(VOVWORLD) - ສະໄໝກອງປະຊຸມໃຫຍ່ຄັ້ງທີ XIII ຂອງພັກກອມມູນິດ ຫວຽດນາມ ໄດ້ດຳເນີນໃນສະພາບການພິເສດ, ເມື່ອປະເທດຊາດ ແລະ ໂລກ ຕ້ອງປະເຊີນໜ້າກັບການຜັນແປໃຫຍ່ຫຼາຍຢ່າງ, ເປັນຕົ້ນແມ່ນໂລກລະບາດໂຄວິດ - 19 ແລະ ບັນດາບັນຫາຂາດສະຖຽນລະພາບທົ່ວໂລກ. ຕໍ່ໜ້າບັນດາຄວາມຫຍຸ້ງຍາກ, ສິ່ງທ້າທາຍທີ່ບໍ່ເຄີຍມາມາກ່ອນນັ້ນ, ຄຸນນະທາດ, ພູມປັນຍາ ແລະ ກຳລັງແຮງມະຫາສາມັກຄີທົ່ວປວງຊົນທັງຊາດ ສືບຕໍ່ໄດ້ຮັບການຢັ້ງຢືນ. ພາຍໃຕ້ການຊີ້ນຳຢ່າງສະຫຼາດສ່ອງໄສຂອງພັກ, ຫວຽດນາມ ໄດ້ຜ່ານຜ່າຄວາມຫຍຸ້ງຍາກລຳບາກ, ບັນລຸໄດ້ຜົນສຳເລັດສຳຄັນຫຼາຍຢ່າງ, ສ້າງພື້ນຖານອັນໝັ້ນແກ່ນເພື່ອກ້າວເຂົ້າສູ່ໄລຍະພັດທະນາໃໝ່ຢ່າງໝັ້ນແກ່ນ.