(VOVWORLD) - ເມື່ອເຕືຶ້ອງເຖິງເຂດພິເສດເຈື່ອງຊາ, ພາບທີ່ປະກົດຂຶ້ນຢ່າງຈະແຈ້ງໃນຫົວຂອງພວກເຮົາອາດຈະແມ່ນ ບັນດານັກຮົບກອງທັບເຮືອ ພວມປົກປັກຮັກສາເຂດທະເລໝູ່ເກາະຢ່າງອົງອາດກ້າຫານ ຢູ່ບັນດາເກາະເຂດແນວໜ້າຂອງປະເທດຊາດ. ແລະເພື່ອເພີ່ມຄວາມໝັ້ນແກ່ນໃຫ້ແກ່ເຂດແນວໜ້າໃນການປົກປັກຮັກສາທະເລໝູ່ເກາະນັ້ນ, ບໍ່ອາດຂາດບັນດາຂົວເຊື່ອມຕໍ່ແຫ່ງຄວາມຮັກແພງ” ທີ່ເຊື່ອມຕໍ່ດິນຕໍ່ແຜ່ນກັບເຂດເກາະທີ່ຫ່າງໄກໄດ້. ນັ້ນແມ່ນບັນດາກຳປັ່ນຂອງກອງພົນນ້ອຍ 955, ທະຫານເຮືອເຂດ 4. ພົ້ນເດັ່ນຂຶ້ນໃນຈຳນວນນັ້ນແມ່ນກຳປັ່ນໂຮງໝໍ 561, ອາດເວົ້າໄດ້ວ່າ ນີ້ແມ່ນໂຮງໝໍເຄື່ອນທີ່ທີ່ມີພາລະກຳຄວບຄູ່, ທັງເບິ່ງແຍງດູແລສຸຂະພາບໃຫ້ແກ່ປະຊາຊົນ, ທະຫານ, ຊາວປະມົງຢູ່ເຂດທະເລ, ທັງນຳສົ່ງຄະນະມາຢ້ຽມຢາມໝູ່ເກາະເຈື່ອງຊາອັນສັກກະລະບູຊາ.