ຕ່າຊົວ ບໍ່ພຽງແຕ່ແມ່ນຊື່ເອີ້ນຂອງຈອມພູ, ຫາກຍັງແມ່ນເຂດພູພາປ່າໄມ້ທີ່ປົກຄຸມຕາແສງ ຕ່າຊົວ, ບ້ານ ເຈັວ ແລະ ຮ໊າງດົ່ງ, ດ້ວຍເນື້ອທີ່ກວ່າ 230 ກີໂລຕາແມັດ. ຕ່າຊົວ ຫ່າງຈາກ ຮ່າໂນ້ຍ 240 ກີໂລແມັດ ແລະ ຫ່າງຈາກໃຈກາງ ມົກເຈົາ ກວ່າ 100 ກີໂລແມັດ. ຕັ້ງຢູ່ຄວາມສູງແຕ່ 1.500 – 1.800 ແມັດທຽບກັບໜ້ານ້ຳທະເລ, ຢູ່ທີ່ນີ້ ອຸນຫະພູມເຢັນສະບາຍຕະຫຼອດປີ. ແຕ່ເດືອນ ພະຈິກ ຫາເດືອນ ມີນາ ປີຕໍ່ມາ ແມ່ນຈຸດເວລາເໝາະສົມທີ່ສຸດເພື່ອຮັບຊົມເມກ, ໄປປີນພູ. ທ່ານ ໂດ້ວັນຊຽມ, ປະທານຄະນະກຳມະການປະຊາຊົນຕາແສງ ຕ່າຊົວ ໃຫ້ຮູ້ວ່າ ປະຈຸບັນ ປະຊາຊົນ ແລະ ອຳນາດການປົກຄອງຢູ່ທີ່ນີ້ ລ້ວນແຕ່ມານະພະຍາຍາມຍູ້ແຮງການແນະນຳກ່ຽວກັບທິດທັດທຳມະຊາດ ແລະ ວັດທະນະທຳຂອງຊາວ ຕ່າຊົວ ໄປເຖິງເພື່ອນມິດທັງຢູ່ພາຍໃນ ແລະ ຕ່າງປະເທດ. ຫວ່າງມໍ່ໆມານີ້ແມ່ນການແຂ່ງຂັນແລ່ນ ເຊີນລາ Ultra Trail 100 ໄດ້ດຶງດູດນັກກິລາທີ່ມາຈາກ ຍີ່ປຸ່ນ, ລັດເຊຍ, ອາເມລິກາ, ແດນມາກ… ພ້ອມກັບນັກກິລາຢູ່ພາຍໃນປະເທດກວ່າ 1.000 ຄົນເຂົ້າຮ່ວມ. ຕ່າຊົວ ແຍກອອກກັບຄວາມບົນແຊວຂອງບັນດາສູນທ່ອງທ່ຽວໃຫຍ່. ຢ້ຽມຊົມບັນດາເຂດທົ່ງດອກໄມ້ສີມ່ວງຢູ່ທ່າມກາງເຂດພູພາປ່າໄມ້. ຕ່າຊົວ, ແດນສະຫວັນຂອງເມກ, ເປັນຈຸດນັດພົບທົ່ວໂລກທີ່ພວມລໍຖ້າເພື່ອນໄປຄົ້ນຫາ.