU_Anh 1.jpg (ທ່ານປະທານສະພາແຫ່ງຊາດ ເຈິ່ນແທັງເໝີ້ນ ກ່າວຄຳເຫັນທີ່ການໂອ້ລົມສົນທະນາ) ໃນຂອບເຂດການໄປປະຕິບັດງານເຂົ້າຮ່ວມກອງປະຊຸມສະມັດຊາໃຫຍ່ IPU ຄັ້ງທີ 152, ຢູ່ ຕວັກກີ, ຕອນບ່າຍວັນທີ 16 ເມສາ (ຕາມເວລາທ້ອງຖິ່ນ), ທ່ານ ເຈິ່ນແທັງເໝີ້ນ, ປະທານສະພາແຫ່ງຊາດ ຫວຽດນາມ ໄດ້ເຂົ້າຮ່ວມການໂອ້ລົມສົນທະນານະໂຍບາຍຊຸກຍູ້ການຮ່ວມມື ຫວຽດນາມ - ຕວັກກີ. ກ່າວຄຳເຫັນຢູ່ທີ່ນີ້, ທ່ານປະທານສະພາແຫ່ງຊາດ ເຈິ່ນແທັງເໝີ້ນ ສະເໜີໃຫ້ 2 ຝ່າຍສືບຕໍ່ເພີ່ມທະວີການຮ່ວມມືລັດຖະສະພາ; ຮັກສາບັນດາກົນໄກໂອ້ລົມສົນທະນາ, ປຶກສາທາບທາມນະໂຍບາຍຢ່າງເປັນປະຈຳ, ຜ່ານນັ້ນ ກໍສ້າງພື້ນຖານຢ່າງໝັ້ນແກ່ນໃຫ້ແກ່ການຮ່ວມມືຢ່າງຮອບດ້ານ, ເປີດກວ້າງການຮ່ວມມືໃນບັນດາຂົງເຂດທີ່ມີຄວາມສາມາດບົ່ມຊ້ອນ ແລະ ມີທ່າແຮງເພີ່ມເຕີມໃຫ້ແກ່ກັນ… ພິເສດ, ຕາມທ່ານປະທານສະພາແຫ່ງຊາດ ເຈິ່ນແທັງເໝີ້ນ ແລ້ວ ຕ້ອງຖືເປັນສຳຄັນການພັດທະນາບັນດາແລວຂົນສົ່ງ ແລະ ເຊື່ອມຕໍ່ລະບົບສະໜອງລະຫວ່າງ 2 ພາກພື້ນ. “ສະພາແຫ່ງຊາດ ຫວຽດນາມ ໃຫ້ຄຳໝັ້ນສັນຍາຈະສືບຕໍ່ຮ່ວມເດີນທາງພ້ອມກັບລັດຖະບານ ໃນການສ້າງ ແລະ ສ້າງລະບອບລະບຽບການໃຫ້ສົມບູນແບບ, ສ້າງສະພາບແວດລ້ອມແຫ່ງການລົງທຶນທີ່ສະດວກ, ໜູນຊ່ວຍບັນດາການເຄື່ອນໄຫວຮ່ວມມືລະຫວ່າງ 2 ປະເທດໃຫ້ມີປະສິດທິຜົນ. ພວກຂ້າພະເຈົ້າເຊື່ອໝັ້ນວ່າ ດ້ວຍຄວາມຕັດສິນໃຈດ້ານການເມືອງສູງ, ຄວາມຂະຫຍັນຂັນເຄື່ອນຂອງປະຊາຄົມວິສາຫະກິດ, ການພົວພັນຮ່ວມມືລະຫວ່າງ ຫວຽດນາມ - ຕວັກກີ ຈະກ້າວເຂົ້າສູ່ໄລຍະພັດທະນາໃໝ່, ເລິກເຊິ່ງກວ່າ, ແທ້ຈິງ ແລະ ມີປະສິດທິຜົນກວ່າ”. ເນື່ອງໃນໂອກາດເຂົ້າຮ່ວມ IPU 152, ຕອນບ່າຍວັນດຽວກັນ, ທ່ານປະທານສະພາແຫ່ງຊາດ ເຈິ່ນແທັງເໝີ້ນ ໄດ້ດຳເນີນການໂອ້ລົມສົນທະນາກັບ ທ່ານປະທານສະພາແຫ່ງຊາດ ຈໍເຈຍ S. Papuashvili.
TAG
VOV/VOVWORLD/ສະພາບແວດລ້ອມ/ລົງທຶນ/ສະດວກ
Related
