(VOVWORLD) - ຢູ່ບັນດາວິຫານຫຼັກໃນເຂດປູຊະນີຍະສະຖານປະຫວັດສາດວິຫານ ຮຸ່ງ (ແຂວງ ຝຸເທາະ) ຍາມໃດກໍມີຜູ້ເຝົ້າຍາມເຮັດໜ້າທີ່ຈັດການໄຫວ້ບູຊາບັນດາເຈົ້າຊີວິດຮຸ່ງ. ເຂົາເຈົ້າເປັນຜູ້ສູງອາຍຸເຊິ່ງໄດ້ຮັບການຄັດເລືອກຈາກໝູ່ບ້ານເກົ່າແກ່ຢູ່ຕີນພູ ຮຸ່ງ, ໄດ້ຜ່ານການຝືກ ແລະ ການເສັງທີ່ເຂັ້ມງວດເພື່ອກາຍເປັນຜູ້ແນະນໍາພໍ່ແມ່ພີ່ນ້ອງ ແລະ ແຂກທ່ອງທ່ຽວທີ່ມາປະຕິບັດການເຫຼື້ອມໃສໄຫວ້ບູຊາເຈົ້າຊີວິດຮຸ່ງໃຫ້ຖືກຕ້ອງຕາມຮີດຄອງປະເພນີຂອງຊາດ. ເຂົາເຈົ້າມີບົດບາດສຳຄັນທີ່ສຸດໃນການຮັກສາ, ເສີມຂະຫຍາຍບັນດາຄຸນຄ່າຂອງເຂດປູຊະນີຍະຖານປະຫວັດສາດລະດັບຊາດພິເສດ ວິຫານ ຮຸ່ງ ແລະ ການເຫຼື້ອມໃສໄຫວ້ບູຊາເຈົ້າຊີວິດຮຸ່ງ - ເຊິ່ງເປັນມໍລະດົກວັດທະນະທຳບໍເປັນວັດຖຸຂອງມວນມະນຸດ ໂດຍອົງການ ການສຶກສາ, ວິທະຍາສາດ ແລະ ວັດທະນະທຳ ສປຊ (UNESCO) ໄດ້ຮັບຮອງເອົາ.