(VOVWORLD) - ສຳລັບຊາວຫວຽດນາມ ແຕ່ລະຄົນ, ຈຸດເວລາສິ້ນສຸດປີເກົ່າ ເລີ່ມຕົ້ນປີໃໝ່ ແມ່ນຈຸດເວລາທີ່ທຸກຄົນລ້ວນແຕ່ມີຄວາມປາດຖະໜາຢາກກັບເມືອຢູ່ຫາຄອບຄົວ, ຕ້ອນຮັບບຸນເຕັດກັບຄົນໃນຄອບຄົວ. ບຸນເຕັດແມ່ນໂອກາດເຕົ້າໂຮມກັນ, ຮັກແພງກັນ ແລະ ພ້ອມກັນສ້າງຄວາມຫວັງໃໝ່. ບຸນເຕັດກໍ່ແມ່ນຈຸດເວລາທີ່ພິເສດເພື່ອໃຫ້ແຕ່ລະຄົນມຸ່ງໄປເຖິງພາຍພາກໜ້າ ດ້ວຍຫຼາຍຄວາມມຸ່ງຫວັງ, ຄວາມເຊື່ອໝັ້ນໃນອະນາຄົດ. ພວກຂ້າພະເຈົ້າຂໍຝາກບົດໄປຍັງທ່ານຜູ້ຟັງ ໂດຍມີຫົວຂໍ້ວ່າ: “ບຸນເຕັດ - ລະດູແຫ່ງຄວາມຮັກແຮງ ແລະ ຄວາມຫວັງ”.